1. Mose 2:9 - O Debleskro Lab 2024 (Sinte-Manouche)

⁹ Oun o baro Devel, maro ray, moukas boud rouka baro te vell dran i phoub. Kolla his shoukar. Oun lengre roukengre his lačo rhapaske. Mashkral i baar his ko rouk tardo, kay della djipen, ninna ko rouk, kay della gosvepen, hoy hi lačo oun hoy hi čilačo.

O Debleskro Drom 2021 (Sinte)

⁹ Un o baro Dewel, maro rai, mukas bud ruka baro te well dran i phub. Kolla his shukar. Un lengre rukengre his latcho chapaske. Mashkral i baar his ko ruk tardo, kai della djipen, ninna ko ruk, kai della goswepen, hoi hi latcho un hoi hi tchilatcho.

1. Mose 2:9 Iomraidhean Croise

1. Mose 2:17

Kokres ko rouk, kay della gosvepen, hoy hi lačo oun hoy hi čilačo, kolestar te rhas tou gar. Te rhah kolestar, mereh.”

1. Mose 3:22

Oun o baro Devel, maro ray, penas: “Dikenn, o mensho vas yaake har mer: Yob djinell, hoy hi lačo oun hoy hi čilačo. Kanna hi gar mishto, te rhal lo ninna ko roukestar, hoy della o djipen. Palle djivell yob hako tsireske.”

1. Mose 3:24

Oun o Devel tradas len vin. Glan i baar Eden, ap koy rig, kay o kham pre djal, čivas o Devel bolepangre i rhareha, hoy rhačella oun djal yek rigyatar ap i vavar, te denn le garda, te djal kek pash ko rouk, hoy della o djipen.

1. Mose 3:3

Kokres ko roukestar, hoy mashkral an i baar tardo hi, penas o Devel Ma rhan kolestar, taprenn les gar an, te merenn gar!”

1. Mose 3:5

O Devel djinell, kay djana t'menge i yaka pre ap ko dives, kay rhan ko roukestar. Oun t'mer venna har o Devel oun djinenna, hoy lačo oun čilačo hi.”

Gosewe laba 11:30

Kova, hoy i lačo oun čačo mensho krell, hi har i rouk, hoy o djipen dell. Ko mensho, kay gosevo hi, tserdell vavar menshen ap peskri rig.

Gosewe laba 3:18

Har i rouk, hoy o djipen dell, hi o gosvepen hakeneske, kay les an peste pre-lell. Barhtele hi lauter, kay o gosvepen an pengre djia rikrenn.

Jesaja 44:25

Me krau, te venn kol laba gar čačo, hoy i dourkepangre penan, oun moukau kol dravepangre har dinele vin te dikell. Me sikrau, har hi či-moldo ko gosvepen kolendar, kay patsenn, te hi le gosevo. Me čakrau pre, te hi lengro gosvepen čačepah dinlepen.

Jesaja 47:10

Tou rikral tout ap tiro čilačepen oun penal: “Kek dikas man!” Tiro gosvepen oun lauter, hoy djineh, kras tout pre-phourdo, yaake te penal an tiro dji: “Me hom i bareder. Kek vell zorleder har me.”

Ezekiel 31:16

Har i menshe an i vavar themma shounan, te peras ko baro rouk, oun kay vitsrom me les tele pash i moulende an o moulengro them, trissan le i daryatar. Oun i tsele rouka dran i bar Eden oun kol shoukeder oun feteder rouka i bergatar Libanon, halauter kay pash o pani tardo his, oun kanna tel i phoub hi, lenge his kova mishto, te djas ko baro roukeske yaake har lenge ninna djas.

Ezekiel 31:18

Kek hi yaake baro oun raylo har tou, Farao – kek mank i tsele rouka an i bar Eden! Ninna tou hounte djas an i telstouni phoub, khetne kol roukentsa dran Eden, oun hounte vess čiddo pash kolende, kay hi gar činlo ap pengro mass, oun kay van maredo o rhareha. Yaake djal o Faraeske oun leskre pre-phourde menshenge. Kava penell o baro Devel, maro ray.

Ezekiel 47:12

Ap kol douy rigya o lengsto panyestar hi rouka tardo. Kolla hi o tselo bersh zenelo, oun hidjrenn hako tsiro roukengre. Hako čon venn neve roukengre bares. Ko lengsto pani, kolestar yon pani lenn, vell vin dran o Debleskro kheer. Lengre roukengre hi o rhapaske. Oun lengre patria krenn i nasselen sasto.

Johanni 6:48

Me hom ko maro, hoy dell t'men ko djipen.

1. Korintarja 8:1

T'mer poučan mandar: “Nay rhah mer, kay patslo ham, ko mass, hoy vas glan i figura anlo, hoy mangenn le an, har te vals li i devel?” Hi čačo, mer halauter ham gosevo oun djinah čomone pral kava koova. Koon patsell, te hi les boud gosvepen, kova patsell sik, te hi lo bareder har ko vavar. Koon o djiyestar o vavares kamella, koles krell yob zorelo oun gar tikno.

5. Mose 6:25

Mer te krah pal kal tsele laba oun shounah ap kova, hoy maro baro Devel menge penas, palle ham glan leste an o čačepen tardo.”

Debleskro tsiro 2:7

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, koles dau te rhal ko roukestar, hoy o djipen della, kova, hoy tardo hi an o Debleskri shoukar baar.”

Debleskro tsiro 22:14

Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.

Debleskro tsiro 22:2

O pani nashell mashkral o baro drom. Ap haki rig o panyestar hi kol rouka tardo, kay denna o djipen. Ap lende venna deesh-te-douy kope an i bersh roukengro rhapen baro, hako čon yek kopo. Oun i patria kol roukendar krenn i menshen an i tsele themma sasto.