1. Mose 21:16 - O Debleskro Lab 2024 (Sinte-Manouche)

¹⁶ Oun beshas pes i tselo kotar lestar. Yoy penas peske: “Me nashte dikau kova gar, har miro čavo merella.” Har yoy kote beshdo his, rovas yoy zoreles.

O Debleskro Drom 2021 (Sinte)

¹⁶ Un beshas pes i tselo kotar lestar. Joi penas peske: “Me nashte dikau kowa gar, har miro tchawo merella.” Har joi kote beshdo his, rowas joi soreles.

1. Mose 21:16 Iomraidhean Croise

1. Mose 21:15

Har len kek pani bouder his, čivras yoy kol čaves tel i bourra.

1. Mose 27:38

“Tata”, penas o Esau, “nay rakreh tou gar douy kope i barht vin? Rake ninna i Debleskri barht pral mande vin!” Oun o Esau rovas zoreles.

1. Mose 29:11

Oun o Yakob čoumras i Rachel oun rovas zoreles, kay lauter kova shounan.

1. Mose 44:34

Me nay djau gar pash miro dadeste, te hi ko čavo gar pash mande. Me nay dikoms gar koy douk, hoy vell ap miro dadeste, te hi ko čavo gar pashel!”

1. Rajengro liil 17:12

Kote penas li: “Pash o baro Debleste, tiro djido Debleste, man hi kek peklo rhapen. Či har i vast pherdo yarro an i piri oun i roy pherdo djet an o khoro hi man. Ake, yek, douy kotya kasht, hoy hadom pre. Kanna djau khere oun krau mange oun miro čaveske i rhapen, te rhas. Oun palle hounte meras.”

1. Rajengro liil 3:26

Oun koy djouvyake, kay lakro ternepen djivas, rhačras lakro dji peskro čaveske, oun yoy das gole ap o baro rayeste: “Miro ray, mangau tout, de lat ko ternepen djides, oun mare les gar!” Koy vavar penas: “Na-a, yob te vell gar miro, vitar gar tiro. Činenn les an douy kotya!”

Ester 8:6

Har nay dikap me savi bari bibarht, hoy mire menshenge vell? Oun har nay vap me kote pashel tardo, te denn le mire tsele menshen moulo, oun krau či?”

Jesaja 49:15

Bistrell i djouvel peskro ternepen? Hi lat gar i kamlo dji leske, hoy yoy ap i phoub anas? Oun ninna te bistrals koya les nay, me bistrau tout gar.

Jeremia 6:26

T'mer, mire menshe, t'menge penau: Rivenn gone ap t'mende! Čivenn t'men an i yagakri čik! Rovenn har te merals t'maro čavo, oun t'men kek vavar hi! Givenn i ropaskri gili! Kol marepangre perenn ap yek kopo pral mende.

Amos 8:10

T'mare bare divessa, kay hans barhtelo, venn kanna divessa, kay denn gole i bibarhtyatar. Oun t'mare gilya venna ropangre gilya. T'mer rivenn t'men an gone, oun činenn t'mare tsele balla ap o shero tele. Oun han yaake har i dad oun i day, kay pral pengro čaveste rovenn, kay meras, oun len hi kek vavar čave. Oun lauter, hoy djal an ko dives, krell i menshenge bari daar.

Zakarie 12:10

O Davideskre menshenge oun i menshenge an Yerusalem krau lengre djia pre, te venn le kamles yek ap o vavareste oun mangenn mandar lačepen. Oun yon dikenn ap koleste, kay dan le an i rig čourye. Oun yon denn gole i ropah pral leste, har yek pral peskro moulo čaveste gole dell, koles kek vavar čave hi, oun har rovenn i menshe pral pengro phoureder čavo, kay meras.

Louka 15:20

Oun yob stas pre, oun djas pash peskro dadeste pale. Har leskro dad les doural dikas, khaytas o čavo les. Oun o dad nashas pash leste, tapras les trouyel, oun čoumras les.

Čačepangre 2:4

Oun har o baro Debleskro bolepaskro kova lauter ap i Israelitarya penas, koy rovan le zoreles.

Ruth 1:9

O baro Devel mou dell t'men, te hatsenn t'mer pale i romes, pash koleste khere han.” Oun yoy čoumras len. Oun yon rovan zoreles

1. Samuel 24:16

O baro Devel mou vell o čačepaskro ray mank mende douyende oun rakrell o čačepen pral mende! Yob te lell kava koova an o yak, oun miro čingepen touha an o vast, te dell lo man miro čačepen!”

1. Samuel 30:4

Kote rovas o David oun kol morsha, kay pash leste his, yaake zoreles bis te yon gar bouder nay rovan.