1. Mose 26:22 - O Debleskro Lab 2024 (Sinte-Manouche)

²² Oun yob djas doureder oun kras i vavar brounna. Pral koya čingran pen le gar. Koy das lo lat ko lab Rehobot, oun penas: “Kanna das men o baro Devel i bourhlo them. Mer nay vah an kava them boud menshe oun boud firhe.”

O Debleskro Drom 2021 (Sinte)

²² Un job djas dureder un kras i wawar brunna. Pral koja tchingran pen le gar. Koi das lo lat ko lab ‘Rechobot’, un penas: “Kanna das men o baro Dewel i buchlo them. Mer nai wah an kau them bud menshe un bud vieche.”

1. Mose 26:22 Iomraidhean Croise

1. Mose 17:6

Me dau tout yaake boud čaven, kay pal toute venna, te venn lendar natsyone. Ninna bare raya venna toutar.

1. Mose 26:21

Oun o Isaakeskre boudepangre kran i vavar brounna. Pral koya das ninna čingepen. Koy das o Isaak kay brounna ko lab Sitna.

1. Mose 28:3

O zorelo Devel čivell peskri zoor oun peskri barht ap toute oun dell tout boud čave, te venn toutar boud natsyone!

1. Mose 41:52

Oun o douyto čaves das yob ko lab Efrayim oun penas: O Devel das man čaven an o them, kay djas mange gar mishto.

Debleskri gili 118:5

Har tapras man i daar, dom me gole ap o baro Debleste, oun yob shounas man, oun kras miro dji zoreles.

Debleskri gili 119:32

Miro dji hi dour pre, te krap lauter yaake har tou mandar kameh.

Debleskri gili 18:19

Ap o dives, kay i bibarht pral mande vas, peran le pral mande. Koy vas o baro Devel ap miri rig.

Debleskri gili 4:1

I gili o rayeske pral i gipangre, te givell pash o bashepen ap i doryengri bashepaskri. O David kras kay gili.

2. Mose 1:7

Lengre čave lan yaake boud čave, kay vas o them pherdo lendar.

Jesaja 54:2

Kre tiro plarhteno kheer bourhlo! Tserde kol plarhte ap i rigya doureder! Ab gar čindo! Kre i shelle lengsto, oun de kol saster, hoy rikrenn len, zoreles an i phoub dren!

Jesaja 54:3

Tiri familya vell bareder oun bareder oun len hounte vell boudeder platsa ap i čači rig oun ap i servi rig. Oun tire čave tradenn vavar menshen vin, oun djivenn pale an kol forya, hoy paash dino van.