1. Mose 21:17 - O Debleskro Lab 2024 (Sinte-Manouche)

¹⁷ Oun o Devel shounas ko čaveskri gole. Oun o Debleskro bolepaskro das i Hagar gole dran o bolepen oun penas ap late: “Hoy hi tout, Hagar? Ma traash! O Devel shounas ko čaveskri gole, kote kay yob čiddo hi.

O Debleskro Drom 2021 (Sinte)

¹⁷ Un o Dewel shunas ko tchaweskri gole. Un o Debleskro bolepaskro das i Hagar gole dran o bolepen un penas ap late: “Hoi hi tut, Hagar? Ma traash! O Dewel shunas ko tchaweskri gole, kote kai job tchiddo hi.

1. Mose 21:17 Iomraidhean Croise

1. Mose 15:1

Koy pal moukas o baro Devel o Abrames leskri gole te shounell oun penas ap leste: “Ma traash, Abram! Me rikrau mire vasta pral toute. Oun me hom touke i baro bravlepen.”

1. Mose 16:11

Tou hal an vavar koova. Tou leh i morsh čavo. Koles dess tou o lab Ismael. O baro Devel shounas, har dal gole i bibarhtyatar.

1. Mose 16:7

Oun o baro Debleskro bolepaskro hatsas lat pash i pani, hoy vella dran i phoub. Ko pani his an o moulo tato them pash o drom, hoy djala an Shour.

1. Mose 16:8

Oun o bolepaskro poučas latar: “Hagar, tou i Sarayakri boudepaskretsa, kay veh tou oun kay djah tou?” Penas yoy: “Me nashom mange miri ranyatar Saray.”

1. Mose 16:9

Penas o bolepaskro ap late: “Dja pale pash tiri rani! Oun shoun ap late!”

1. Mose 22:11

Koy das o baro Debleskro bolepaskro dran o bolepen gole: “Abraham, Abraham!” Penas yob: “Kate hom!”

1. Mose 24:7

O baro Devel, o Devel pral o bolepen, anas man vin dran miro dadeskro kheer oun miro dadeskro them, oun rakras mantsa. Oun das pes sovel, te dell lo mire čaven kava them, kay kanna hom. Kova bičrell peskro bolepaskres glan toute, te less miro čaveske i romyat mire menshendar.

1. Mose 26:24

An koy rati moukas pes o baro Devel lestar te dikell oun penas: “Me hom o Devel tiro dadestar Abraham. Ma traash! Me hom touha. Me čivau miri zoor oun miri barht ap toute. Tire čave, kay pal toute venna, venna boud oun boudeder. Yaake dom miro lab o Abrahameste, kay mange koy his.”

1. Mose 46:3

Oun o Devel penas: “Me hom o Devel, ko Devel tiro dadestar. Ma traash te djas an o them Egiptia! Koy krau me, te vess o dad i bari natsyona.

2. Rajengro liil 13:23

Oun o baro Devel his lačo ap i Israelende oun kras peskro dji lenge pre oun dikas kamles ap lende, yaake har yob peskro lab das o Abrahameste, o Isaakeste oun o Yakobeste. Oun yob das len gar an o merepen oun vitsras len gar pestar krik bis ap kava dives.

2. Rajengro liil 13:4

Palle mangas o Yoakaz o baro Debles i ropaskri golyah, oun o baro Devel shounas les. Yob dikas, har o Israel tele rikedo vas, oun har o baro ray pral o them Syria lenge o djipen phares kras.

Debleskri gili 10:14

Tou dikal les. Tou deh yak ap kolende, kolenge le o djipen phares krenn, oun djineh lengre douka, oun leh lengro koova an tiro vast. Ava, i čorvele čivenn pengro djipen an tiro vast. Tou hal ap i rig kolendar, kolen kek dad bouder hi.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 6:8

Me dikau bouder gar mishto, – yaake pharo hi miro dji. Mire yaka hi pesso o ropastar kol boudenge, kay mange o djipen phares krenna.

Debleskri gili 65:2

Tou, Devel, kay djiveh ap i berga Sion, tou hal moldo, te sharas tout, oun rikras mare sobya, hoy touke dam.

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

2. Mose 14:13

O Mose penas ap i tsele menshende: “Ma darenn! Ačenn zoreles! Dikenn har o baro Devel t'men kava dives vin lell dran i vasta kol Egiptarendar! Kal Egiptaryen, kay t'mer kava dives dikenna, kolen dikenn t'mer bouder gar, vitar gar an ko tsiro, hoy vella.

2. Mose 22:23

Oun me taprau savi bari rholi, te dau t'men o rhareha temerl, yaake te hi palle t'mare djouvyen bouder kek rom oun t'mare čaven bouder kek dades.

2. Mose 22:27

Ma praase o Debles! Oun ma rake bibarht vin pral i pralstouno tire menshendar!

2. Mose 3:2

Oun kote moukas pes o baro Debleskro bolepaskro lestar te dikell, an i yag an i bourra. O Mose dikas, kay i bourra rhačan oun rhačran gar pre.

2. Mose 3:7

Oun o baro Devel penas: “Me dikom har djoungelo mire menshenge djala an o them Egiptia. Me shounom lengri gole, har dan i pralstoune rhale len dava. Me prindjrau lengre douka.

Jesaja 22:1

Kate sikrell o Devel, hoy pral i dikepaskri tala vella. Hoy djas touha, Yerusalem? Hoske djan t'mer lauter pral ap i khera?

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Mateo 15:32

Oun o Yezous das peskre malen pash peste gole, oun penas ap lende: “Man khaytenn kal menshe. Yon hi kanna triin divessa pash mande, oun len hi či te rhal. Len hi bouder kek zoor. Dran kova kamau len gar khere te bičrell, te perenn le gar ap o drom khetne.”

Markus 5:36

O Yezous shounas kal laba, oun penas ap kol pralstuneste: “Ma traash, pats!”

5. Mose 26:7

Kote dam mer gole ap o baro Debleste, kay o Devel mare phourendar his. Oun o baro Devel shounas mari gole, oun dikas mari bibarht oun mari daar oun maro pharo djipen.

Čačepangre 18:23

oun dan pal lende gole. Oun kolla rissran pen trouyel, oun penan ap o Mika: “Hoy hi touha, te lal men kal tsele morshentsa palla?”

1. Samuel 11:5

An ko tsiro vas o Saul peskre groumyentsa pale peskri boudyatar ap peskro kotar phoub, oun poučas: “Hoy hi i menshenge, te rovenn le yaake?” Oun yon penan leske i laba, hoy i morsha dran Yabesh lenge penan.