1. Mose 22:15 - O Debleskro Lab 2024 (Sinte-Manouche)

¹⁵ Oun o baro Debleskro bolepaskro das i douyto kopo ap o Abrahameste gole dran o bolepen

O Debleskro Drom 2021 (Sinte)

¹⁵ Un o baro Debleskro bolepaskro das i duito kopo ap o Abrahameste gole dran o bolepen

1. Mose 22:15 Iomraidhean Croise

1. Mose 16:10

Palle penas o baro Debleskro bolepaskro ap late: “Me kamau tire čaven, kay pal toute venna, yaake boud te krell, kay nay djinell kek mensho, har boud yon hi.

1. Mose 16:7

Oun o baro Debleskro bolepaskro hatsas lat pash i pani, hoy vella dran i phoub. Ko pani his an o moulo tato them pash o drom, hoy djala an Shour.

1. Mose 18:10

Koy penas yek kol trinendar ap leste: “Čačepah, vavar bersh an kava tsiro vau me pale pash toute. Koy hi tiri romyat, i Sara, i čavo.” Oun i Sara his tardo pal leste, pal o voudar ko plarhteno kherestar, oun shounas lengro rakepen.

1. Mose 22:14

O Abraham das koy platsa ko lab O baro Devel dikella. Yaake vell bis kay dives penlo: Ap koy berga, kay o baro Devel dikella.

1. Mose 22:16

oun penas: “O baro Devel penell: Tou kamal tiro yek čaves mange te marell. Kova kamal tou mange te krell. Doleske dau man ap mande sovel, te čivap miri zoor oun miri barht ap toute. Oun toutar venna boud boud menshe. Yon venn yaake boud har bolepangre momlia ap o bolepen hi, oun har i santa pash o baro pani. Oun tire čave, kay pal toute venna, venna ray pral kolende, kay kourenn pen lentsa oun lenn kolengre forya krik.

1. Mose 31:11

Oun o Debleskro bolepaskro penas ap mande an i souni: Yakob! Penom: Ake hom.

1. Mose 48:16

ko bolepaskro, kay las man vin dran hako čilačepen, kova mou čivell peskri barht oun zoor ap kol čavende, te djivell miro lab doureder an lende, ninna o lab miro papestar Abraham oun miro dadestar Isaak. Oun lendar venna boud menshe ap i phoub.

2. Mose 3:2

Oun kote moukas pes o baro Debleskro bolepaskro lestar te dikell, an i yag an i bourra. O Mose dikas, kay i bourra rhačan oun rhačran gar pre.

Jesaja 45:23

Me dom man sovel pash mande kokres, oun hoy penom, hi čačo oun nay vell gar krik lino: Hakeno hounte vitsrell pes glan mande ap i phoub, oun hako mouy dell pes sovel

3. Mose 26:42

palle kamau koy sovel, hoy o Yakobeske dom, gar bistrell, vitar gar koy sovel, hoy o Isaakeha dren djom, oun koy sovel, hoy o Abrahameha krom. Oun bistrau gar, te penom lenge, te dap o them lengre čavenge, kay pal lende venna.

Zakarie 12:8

An ko tsiro rikrell o baro Devel peskre vasta pral i menshende an o foro Yerusalem. Oun i menshe kote sikrenn pen yaake zorelo, te hi i bango yaake zorelo har o David his. Oun i menshe dran o Davideskro kheer djan glan lende, har te djals o Debleskro bolepaskro glan lende.

Zakarie 3:6

Oun o bolepaskro das peskro vast koy pre, har penas lo:

Bičepangre 7:30

Star-deesh bersha pal kova his o Mose an o moulo them pash koy berga Sinay. Koy moukas pes i Debleskro bolepaskro glan leste te dikell an i soubyengro bour, hoy rhačas.

Hebrearja 6:13

Te dell i mensho peskro lab, dell lo peskro dadeskro vast koy pre. Leskro dad hi bareder har yob. Yaake sikrell lo o vavares, te krell lo čačepah kova, hoy yob penas. Oun ko vavar patsell les. Har das o Devel o Abrahameste peskro lab, das lo peskro vast koy pre. His kek, kay his bareder har o Devel. Oun o Devel penas: Čačepah, boud barht moukau pral toute te vell, oun toutar venna boud boud čave. Oun o Abraham patsas o Debles, oun vitsras gar peskro patsepen ap i rig. Oun yaake las lo kova, hoy o Devel leske penas.

Debleskro tsiro 10:5

Oun ko bolepaskres, kay dikom ap o baro pani oun ap i phoub tardo, kova hadas peskro čačo vast pre an o bolepen,