1. Mose 23:11 - O Debleskro Lab 2024 (Sinte-Manouche)

¹¹ “Na-a, miro ray, shoun, hoy me penau: Tou hounte playsress mange či. Me dau tout ko kotar them oun koy grotta. Glan mire menshende dau tout kova, te paskress tiri mouli romyat.”

O Debleskro Drom 2021 (Sinte)

¹¹ “Na-a, miro rai, shun, hoi me penau: Tu hunte plaissress mange tchi. Me dau tut ko kotar them un koi grotta. Glan mire menshende dau tut kowa, te paskress tiri muli romjat.”

1. Mose 23:11 Iomraidhean Croise

1. Mose 23:12

Koy parkras pes o Abraham pash kol menshende,

1. Mose 23:18

Oun kol Hetarya, kay an o voudar o forestar his, his pashel, har o Abraham lauter ginas.

1. Mose 23:6

“Shoun ap mende, maro ray: Tou hal i Debleskro morsh mashkral mende. Paske tiri mouli romyat an o feteder moulengro kheer, hoy men hi. Hakeno mendar dals tout i kotar them, te paskress tiri romyat koy.”

Jesaja 32:8

Ko pralstouno, kay hi an o čačepen tardo, lell peske čačo koova glan. oun moukell gar tele, te krell lo kova ninna.

4. Mose 35:30

Koon i menshes moulo das, koles hounte denn moulo, te hi menshe koy, kay dikan oun penan kova. Hi gar doha, te penell yek mensho kokres, hoy lo dikas, yaake te vell ko vavar maredo.

Louka 19:24

Oun yob penas ap kolende, kay koy pashel tardo hi: Lenn kol sheel roupene beme lestar krik, oun denn kol love koleste, kay hi les deesh kope boudeder!

5. Mose 17:6

Ap o rakepen douy, triin menshendar, kay kova dikan, venn le moulo dino. Ap o rakepen yekestar kokres, nay vell kek mensho moulo dino.

5. Mose 19:15

Te vell i čilačo koova glan i čačepangre anlo, hi gar doha, te dikas kokres yek morsh kova. Na-a douy te triin hounte penenn, te dikan le koles koy pashel, har lo kava koova kras. Palle nay denn le les i phagi.

Ruth 4:1

Oun o Boas djas pre pash o foreskro voudar, kay i morsha khetne venn, oun beshas pes koy. Kote vas ko vavar morsh, kay lake ninna koy hounte vals, kolestar o Boas rakras. Oun o Boas penas ap leste: “Ab kay pash mande, oun besh tout pash mande!” Oun yob vas oun beshas pes pash leste.

Ruth 4:11

Oun i tsele morsha oun phoureder, kay pash o foreskro voudar his, penan: “Mer dikam kova oun djinah, yaake hi kova. O baro Devel krell, te vell koy djouvel, kay an tiro kheer veh, har i Rachel oun har i Lea. Kol douy djouvyendar vas o tselo kheer Israel. Oun tou vess bravelo mank tire menshende Efrat, oun tiro lab vell sharedo an o foro Betlehem!

Ruth 4:4

Oun koy penom mange, me kamau, tou te djiness kova, oun te penap touke, te giness les kate glan kal morshende oun glan kal phoureden mare menshendar. Te kameh tou les gar te ginell, palle pen les mange, yaake te djinap me les. Tou oun me ham kolla, kay les nay ginenn, oun kek vavar har mer douy. Oun me vau pal toute.” Oun yob penas: “Ava, me kamau te ginell.”

Ruth 4:9

Kote penas o Boas ap i phoureden oun ap i tsele menshende, kay koy pashel his: “T'mer shounan oun dikan, te ginom me kava dives i Naomyatar lauter, hoy his o Elimelekes oun leskre čaven, o Kilyon oun o Malon.