1. Mose 27:19 - O Debleskro Lab 2024 (Sinte-Manouche)

¹⁹ Koy penas o Yakob ap peskro dadeste: “Me hom o Esau, tiro phoureder čavo. Me krom, hoy tou mange penal. Ste kanna pre oun besh tout oun rha ko mass, hoy anom touke, yaake te rakress nay o Debleskri barht pral mande vin.”

O Debleskro Drom 2021 (Sinte)

¹⁹ Koi penas o Jakob ap peskro dadeste: “Me hom o Esau, tiro phureder tchawo. Me krom, hoi tu mange penal. Ste kanna pre un besh tut un cha ko mass, hoi anom tuke, jaake te rakress nai o Debleskri bacht pral mande win.”

1. Mose 27:19 Iomraidhean Croise

1. Mose 25:25

Ko ersto, kay boldo vas, his lolo. Oun les his boud bal ap leste, yaake har i balni plaashka. Oun doleske las yob ko lab Esau.

1. Mose 25:28

O Isaak kamas te rhal i firhendar, kay o Esau tapras. Oun yob kamas o Esaes boudeder har o Yakobes. I Rebekka kamas o Yakobes boudeder har o Esaes.

1. Mose 27:18

Oun yob djas dren pash peskro dadeste oun penas: “Miro dad!” Kova penas: “Ake hom. Koon hal tou, miro čavo?”

1. Mose 27:21

Koy penas o Isaak ap o Yakobeste: “Am pash mande, miro čavo, te taprap tout an, te djinap, kay hal čačepah miro čavo Esau.”

1. Mose 27:31

Oun yob kras ninna i lačo rhapen, anas les peskro dadeske oun penas ap leste: “Miro dad, ste pre oun rha ko massestar, hoy anom touke, yaake kay nashte rakress o Debleskri barht pral mande vin!”

1. Mose 27:35

Koy penas leskro dad: “Tiro phraal vas rhorhepah pash mande oun las peske i Debleskri barht, hoy touke his.”

1. Mose 27:4

Oun kre mange i lačo rhapen, yaake har me kova kamau. Oun an les mange, te rhap oun te rakrap nay glan miro merepen o Debleskri barht pral toute vin.”

1. Mose 27:45

oun yob bistras, hoy tou les kral. Palle bičrau yekes, kay anell tout pale. Hoske nashrap me t'men douyen ap yek dives?”

1. Rajengro liil 13:18

Kote penas o phouro ap leste: “Me hom ninna i Debleskro rakepaskro har tou, oun i bolepaskro o baro Deblestar penas mange: An les khere pash toute, te nay rhal lo maro oun te nay piyell lo pani!” Rhorhepen his kova, hoy ko phouro penas.

1. Rajengro liil 14:2

Kote penas o Yerobeam ap peskri romyate: “Rib touke vavar ripya pral, te dikell kek, te hal tou miri romni. Oun dja an o foro Shilo! Kote hi o Ahia, ko Debleskro rakepaskro. Kova penas mange, te vap o ray pral o them Israel.

Jesaja 28:15

T'mer penan: “Mer kram vin o merepah oun o moulengro themeha, te vas menge či. Ninna te venn i lourde dran vavar themma har i baro zorelo pani pral mende, venn le gar zorleder har mer.” T'mer patsenn, te nay khatrenn t'men pal t'mare rhorhene laba oun pal ko rhorhepen, hoy kran.