1. Mose 24:12 - O Debleskro Lab 2024 (Sinte-Manouche)

¹² Oun yob penas: “Baro Devel, o Devel miro rayestar Abraham, de man kanna barht ap miro drom! Oun ab miro rayeske Abraham lačo!

O Debleskro Drom 2021 (Sinte)

¹² Un job penas: “Baro Dewel, o Dewel miro rajestar Abraham, de man kanna bacht ap miro drom! Un ab miro rajeske Abraham latcho!

1. Mose 24:12 Iomraidhean Croise

1. Mose 15:1

Koy pal moukas o baro Devel o Abrames leskri gole te shounell oun penas ap leste: “Ma traash, Abram! Me rikrau mire vasta pral toute. Oun me hom touke i baro bravlepen.”

1. Mose 24:21

O morsh las lat an i yak oun penas či. Yob kamas te djinell, te das les o baro Devel barht ap leskro drom.

1. Mose 24:27

oun penas: “Sharedo vell o baro Devel, o Devel miro rayestar Abraham. Yob rikras peskro lačepen oun čačepen gar pale miro rayestar. O baro Devel anas man ap o drom pash o kheer miro rayeskre menshendar.”

1. Mose 24:42

Yaake vom kava dives pash kava pani oun penom: Baro Devel, o Devel miro rayestar Abraham, te deh tou čačepah barht ap ko drom, kay me djau, sike les mande!

1. Mose 24:48

Koy pal vitsrom man tele glan o baro Debleste oun parkrom man pash leste. Oun sharom les, o Debles miro rayestar Abraham. Yob anas man ap o čačo drom, te anap miro rayeskro čaveske i čay leskro phraleskro čavestar.

1. Mose 26:24

An koy rati moukas pes o baro Devel lestar te dikell oun penas: “Me hom o Devel tiro dadestar Abraham. Ma traash! Me hom touha. Me čivau miri zoor oun miri barht ap toute. Tire čave, kay pal toute venna, venna boud oun boudeder. Yaake dom miro lab o Abrahameste, kay mange koy his.”

1. Mose 27:10

Kova an tiro dadeske, te rhal lo les, oun rakrell o Debleskri barht vin pral toute glan leskro merepen.”

1. Mose 27:20

Koy poučas o Isaak peskro čavestar: “Har hatsal kova yaake sik, miro čavo?” “O baro Devel, tiro Devel, das man barht”, penas o Yakob.

1. Mose 28:13

Oun o baro Devel his tardo pral pre oun penas: “Me hom o baro Devel, ko Devel tiro papestar Abraham oun ninna o Isaakeskro Devel. Kava them, kay tou čiddo hal, dau tout oun tire čaven, kay pal toute venna.

1. Mose 31:42

O Devel miro dadestar, kay ninna o Abrahameskro Devel hi, oun kolestar trashell miro dad Isaak, te vals ko Devel gar ap miri rig, čačepah, moukals man čorveles te djal. O Devel dikas, har marom man touke tele oun har pharo miri boudi his. Doleske his yob taysar rati ap miri rig tardo.”

1. Mose 32:10

Oun o Yakob penas ap o Debleste: “Tou, o Devel miro papestar Abraham oun miro dadestar Isaak, tou hal o baro Devel, kay penal ap mande: Dja pale an tiro them oun pash tire menshende. Me krau touke lačepen.

1. Mose 32:9

Yob penas peske: “Te vell o Esau oun dell kolen ap koy yek rig moulo, nashenn nay kolla ap koy vavar rig.”

1. Mose 43:14

Oun o zorelo Devel mou krell, te vell o rom t'menge lačo, yaake kay moukell lo t'maro vavar phrales oun o Benyamines t'mentsa pale te djal. Me krau nay či. Nashrau mire čaven, nashrau len!”

1. Rajengro liil 18:36

Oun har ko tsiro vas, kay rati o Debleskro rhapen anlo vas, djas o Eliya pash koy rhačepaskri oun kharas: “Baro Devel, tou o Devel o Abrahamestar, o Isaakestar oun o Israelestar, kava dives mou vell diklo, kay tou hal o Devel an Israel, oun me hom tiro boudepaskro, oun krom kava tselo koova yaake, har tou mange penal.

2. Rajengro liil 2:14

oun las koy plaashka, das ap o pani oun penas: “Kay hi kanna o baro Devel, ko Devel, koleske o Eliya boudras?” Oun das ap o pani. Koy djas o pani ap douy rigya, oun o Elisa djas ap i vavar rig.

Nehemia 1:11

Ah ray, shoun ap miro mangepen oun ap o mangepen kolendar, kay ninna tire boudepangre hi, kay mangenn tout o djiyestar an. Yaake mouk kova mishto te djal, hoy man glan hi, oun kre, te dikell o baro ray, o Artaxerxes, lačes ap mande.” An ko tsiro homs ko morsh, dran koleskro vast o pipen o baro rayeske vas.

Nehemia 2:4

Oun o baro ray poučas: “Hoy kameh tou?” Kote rakrom o Debleha an o bolepen,

Debleskri gili 118:25

Baro Devel, ab ap mari rig! De men barht, te djal lauter mishto!

Debleskri gili 122:6

Mangenn o Deblestar i barht pral o foro Yerusalem oun penenn: “Kolenge, kay kamenn tout, Yerusalem, mou djal mishto!

Debleskri gili 127:1

I gili o Salomestar te givell ap o drom an Yerusalem. Te krell o baro Devel gar o kheer, palle boudrenn i boudepangre čičeske. Te dell o baro Devel gar yak ap o foro, palle hi čičeske, te denn morsha yak ap o foro.

Debleskri gili 37:5

De tiro djipen an o vast o baro Deblestar, oun pats ap leste! Palle krell yob lauter mishto.

2. Mose 3:6

Oun pale penas lo ap o Moseste: “Me hom tiro dadeskro Devel, oun o Abrahameskro Devel, oun o Isaakeskro Devel oun o Yakobeskro Devel.” Oun o Mose čivas i diklo glan peskre yaka. Yob daras, te dikell lo ap o Debleste.

Gosewe laba 3:6

Rike tout ap o baro Debleste, hoy tou ninna kreh! Oun yob krell tiro drom čačo glan toute.

Mateo 22:32

Me hom o Abrahameskro Devel oun o Isaakeskro Devel oun o Yakobeskro Devel. Oun me penau t'menge: Yob hi gar o Devel kolenge, kay moulo hi. Na-a, yob hi o Devel i djidenge.”

Filiparja 4:6

Ma darenn či! Hako tsiro mangenn o Deblestar, hoy t'men hounte vell, oun penenn leske lauter, hoy ap t'maro dji hi! Oun parkrenn t'men pash leste!