1. Mose 23:2 - O Debleskro Lab 2024 (Sinte-Manouche)

² Oun yoy meras an o foro Kiryat-Arba. Kova hi kanna Hebron an o them Kanaan. Oun o Abraham vas pash late, rovas oun das i djiyestar gole pral lakro merepen.

O Debleskro Drom 2021 (Sinte)

² Un joi meras an o foro Kirjat-Arba. Kowa hi kanna Hebron an o them Kanaan. Un o Abraham was pash late, rowas un das i djijestar gole pral lakro merepen.

1. Mose 23:2 Iomraidhean Croise

1. Mose 13:18

Oun o Abram djas peskre plarhtene kherentsa trouyel, oun vas pash o foro Hebron oun ačas tel i bare rouka ko morshestar Mamre. Oun kote kras yob i rhačepaskri o baro Debleske, kay venn firhe leske rhačedo.

1. Mose 23:1

Oun i Sara vas 127 (sheel-biish-te-efta) bersh phouro.

1. Mose 23:19

Pal kova paskras o Abraham peskri romyat, i Sara, an koy grotta pash Makpela vergel Mamre. Kova hi kanna o foro Hebron an o them Kanaan.

1. Mose 24:67

Oun o Isaak anas i Rebekka an o plarhteno kheer, kay leskri day i Sara, djivas, oun romedineras lat. Oun yob kamas lat. Oun o Isaakeskri douk an peskro dji pral peskro dakro merepen vas krik lino.

1. Mose 27:41

Kol lače laba, hoy o Isaak pral o Yakobeste rakras, kran, te vas o Esau rhoyedo ap o Yakobeste. Doleske penas o Esau ap peste: “Ko tsiro vella sik, kay rovenn le pral miro dadeskro merepen. Te hi lo moulo, dau miro phrales moulo.”

1. Mose 35:27

Oun o Yakob vas pash peskro dadeste Isaak an Mamre pash o foro Kiryat-Arba. Kova hi kanna Hebron, kay ninna o Abraham oun o Isaak djivan.

1. Mose 37:14

Koy penas o Israel: “Dja koy oun dik, har lenge oun i bakrenge djala. Oun pen les mange!” Yaake bičras yob les dran o telstouno them Hebron. Oun yob vas pash o foro Sichem.

1. Mose 50:1

Koy peras o Yosef ap peskro dadeskro mouy oun rovas pral leste oun čoumras les.

1. Mose 50:10

Oun yon van ap i platsa, hoy kharella Goren-Atad. Koy platsa hi čiddo ap i vavar rig o panyestar Yordan. Kote rovan le oun dan bari gole pral o Yakobeskro merepen. Oun o Yosef rovas lentsa efta divessa pral peskro dadeste.

2. Samuel 1:12

Yon rovan o tselo dives. Oun rhan či bis te vas i rati. Pral o Sauleste rovan le, oun pral leskro čaveste Yonatan, oun pral o baro Debleskre menshende, i Israelitarya, kay van maredo i rhareha.

2. Samuel 1:17

O David givas i ropaskri gili pral o Sauleste oun pral leskro čaveste Yonatan.

2. Samuel 2:11

Ko tsiro, kay o David baro ray his pral o kheer Youda, oun an o foro Hebron djivas, kova his efta bersha oun shob čon.

2. Samuel 5:3

Har kol tsele phoureder dran Israel pash o baro rayeste an o foro Hebron his, kras kote o baro ray David lentsa vin, te vell lo lengro baro ray. Oun yon dan ap o baro Debleste gole, te shounell yob kova. Oun yon čoran djet pral o Davideskro shero, te vell yob baro ray pral o Israel.

2. Samuel 5:5

An o foro Hebron his les penepaske efta bersha oun shob čon pral o them Youda. Oun an o foro Yerusalem his les penepaske 33 (triyanda-te-triin) bersha pral o Israel oun o Youda.

1. Familjakro liil 6:57

an o them Issakar: i forya Kadesh oun Daberat,

2. Familjakro liil 35:25

Oun o Yeremia givas i ropaskri gili pral o Yosia. Oun i tsele gipangre, morsha har djouvya, givan ropangre gilya pral o Yosia bis ap kava dives. Yaake vell kova gomme kava dives kerdo an Israel. Kal tsele gilya hi tele činlo an o liil, hoy kharell: Ropangre gilya.

Nehemia 11:25

Boud i menshendar Youda djivan an pengre khera pash pengri harhetikri phoub an i forya: Kiryat-Arba oun leskre gaba; Dibon oun leskre gaba; Yekabzeel oun leskre gaba;

Jeremia 22:10

Ma rovenn pral koleste, kay meras, ko baro ray Yosia. Ma denn gole i doukatar leske! Na-a, rovenn pral leskro čaveste, kay vas krik anlo, o baro ray Yoakaz. Kova vell bouder gar pale, te dikell lo kava them pale.

Jeremia 22:18

Doleske penell o baro Devel pral o Yoyakim, ko baro rayeste pral o them Youda, koleskro dad o Yosia his: Te merell yob, rovenn le gar pral leste. Kek penell: Mo phraal, mo pheen, hoske hounte meras lo? Vitar gar penenn le: Maro ray, i pralstouno, hounte meras!

4. Mose 13:22

Oun yon djan an o them Negev, oun van bis pash o foro Hebron. Kote djivas o Ahiman oun o Sheshay oun o Talmay, kolengro dad o Anak his. O foro Hebron vas nevo kerdo efta bersha glan o foro Soan an o them Egiptia.

4. Mose 20:29

Oun har kol tsele menshe dikan, kay o Aron moulo hi, rovas o tselo kheer Israel pral leste 30 (triyanda) divessa.

Johanni 11:31

Kol bibolde, kay pash i Mariate an o kheer his, te rakrenn le lačes lah, dikan, har yoy sik pre stas oun vin nashas. Koy djan le lake palla. Yon patsan, yoy djal pash o moulengro kheer, te rovell li koy.

Johanni 11:35

Oun o Yezous rovas.

Bičepangre 8:2

Oun morsha, hoy ap o Debleskro drom djan, paskran o Stefanes oun rovan boud pral leskro merepen.

5. Mose 34:8

Oun i Israelitarya rovan pral o Mose triyanda (30) divessa an o telstouno them Moab. Yaake rah djas o ropaskro tsiro o Moseske.

Josua 10:39

oun lan o foro dren, ninna kol forya, hoy troul o foro Debir his. Oun yon dan lengro baro rayes oun i tsele menshen o rhareha moulo, oun moukan kekes te nashell. Yaake har lo kova o foreha Hebron oun o foreha Libna oun leskro baro rayeha kras, kras lo ninna o foreha Debir oun leskro baro rayeha.

Josua 15:13

Oun o Yosua das o Kalebes peskro foro mashkral dren an o them Youda, yaake har o baro Devel ap o Yosua penas, te krell lo kova. Kava foro kharas Arba, oun kharell kanna Hebron. O Arba his o phouro dad kol menshendar, kay kharenn Anakarya.

Josua 15:54

Houmeta, Kiryat-Arba – kova hi kanna Hebron, oun Sior. Kolla hi enya forya, oun koy pashel lengre gaba.

Josua 20:7

Oun i morsha dran Israel rodan kal forya vin, te venn le naashepangre forya: o foro Kedesh an o them Galilea ap i berga Naftali; o foro Sichem an o them Efrayim; oun o foro Kiryat-Arba, hoy hi kanna Hebron, ap i berge Youda.

Josua 21:11

Kiryat-Arba, hoy his kharedo pal o morsheste Arba, kolestar i Anakarya venn, oun i phoub troul o foro trouyel, kay i firhe nay rhan; kava foro hi kanna Hebron oun hi čiddo an i berge Youda.

Čačepangre 1:10

Oun palle kouran le pen kolentsa an o them Kanaan, kay an o foro Hebron djivenn. – Oun ko foro kharas glan ko tsiro Kiryat-Arba. – Oun yon dan i familyen Sheshay oun Ahiman oun Talmay oun his zorleder har yon.

1. Samuel 20:31

Yaake rah har o Isayeskro čavo ap kay phoub djivella, yaake rah hounte daress tou tiro djipaske, oun veh gar o baro ray. Kanna biče yekes koy, te anell lo les pash mande. Yob hounte merell.”

1. Samuel 25:1

Oun o Samuel meras, oun o tselo Israel vas khetne oun rovas kote pral leste. Oun palle paskran le les an o foro Rama, kay lo khere his. Pal kova djas o David an o moulo them Paran.

1. Samuel 28:3

Oun o Samuel meras. Oun i tsele Israelitarya van khetne oun rovan pral leste. Oun palle paskran le les an peskro foro Rama. Glan kava tsiro tradas o Saul i dravepangren oun kolen, kay poučenn i moulen, dran o them vin.