1. Mose 22:5 - O Debleskro Lab 2024 (Sinte-Manouche)

⁵ Oun penas ap peskre boudepangre: “Ačenn koy bourikah kay! Me oun miro čavo djah ap koy berga, te mangas o Debles an. Pal kova vah mer pale.”

O Debleskro Drom 2021 (Sinte)

⁵ Un penas ap peskre budepangre: “Atchenn koi burikah kai! Me un miro tchawo djah ap koi berga, te mangas o Debles an. Pal kowa wah mer pale.”

1. Mose 22:5 Iomraidhean Croise

1. Mose 22:19

Pal kova djas o Abraham pale pash peskre boudepangre. Oun khetne djan le an Beersheba. Oun o Abraham ačas koy.

1. Mose 22:4

Ap o triinto dives dikas o Abraham koy platsa dour glan peste.

1. Mose 22:6

O Abraham las ko kasht rhačepaske, oun das ko kasht peskro čaveste te hidjrell. Yob kokres las i yag oun i čouri. Yaake djan yon douy khetne doureder.

2. Mose 24:14

Ap i phourende penas o Mose: “Kate ačenn, bis te vau me pale! O Aron oun o Hour ačenn pash t'mende. Te hi yekes i čingepen i vavareha, nay djan le pash lende! Yon penenn palle, hoy kerdo te vell.”

Hebrearja 11:19

Kolla laba van o Abrahameske an o shero oun yob penas peske: O Devel nay krell les i moulendar djido. Yaake baro his leskro patsepen ap o Debleste. Doleske das les o Devel o čaves pale, oun yob hounte maras les gar. Kova his leske yaake, har te vals lo i moulendar djido.

Hebrearja 12:1

Kanna dikah, boud boud menshe patsan, te hi kova čačo, hoy o Devel penas. Mer ham gar kokres, kay patsah. Doleske hounte kras har yon kran, oun moukas gar tele te nashas ap o Debleskro drom, hoy glan mende hi. Te čivas lauter tele, hoy kamell men pale te rikrell! Ninna hounte čivas o čilačepen tele, hoy kamell men te taprell.