1. Mose 27:24 - O Debleskro Lab 2024 (Sinte-Manouche)

²⁴ Har yob kamas o Debleskri barht pral leste vin te rakrell, poučas lo pale: “Hal tou miro čavo Esau?” “Ava, me hom kova”, penas o Yakob.

O Debleskro Drom 2021 (Sinte)

²⁴ Har job kamas o Debleskri bacht pral leste win te rakrell, putchas lo pale: “Hal tu miro tchawo Esau?” “Awa, me hom kowa”, penas o Jakob.

1. Mose 27:24 Iomraidhean Croise

1. Mose 27:23

Yob prindjras les gar. Ap leskre moussya his boud balla har ap i moussya leskro phralestar Esau.

1. Mose 27:25

Kanna penas o Isaak: “Miro čavo, an mange ko rhapen, te rhap ko massestar, hoy anal mange, yaake te rakrap nay o Debleskri barht pral toute vin.” Oun o Yakob anas kova leske, te rhal lo. Oun yob rhas. Oun anas leske ninna mool, te piyell lo. Oun yob piyas.

2. Samuel 14:5

Penas o baro ray ap late: “Hoy hi?” Oun yoy penas: “Miro ray, miro rom hi moulo. Man his douy čave. Kolla čingran pen, oun kek his koy, kay djas koy mashkral. Yaake das ko yek peskro phrales khetne, te meras lo.

1. Rajengro liil 13:18

Kote penas o phouro ap leste: “Me hom ninna i Debleskro rakepaskro har tou, oun i bolepaskro o baro Deblestar penas mange: An les khere pash toute, te nay rhal lo maro oun te nay piyell lo pani!” Rhorhepen his kova, hoy ko phouro penas.

Hiob 15:5

Pal boud laba khatreh tiri doosh, oun rakreh har i rhorheno rakrell.

Gosewe laba 12:19

O čačo rakepen ačell hako tsireske. Rhorhene laba rikrenn gar rah.

Gosewe laba 12:22

O baro Devel dikell rhoyedes ap kolende, kay rhorhenna. Lačes dikell yob ap kolende, kay krenn o čačepen.

Gosewe laba 30:8

Rike man pale, te rhorhap! Oun ma kre, te vap čorvelo oun vitar gar, te vap bravelo. De man kokres, hoy man hounte vell o djipaske.

Zakarie 8:16

Kova hi, hoy hounte krenn t'mer: Rakrenn o čačepen yek o vavareha. Denn hakeneste peskro čačepen, te vell o čingepen krik lino.

Efesarja 4:25

Ma rhorhenn bouder! Mer ham lauter phrala oun phenya. Doleske rakrenn o čačepen yek o vavareha!

1. Samuel 21:13

Kol laba djan an o Davideskro dji, oun yob tapras bari daar glan o Akish, ko rayeste pral o foro Gat.

1. Samuel 21:2

Oun o David vas an o foro Nob. Oun kote djas lo pash o rashayeste Ahimelek. Oun kova trissas i daryatar glan leste oun poučas lestar: “Hoske veh tou kokres, oun kek hi pash toute?”

1. Samuel 27:10

Oun te poučas o Akish: “Kay peran t'mer kava dives dren oun randan?” palle penas o David: “An o them Negev an Youda.” Oder: “An o them Negev, kay i Yerameelarya djivenn.” Oder: “An o them Negev, kay i Kenarya djivenn.”