1. Mose 24:32 - O Debleskro Lab 2024 (Sinte-Manouche)

³² Koy vas o morsh an o kheer. Oun yon lan i khamelendar o koova tele. Oun dan len phouss oun rhapen. O morsheske oun kolenge, kay pash leste his, anan le pani, te thovenn yon pengre herya.

O Debleskro Drom 2021 (Sinte)

³² Koi was o mursh an o kheer. Un jon lan i khamelendar o koowa tele. Un dan len phuss un chapen. O mursheske un kolenge, kai pash leste his, anan le pani, te thowenn jon pengre herja.

1. Mose 24:32 Iomraidhean Croise

1. Mose 18:4

T'menge vell pani anlo, te thovenn t'mare herya. Oun beshenn t'men tel ko rouk!

1. Mose 19:2

Oun penas: “Mire raya, avenn an miro kheer! Me mangau t'men, ačenn i rati pash mande! Thovenn t'mare herya! Oun djan taysarlakro t'maro drom!” “Na-a”, penan le, “mer kamah i tseli rati vin te ačell.”

1. Mose 24:33

Koy pal anan le lenge te rhal. Koy penas o boudepaskro ap o Laban: “Me kamau gar te rhal, bis te rakrom man vin.” Oun o Laban penas: “Rake!”

1. Mose 29:13

Har o Laban shounas, kay vas peskri phenyakro čavo, o Yakob, nashas lo pash leste, čivas peskre moussya troul leste, čoumras les oun anas les an peskro kheer. Oun o Yakob penas o Labaneske halauter, hoy djas.

1. Mose 43:24

Oun ko rom anas len an o Yosefeskro kheer oun das len pani, te thovenn le pengre herya, oun das lengre bouriken te rhal.

Louka 7:44

Oun o Yezous rissras pes trouyel, dikas ap koy djouvyate, oun penas ap o Simoneste: “Dik ap koy djouvyate, oun ap kova, hoy yoy mange kras! Me vom an tiro kheer. Oun tou dal man kek pani, te nay thovom mire pire. Lakre sva kran mire pire sapenes, oun yoy khossas len peskre ballentsa.

1. Timoteo 5:10

Vavar menshe hounte dikenn ap late, te kras li lačo koova, oun te tserdas li peskre čaven mishto pre. Yon hounte dikan, te las li menshen pash peste pre, oun te thovas li i patslenge i herya. Yon hounte dikan, te his li kolenge koy, kolen i pharo djipen hi, oun te kras li hako lačo koova.

Čačepangre 19:21

Oun yaake las lo les peha an peskro kheer, oun das leskre eslenge rhapen. Oun yon thovan pengre herya, oun rhan oun piyan.

1. Samuel 25:41

Kote stas li pre, oun vitsras pes tele ap peskro mouy ap i phoub oun penas: “Me hom leskri boudepaskretsa oun kamau te thovap i herya i boudepangrendar miro rayestar.”