1. Mose 23:10 - O Debleskro Lab 2024 (Sinte-Manouche)

¹⁰ O Hetari Efron his mank peskre menshende beshdo. Oun yob penas ap o Abrahameste glan kolende, kay pashel his, glan hakeneste, kay an o baro voudar o forestar his:

O Debleskro Drom 2021 (Sinte)

¹⁰ O Hetari Efron his mank peskre menshende beshdo. Un job penas ap o Abrahameste glan kolende, kai pashel his, glan hakeneste, kai an o baro wudar o forestar his:

1. Mose 23:10 Iomraidhean Croise

1. Mose 23:18

Oun kol Hetarya, kay an o voudar o forestar his, his pashel, har o Abraham lauter ginas.

1. Mose 23:9

oun mangenn les, te dell lo man leskri grotta, hoy kharella Makpela. Koy grotta hi ap i palstouni rig ap leskro kotar them čiddo. Me kamau te playsrell, hoy koy grotta moldo hi, te lap i moulengro kheer pash t'mende.”

1. Mose 24:10

Pal kova las o boudepaskro deesh khamele oun kouč koova peskro rayestar peha, oun djas an o them Mesopotamia an o foro, kay o Nahor djivell.

1. Mose 34:20

Oun o Hamor oun leskro čavo Sichem djan an o baro voudar lengro forestar, te rakrenn le i morshentsa an ko foro oun penan ap lende: “Kal morsha kamenn kek čingepen mentsa. Doleske mou ačenn le an kava them, te djan le trouyel parepaske. Hi doha platsa koy. Oun mer kamah lengre čen te romedinerell. Oun mer dah len mare čen.

1. Mose 34:24

Oun kolla lauter, kay djan an o foro dren oun vin, shounan ap o Hamor oun ap o Sichem, leskro čaveste. Oun hako morsh an ko foro vas činlo.

Hiob 29:7

Har djom me pre an o foreskro baro voudar, oun beshom man pash i pralstunende,

Jesaja 28:6

Oun i čačepangre rayende dell lo o čačepen an o dji, te nay rakrenn le čačepah o čačepen vin. Oun kol kourepangren dell lo i zoor, te nay tradenn le i lourden dran vavar themma pale dran o foro vin.

Mateo 9:1

Koy djas lo pale an i bero, ouleras ap i vavar panyeskri rig, oun vas an peskro foro.

Ruth 4:11

Oun i tsele morsha oun phoureder, kay pash o foreskro voudar his, penan: “Mer dikam kova oun djinah, yaake hi kova. O baro Devel krell, te vell koy djouvel, kay an tiro kheer veh, har i Rachel oun har i Lea. Kol douy djouvyendar vas o tselo kheer Israel. Oun tou vess bravelo mank tire menshende Efrat, oun tiro lab vell sharedo an o foro Betlehem!