1. Mose 21:10 - O Debleskro Lab 2024 (Sinte-Manouche)

¹⁰ Koy penas yoy ap o Abrahameste: “Trade kol boudepaskretsa peskro čaveha krik, te lell lakro čavo pal maro merepen či kolestar, hoy maro hi. Te lell o Isaak kokres halauter.”

O Debleskro Drom 2021 (Sinte)

¹⁰ Koi penas joi ap o Abrahameste: “Trade kol budepaskretsa peskro tchaweha krik, te lell lakro tchawo pal maro merepen tchi kolestar, hoi maro hi. Te lell o Isaak kokres halauter.”

1. Mose 21:10 Iomraidhean Croise

1. Mose 17:19

“Na-a”, penas o Devel, “tiri romni, i Sara, anell touke i čaves ap i phoub. Koles dess tou o lab Isaak. Koleske oun leskre čavenge ačell kova, hoy me touha vin krom hako tsireske.

1. Mose 17:21

Kokres ko koova, hoy me touha vin krom, te vap t'maro Devel oun te venn t'mer mire menshe, kova djal doureder ap o Isaak. Koles leh tou tiri romyatar Sara ko vavar bersh an kava tsiro.”

1. Mose 20:11

O Abraham penas: “Me patsom, kay an kava foro kek menshe hi, kay patsenn o djiyestar ap o Debleste oun krenn, hoy o Devel kamell. Darom, kay yon man moulo denna, te lenn le miri romyat.

1. Mose 22:10

Oun las ko čouri, te marell lo o čaves.

1. Mose 25:19

Kova hi ko liil, kay činlo hi pral o Abrahameskro čaveste Isaak.

1. Mose 25:6

Oun kol čaven, kay leskre vavar romyendar bolde van, das o Abraham kouč koova pestar. An ko tsiro har yob djivas, bičras lo len dour krik peskro čavestar Isaak an ko them, hoy kote čiddo hi, kay o kham pre-djala.

Gosewe laba 22:10

Trade ko pre-phourdes vin, kay sal pral halauter. Palle djal o čingepen leha. Oun kol čilače laba oun o praasepen djan ninna krik.

Mateo 22:13

Penas o baro ray ap peskre boudepangre: Pandenn les ap i pire oun ap i vasta, oun vitsrenn les vin an i kali rat! Oun kote rovenn le oun dandrenn i danda i doukatar khetne.”

Johanni 8:35

I boudepaskro ačell gar hako tsiro an peskro rayeskro kheer. O čavo ačella yaake rah, har yob djivella.

Galatarja 3:18

Te lals yek o Debleskro bravlepen oun djipen, te rikrals lo pes ap o Moseskre laba, palle čivals o Devel peskro lab ap i rig, hoy yob o Abrahameste das. Kova hi gar yaake. O Devel rikrell peskro lab, oun doleske das yob o Abrahameste peskro bravlepen čičeske.

Galatarja 4:7

Kanna hal tou bouder gar har i boudepaskro, kay les či hi. Tou hal kanna o Debleskro čavo. Oun doleske leh tou ninna kova, hoy o Devel peskre čavende della.

1. Petro 1:4

yaake lah mer ninna ko djipen, hoy bouder gar pre-herella. Ko shoukar koova, hoy lah an o bolepen, ačell hako tsiro. Kova vell gar čiklo oun phouro. Kava bravlepen hi t'menge,

1. Johanni 2:19

Kolla van mendar. Yon his gar čačepah mendar. Te vans yon mendar, ačans le pash mende. Oun har yon penge djan, nay dikas hakeno, te his le gar mendar.

Čačepangre 11:2

O Gileadeskri romni las ninna lestar morsh čave. Oun har kolla bares van, tradan le o Yefta pendar, oun penan ap leste: “Tou leh či, hoy maro dadestar hi, te hi lo moulo. Tou hal o čavo i vavar djouvyatar.”