1. Mose 26:4 - O Debleskro Lab 2024 (Sinte-Manouche)

^4-5 O Abraham shounas ap mande oun kras kova, hoy me leske penom. Yob rikras pes ap mire laba oun djivas pal miro čačepen. Doleske krau me, te venn tire čave yaake boud har i bolepangre momlia. Oun me dau len kalla tsele themma. Oun koy barht, hoy dau tire čavende, djal doureder ap i tsele natsyone, kay ap i phoub hi.”

O Debleskro Drom 2021 (Sinte)

^4-5 O Abraham shunas ap mande un kras kowa, hoi me leske penom. Job rikras pes ap mire laba un djiwas pal miro tchatchepen. Doleske krau me, te wenn tire tchawe jaake bud har i bolepangre momlia. Un me dau len kalla tsele themma. Un koi bacht, hoi dau tire tchawende, djal dureder ap i tsele natsjone, kai ap i phub hi.”

1. Mose 26:4 Iomraidhean Croise

1. Mose 13:16

Oun me dau tout boud čaven, kay pal toute venna, – yaake boud har i čik ap i phoub. Kek mensho nay djinell, har boud čik ap i phoub hi. Yaake djinell nay kek, kitse menshe toutar venna.

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

1. Mose 15:5

Oun o Devel anas les vin oun penas: “Dik an o bolepen! Oun dik i bolepangre momlia! Nay peneh tou, har boud kolla hi? Yaake boud menshe venna toutar.”

1. Mose 18:18

Me dom les miro lab: Yob vell o dad yaake boud menshendar, te vell lendar i bari oun zoreli natsyona. Oun koy barht, hoy dau leste, djal doureder ap i tsele natsyone, kay ap i phoub hi.

1. Mose 26:24

An koy rati moukas pes o baro Devel lestar te dikell oun penas: “Me hom o Devel tiro dadestar Abraham. Ma traash! Me hom touha. Me čivau miri zoor oun miri barht ap toute. Tire čave, kay pal toute venna, venna boud oun boudeder. Yaake dom miro lab o Abrahameste, kay mange koy his.”

1. Mose 28:14

Yon venna yaake boud har i čik, hoy ap i phoub hi. Oun krau lengro them baro oun bourhlo ap hake rigya. Oun koy barht, hoy dau toute oun tire čavende, djal doureder ap i tsele menshende, kay ap i phoub hi.

1. Mose 28:3

O zorelo Devel čivell peskri zoor oun peskri barht ap toute oun dell tout boud čave, te venn toutar boud natsyone!

1. Mose 35:12

Oun ko them, hoy dom o Abrahameste oun o Isaakeste, dau toute ninna oun tire menshende.”

1. Mose 47:27

Oun i Israelitarya djivan an o them Egiptia, an o them Gosen, lan boud čave oun van boud boud menshe.

1. Familjakro liil 27:23

O David moukas gar i laba kolendar pre te činell, kay his terneder har biish bersha. O baro Devel penas boud bersha glan kova, te krell lo i Israelitaryen yaake boud har i momlia an o bolepen.

Debleskri gili 72:17

Leskro lab mou ačell hako tsireske. Yaake rah har o kham ap o bolepen hi, mou vell leskro lab sharedo! Lestar mou vell lačepen ap i menshende an i tsele themma. Oun yon te rakrenn i barht pral leste vin.

2. Mose 32:13

Ma biste tire boudepangren, o Abraham, o Isaak oun o Yakob! Kolenge dal tout sovel oun penal: Me moukau t'mare čaven boudeder te vell har i momlia an o bolepen. Kava tselo them, kay me penom, te vell lo t'maro, dau t'mare čavende, te djivenn le kote hako tsireske.”

2. Mose 6:4

Ninna dom lende miro vast koy pre, te dap len o them Kanaan, ko them, kay yon vi-themarya his.

Bičepangre 3:25

Kova, hoy kol Debleskre rakepangre i menshenge penan, hi t'menge. T'mer han i čave kolendar. Oun ko lab, hoy o Devel t'mare phourenge penas, oun peskro vast pre das, hi ninna t'menge. Yob penas ap o Abrahameste: Koy barht, hoy dau tire menshende, djal doureder ap i tsele menshende, kay ap i phoub hi.

Galatarja 3:16

Yaake hi kova o labeha, hoy o Devel o Abrahameste das. O Devel penas ap o Abrahameste, te dell lo peskri barht oun zoor ap leste oun ap leskro čaveste, kay vella pal leste. Kate rakrell o Devel yek čavestar. Yob rakrell gar kol boud čavendar, kay venna pal o Abraham. Ko yek čavo hi o Yezous Kristo.

Galatarja 3:8

O Debleskro lab penas glan i rah tsiro, kay o Devel ninna kolen čačo krella, kay kek bibolde hi, te patsenn le ap leste. Doleske penas lo ap o Abrahameste: Kay barht, hoy me dau tout, djal doureder ap i tsele menshende ap i phoub.

5. Mose 13:17

Oun lengro tselo bravlepen anenn khetne mashkral ap o foreskri platsa! Oun rhačrenn ko tselo foro pre oun lauter, hoy an leste hi, t'maro baro Debleske! Či har barra hounte ačell pral ko forestar hako tsireske. Oun an kek tsiro vell lo bouder neves kerdo.

5. Mose 9:5

Hi gar doleske, te vans lače menshe oun t'men vals i djoudjo dji, te venn t'mer an ko them, te lenn les t'menge dren. Na-a, t'maro baro Devel tradell kol menshen vin ko čilačepaske, hoy le kran, te rikrell yob koy sovel dren, hoy lo t'mare phourende, o Abrahames oun o Isaakes oun o Yakobes, das.

Hebrearja 11:2

Savo patsepen his an mare phourende, oun o Devel dikas lačes ap lende.