1. Mose 25:11 - O Debleskro Lab 2024 (Sinte-Manouche)

¹¹ Pal o Abrahameskro merepen čivas o Devel peskri zoor oun peskri barht ap leskro čaveste Isaak. An ko tsiro djivas o Isaak pash ko pani, hoy kharella Lahay-Roy.

O Debleskro Drom 2021 (Sinte)

¹¹ Pal o Abrahameskro merepen tchiwas o Dewel peskri soor un peskri bacht ap leskro tchaweste Isaak. An ko tsiro djiwas o Isaak pash ko pani, hoi kharella ‘Lachai-Roi’.

1. Mose 25:11 Iomraidhean Croise

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 12:3

Kolla kay penenna, te vell tout boud barht, ap kolende čivau miri barht. Oun kolla, kay penenna, te vell tout bibarht, ap kolende anau ninna bibarht. Koy barht, hoy me tout dau, djal doureder ap i tsele menshende, kay ap i phoub hi.”

1. Mose 16:14

Doleske kharell ko pani, kay yoy his Beer-Lahay-Roy. Kova hi čiddo mank kol forya Kadesh oun Bered.

1. Mose 17:19

“Na-a”, penas o Devel, “tiri romni, i Sara, anell touke i čaves ap i phoub. Koles dess tou o lab Isaak. Koleske oun leskre čavenge ačell kova, hoy me touha vin krom hako tsireske.

1. Mose 24:35

O baro Devel čivas bari zoor oun boud barht ap miro ray. Yaake vas yob bravelo. O Devel das les bakre oun groumya, roup oun sonakay, boudepangre: morsha oun djouvya, ninna khamele oun bourike.

1. Mose 24:62

An ko tsiro djivas o Isaak an o them Negev pash o pani Lahay-Roy.

1. Mose 26:12

O Isaak čivas djob an i phoub an ko them. Oun o baro Devel čivas peskri zoor koy pre. Yaake las o Isaak an ko bersh sheel kope yaake boud djob, har lo an i phoub čivras.

1. Mose 26:3

Ač i tsiro an kava them. Me hom pash toute, te čivap miri zoor oun miri barht ap toute. Kalla tsele themma dau me tout oun tire čaven, kay pal toute venna. Me rikrau miro lab, hoy dom tiro dadeste Abraham, oun kay dom miro vast koy pre.

1. Mose 50:24

Oun o Yosef penas ap peskre phralende: “Me merau kanna. O Devel dikella lačes ap t'mende, oun anell t'men dran kava them vin, an ko them, kay yob peskro vast pre das, te dell lo les o Abrahameste, o Isaakeste oun o Yakobeste.”

Debleskri gili 112:2

Koleskre čave venn zoreles an o tselo them. O baro Devel čivell peskri barht ap kolengre čavende, kay o čačo drom djan.