1. Mose 23:16 - O Debleskro Lab 2024 (Sinte-Manouche)

¹⁶ Oun o Abraham das o Efrones kol love, hoy yon glan i Hetarya vin kran: star-sheel roupene beme. Yek bema his yaake pharo har yek bema pash i parepangre pharo his.

O Debleskro Drom 2021 (Sinte)

¹⁶ Un o Abraham das o Efrones kol lowe, hoi jon glan i Hetarja win kran: star-sheel rupene beme. Jek bema his jaake pharo har jek bema pash i parepangre pharo his.

1. Mose 23:16 Iomraidhean Croise

1. Mose 23:15

“Miro ray, shoun ap mande! Hoy hi i kotar them mange oun touke, hoy molella star-sheel roupene beme? Kova hi či! Paske tiri romyat kote!”

1. Mose 43:21

Har mer pale djam, kram mare gone pre kote, kay ačam pral i rati. Oun hakeno mendar hatsas peskre love an o gono, yaake boud, har playsram. Kanna anam mer kal love pale pale.

1. Mose 49:29

Oun o Yakob penas zoreles ap lende: “Te vau me paskedo, paskrenn man pash mire phourende an koy grotta, hoy hi ap ko kotar phoub, hoy o Hetares Efron his.

1. Mose 50:13

Yon anan les an o them Kanaan oun paskran les an i grotta ap ko kotar phoub pash Mamre, hoy kharella Makpela. Ko kotar phoub ginas o Abraham foun o Hetari, o Efron, te vell kote leskri familya paskedo.

2. Samuel 14:26

Leskre balla his yaake pharo, te moukas lo len hako bersh yek kopo te činell. Palle his leskro tele-činlo bal panč founto pharo. Yek founto his yaake boud har yek founto an o baro rayeskro kheer phares his.

2. Samuel 24:24

Oun o baro ray penas ap o Arauna: “Yaake djal gar. Čačepah, me kamau toutar kova tele ginell, oun playsrau, hoy ko koova molella. Me kamau o baro Debleske či te rhačrell, hoy lom čičeske.” Yaake ginas o David ko kotar them oun kol groumya oun playsras paash-sheel roupene kotya.

Hiob 28:15

I menshe nay ginenn gar o gosvepen, nay denn kek roup vitar kek sonakay, te playsrenn le leske.

2. Mose 30:13

Hako morsh, kay hi biish bersh oun phoureder, kova dell man i paash kotar roup. Ko paash roupeno kotar hounte vell yaake pharo har kolla an o Debleskro kheer: shob gramme pharo.

Jeremia 32:10

Oun me činom i ginepaskro liil, oun činom les yek kopo tele. Oun ko yek liil pandom, oun čivom miro sikepen koy pre, oun lom mange morshen pashel, kay dikan halauter, oun čivom kol love ap i vaga, te vell kova lauter pal o čačepen kerdo. Oun me lom ko pandlo ginepaskro liil, oun ko liil, hoy gar pandlo hi,

Jeremia 32:9

Kote ginom ko kotar them an Anatot miro neboudestar, o Hanamel, oun playsrom leske deesh-te-efta roupene kotya koleske.

Ezekiel 45:12

Oun kol barra, hoy sikrenn har pharo čomone hi, hounte sikrenn o čačo pharepen.

Zakarie 11:12

Oun me penom ap lende: “Hi t'menge mishto, te denn man love miri boudjake, palle denn man miro playsepen. Hi kova t'menge gar mishto, moukenn les!” Oun yon dan man triyanda roupene beme, te playsrenn le man.

Mateo 7:12

Lauter, hoy t'mer kamenna, te krenn i menshe t'menge, kova krenn t'mer lenge ninna! Te krenn t'mer kova, yaake krenn t'mer lauter kova, hoy o Mose oun i Debleskre rakepangre penan.

Bičepangre 7:16

Oun lengre čave anan len an o them Kanaan oun paskran len an o foro Sichem ap ko kotar phoub, hoy ginas o Abraham kol menshendar, kolengro phouro dad o Hamor his.

Remarja 13:8

Te hi t'men i siyaan pash yekeste, ma ačenn an koy siyaan: Playssrenn lat pale! Yek koova nay krenn t'mer gar doha: Te kamell yek o vavares o tselo djiyestar! Koon kova kras, kras kova, hoy o Devel lestar kamella.

Filiparja 4:8

Pale penau t'menge, mire phrala, rakrenn pral kova, hoy lačo oun čačo hi, hoy djoudjo hi, hoy kamlo hi, hoy mishto hi pash i menshende! Ava, rakrenn pral lauter kova, hoy shoukar hi oun vell sharedo!

1. Tessalonikarja 4:6

Kek hounte rhorhell peskro phrales. Koon kova krella, koles dell o Devel i phagi. Yaake penam t'menge, oun dam t'men trad.