1. Mose 24:3 - O Debleskro Lab 2024 (Sinte-Manouche)

³ oun de tout sovel ap o baro Debleste, ap o Debleste pral o bolepen oun i phoub, te less miro čaveske kek romyat, kay vell kate dran o them Kanaan.

O Debleskro Drom 2021 (Sinte)

³ un de tut sowel ap o baro Debleste, ap o Debleste pral o bolepen un i phub, te less miro tchaweske kek romjat, kai well kate dran o them Kanaan.

1. Mose 24:3 Iomraidhean Croise

1. Mose 14:19

Oun yob sharas o Abrames oun penas: “Tou, Abram, ap toute hi čiddo i zoor oun i barht ko Deblestar, kay hi o Devel pral halauter oun kras o bolepen oun i phoub.

1. Mose 14:22

Koy penas o Abram ap leste: “Me dau man sovel glan o baro Debleste, kay hi o Devel pral halauter, oun kras o bolepen oun i phoub:

1. Mose 21:23

Kanna de tout sovel ap o Debleste, te rhorhess man gar, vitar gar mire čaven oun kolengre čaven. Me homs touke lačo. Ab tou ninna lačo ap mande oun ap ko them, kay tou djiveh.”

1. Mose 24:7

O baro Devel, o Devel pral o bolepen, anas man vin dran miro dadeskro kheer oun miro dadeskro them, oun rakras mantsa. Oun das pes sovel, te dell lo mire čaven kava them, kay kanna hom. Kova bičrell peskro bolepaskres glan toute, te less miro čaveske i romyat mire menshendar.

1. Mose 27:46

Oun i Rebekka penas ap o Isaakeste: “Kol douy rhalya, kol Hetarya, kolen o Esau romedineras, krenn mange miro djipen pharo. Te romedinerell ninna o Yakob i čat dran kava them, i Hetaretsa, vals feteder, te merap.”

1. Mose 28:1

Koy das o Isaak o Yakobes gole oun penas: “Dja o Debleha! Ma le i romni dran o them Kanaan!

1. Mose 28:8

Koy hayvas o Esau, kay leskre romya, kay van dran o them Kanaan, gar lačo his glan peskro dadeskre yaka.

1. Mose 34:9

Oun mer čivah men khetne. Denn men t'mare čen! Oun lenn t'menge mare čen!

1. Mose 38:2

Kote dikas o Youda yek čat i morshestar, kay kharas Shoua. Kova his i Kanaanitari. Oun o Youda romedineras lat oun vas lah khetne.

1. Mose 47:31

“De tout sovel!” penas o Yakob. Oun yob das pes sovel. Oun o Israel parkras pes glan leste ap peskro čiben.

1. Mose 50:25

Oun o Yosef kamas te denn pen o Israeleskre čave sovel oun penas ap lende: “Te anell o Devel t'men khere, lenn man t'mentsa!” Oun yon dan pen sovel glan leste.

1. Mose 6:2

Koy dikan i Debleskre čave, har shoukar i menshengre ča hi. Oun yon lan penge kolen, kay yon kaman, te romedinerenn yon len.

1. Mose 6:4

An ko tsiro, har i Debleskre čave khetne van i menshengre čentsa oun lendar čave bolde van, djivan bare menshe ap i phoub. Ninna pal ko tsiro. Kolla his čače morsha an ko phouro tsiro: baro oun an-diklo.

2. Rajengro liil 19:15

oun mangas o baro Debles oun penas: “Baro Devel, kay hal o Israeleskro Devel, tou hal pral i bolepangre beshdo. Tou kokres hal o Devel pral i tsele themma ap kay phoub. Tou hal, kay kral o bolepen oun i phoub.

2. Familjakro liil 2:12

Kanna bičrau touke i morshes, koles i lačo vast hi, oun peskri boudi mishto hayvell. Leskro lab hi Houram-Abi.

Esra 5:11

Oun kova hi, hoy yon menge penan: “Mer ham i boudepangre o Deblestar, kay kras o bolepen oun i phoub, oun čivah kava kheer pale pre, kay glan boud bersha kate tardo his, oun koles i baro zorelo ray dran o them Israel moukas pre te čivell. Yaake his ko kheer shoukar koy tardo.

Nehemia 13:25

Oun me čingrom kol morshentsa, praasom len, oun dom ninna morshen lendar, oun tserdom lengre balla vin. Oun krom, te denn le pen sovel pash o Debleste, te denn le kek pengre čendar kol vavarengre čavende, oun lenn kek kolengre čendar penge oun pengre čavenge.

Nehemia 9:6

Tou, baro Devel hal kokres o Devel! Tou kral o bolepen oun leskre tsele bolepangre momlia, oun i phoub oun lauter, hoy ap late hi, ninna o baro pani oun lauter, hoy an leste hi. Oun tou kral, te djivell kova lauter. Oun i tsele bolepangre an o bolepen vitsrenn pen tele glan toute.

Debleskri gili 115:15

Mou vell ap t'mende i barht kolestar, kay o bolepen oun i phoub kras.

Debleskri gili 136:26

Sharenn o Debles pral o bolepen! Leskro lačepen ačella hako tsireske!

2. Mose 20:7

Ma le miro lab baro Devel čičeske an tiro mouy! Me, o baro Devel, hom tiro Devel oun dau i phagi hakenes, koon kova krella.

2. Mose 22:11

Te vas ko firho leske čoredo, palle hounte playsrell lo ko firheske, hoy čoredo vas.

2. Mose 23:13

Denn yak oun rikrenn ap lauter, hoy me t'menge penom! Ma mangenn vavar deblen an! Lengre laba hounte venn gar dran t'mare mouya vin!

2. Mose 34:16

T'mer romedinerans t'mare morsh čaven lengre čentsa. Oun kolla djouvya anans t'mare morsh čaven o Debleskro dromestar tele, te mangenn le ninna kol deblen dran kasht oun bar an.

Jesaja 45:23

Me dom man sovel pash mande kokres, oun hoy penom, hi čačo oun nay vell gar krik lino: Hakeno hounte vitsrell pes glan mande ap i phoub, oun hako mouy dell pes sovel

Jesaja 48:1

Shounenn, t'mer dran o kheer Yakob, t'mer, kay venn o labeha Israel gole dino, oun venn dran o kheer Youda. T'mer denn t'men sovel pash o baro Debleste, oun penenn, te mangenn o Israeleskro Debles an. An o čačepen oun i djoudjo djiyeha krenn t'mer kova gar.

Jesaja 65:16

Palle penenn kolla an o them Youda, kay rakrenn i barht vin pral yekeste: “I barht o čačepaskro Deblestar vell pral toute!” Oun kova, kay dell pes sovel an o them, kova dell pes sovel pash o čačepaskro Debleste. Palle hi bistedo kol phare divessa pherdi bibarht, hoy glan kava tsiro his, oun venn mange bouder gar glan i yaka.

Jeremia 10:11

Pen lenge: Kol deblenge, kay kran gar o bolepen, vitar gar i phoub, hi kek platsa ap kay phoub oun tel o bolepen, oun nay ačenn gar.

Jeremia 12:16

Yon sikran mire menshende, har te denn le pen sovel ap o debleste Baal. Kanna vell yaake: Te moukenn yon pen mire menshendar te sikrell, har te denn yon pen ap miro lab sovel, oun penenn: Pash o djido Debleste … palle moukau len mashkral mire menshende te djivell.

Jeremia 29:6

Romedinerenn oun lenn čaven! Lenn romyen t'mare morsh čavenge, oun rodenn t'mare čenge morshen, te romedinerenn le, oun anenn čaven oun čen ap i phoub! Avenn boud oun gar tikneder!

Jeremia 4:2

Te denn t'men sovel oun penenn: Me dau man sovel pash o djido Debleste … oun t'mer rhorhenn gar koy pashel, oun rikrenn t'maro lab, palle poučenn mandar i menshe an i vavar themma, te čivap miri barht ap lende, oun yon sharenn pen, kay prindjrenn yon man.

3. Mose 19:12

Ma denn t'men i rhorheno sovel pash miro lab! Sau koveha anenn t'mer ladj ap miro lab. Me, o baro Devel, hom t'maro Devel.

Zefanja 1:5

Me marau lauteren, kay pral ap pengre khera i bolepangre momlia an-mangenn. Ninna kolen marau, kay vitsrenn pen tele glan mande, oun denn pen sovel ap mande, oun ap i vavar rig denn le pen sovel ap ko moulo debleste, kay kharell Milkom.

4. Mose 5:21

palle anell o baro Devel i bibarht ap toute, yaake te venn tire rigya tikneder oun tiro per pesseder. Palle penell yek, kay kamell i bibarht pral i vavareste te anell: Mou djal touke har kay djouvyake!” Kol labentsa hounte dell o rashay kol djouvyat trad, oun palle penell lo ap late:

1. Korintarja 7:39

I romni hi ap peskro romeste pandlo yaake rah har yob djivella. Te merell o rom, hi li bouder gar pandlo ap leste. Oun yoy nay romedinerell, kones yoy kamella. Ap yek koova hounte rikrell li pes: Yoy hounte lell peske i patslo romes.

5. Mose 10:20

Oun hounte shounenn ap t'maro baro Debleste oun mangenn les kokres an. Rikrenn t'men ap leste kokres. Te denn t'men sovel, denn t'maro sovel pash leskro lab.

5. Mose 6:13

Tou mangess o baro Debles an, oun rikress les glan tire yaka pash halauter, hoy kreh. Te deh tout sovel, dess tiri sovel pash leskro lab.

Josua 2:12

Kanna denn t'men kate sovel pash o baro Debleste, te venn lačes ap miro dadeskro kheer, yaake har me lačes ap t'mende homs. Oun denn man čomone, hoy sikrell man,

Čačepangre 14:3

Kote penas leskro dad oun leskri day ap leste: “Hi mank tire tsele menshende kek čay touke? Hatseh kek romni mank i tsele Israelitarya, te hounte djas tou pash i Filistarya, oun less touke i romni kolendar, kay gar činlo hi ap pengro mass?” O Simson penas ap peskro dad: “Koya le mange! Yoy hi i shoukar an mire yaka.”

1. Samuel 20:17

Oun o Yonatan mangas o Davides: “De tout kate sovel, te ačess miro maal.” O Yonatan kamas o Davides har peskro djipen.

1. Samuel 30:15

Oun o David poučas lestar: “Kameh tou man pash kol marepangre anell?” Oun yob penas: “De tout ap o Debleste sovel, te deh man gar moulo, oun te deh man gar an o vast miro rayestar, palle anau tout tele pash kal marepangre.”