1. Mose 21:8 - O Debleskro Lab 2024 (Sinte-Manouche)

⁸ Oun ko čavo vas bareder oun piyas bouder gar ap i beč. Ap ko dives, har yob bouder gar ap i beč piyas, kras o Abraham i baro rhapen.

O Debleskro Drom 2021 (Sinte)

⁸ Un ko tchawo was bareder un pijas buder gar ap i betch. Ap ko diwes, har job buder gar ap i betch pijas, kras o Abraham i baro chapen.

1. Mose 21:8 Iomraidhean Croise

1. Mose 19:3

Yob moukas gar tele, te mangell lo len, bis te djan yon leha an leskro kheer. Oun yob kras lenge i rhapen oun pekas lenge maro, kay kek shoutlo yarro dren hi. Oun yon rhan.

1. Mose 21:7

Koon penals ap o Abrahameste, te dell i Sara i ternepen i beč te piyell? Oun me anom leske an leskro phourepen i čaves ap i phoub.”

1. Mose 21:9

Oun o Abrahameskro čavo Ismael, koleskri day i Hagar dran o them Egiptia his, kova sanas pral o Isaak. Oun i Sara dikas kova.

1. Mose 26:30

Koy kras o Isaak lenge i rhapen, te rhan oun piyan le.

1. Mose 29:22

Oun o Laban penas hakeneske an ko foro, te venn le koy ap i biyab. Oun yob kras i bari biyab.

1. Mose 40:20

Ap o triinto dives his o dives, kay vas o baro ray i bersh phoureder. Oun yob kras i baro rhapen kol tsele pralstunenge, kay leske boudran, oun moukas kol douyen, ko pralstounes pral o pipen oun o pralstounes pral o maro, dran o stilepen vin.

2. Samuel 3:20

Har o Abner an o foro Hebron pash o David vas, his pash leste biish morsha. Oun o David kras lenge i rhapen.

1. Rajengro liil 3:15

Oun har o Salomo pre djangras, hayvas lo, kay yob i souni das. Oun yob vas an o foro Yerusalem, oun ačas glan o morhton tardo, kay o Debleskre deesh laba dren his. Oun yob moukas firhen te marell. Boud lendar van tseles rhačedo o Debleske. Oun vavarendar rhačran le o thulepen oun kotya mass, te parkrenn le pen pash o Debleste. Ko vavar mass rhan le khetne. Oun o Salomo kras i baro rhapen oun moukas i tsele pralstunen, kay leske boudran, te vell.

Ester 1:3

Har yob o triinto bersh o baro ray his, kras yob i baro festo i tsele pralstunenge oun barenge: kolenge, kay his pralstoune pral kol boud lourdende an i themma Persia oun Media, ninna kol bravelenge oun themeskre rayenge dran peskre tsele themma.

Debleskri gili 131:2

Na-a, miro dji hi pokones oun čalo, yaake har i tikno čavo čalo hi an i moussi peskri datar, ava, yaake čalo hi miro dji.

Hosea 1:8

Oun har yoy i Lo-Ruhama bouder kek čoučya das, vas li pale vavarčandes, oun anas i morsh čaves ap kay phoub.

Čačepangre 14:10

Oun leskro dad djas tele an o foro, pash koy terni rakyate. Oun o Simson kras kote i baro rhapen, har i terne morsha kran kova yaake an ko tsiro.

Čačepangre 14:12

Oun o Simson penas ap lende: “Me kamau t'men čomone phares te poučell oun dikell, koon kova djinella. Oun te hatsenn kova an kal efta divessa vin, kay rhah oun piyah khetne, palle dau me t'men triyanda layntikre gada, oun triyanda shoukar ripya.

1. Samuel 1:22

koy djas i Hanna gar lentsa. Yoy penas ap peskro romeste: “Te piyell o čavo bouder gar ap o beč, kamau me les pre te anell glan o baro Debleste. Oun yob ačell palle koy, yaake rah yob djivella.”

1. Samuel 1:24

Oun har yob phouro doha his, las li les peha, oun djas leha pre an o foro Shilo. Oun las koy pashel yek triin-bershengro gouroum oun deesh kilogramme yarro oun yek ledertikro gono pherdi mool, oun anas kova pash o baro Debleskro kheer. O čavo his gomme terno.

1. Samuel 25:36

Oun har i Abigayil khere vas, his o Nabal koy beshdo pash i baro rhapen har i baro rayeske. Oun leskro dji bashras, oun yob his boud mato. Oun i Abigayil penas leske či, kek lab.