1. Mose 2:5 - O Debleskro Lab 2024 (Sinte-Manouche)

⁵ Ap ko tsiro, har o baro Devel, maro ray, i phoub oun o bolepen kras, his kek rouka ap i phoub, vitar kek zenlepen. O baro Devel, maro ray, das kek brishin ap i phoub. Oun his kek mensho koy, kay boudras ap i phoub.

O Debleskro Drom 2021 (Sinte)

⁵ Ap ko tsiro, har o baro Dewel, maro rai, i phub un o bolepen kras, his kek ruka ap i phub, witar kek senlepen. O baro Dewel, maro rai, das kek brishin ap i phub. Un his kek mensho koi, kai budras ap i phub.

1. Mose 2:5 Iomraidhean Croise

1. Mose 2:6

I sapeno dourho vas dran i phoub oun kras lauter sapenes.

1. Mose 3:23

Oun o baro Devel, maro ray, bičras les vin dran i baar Eden, te boudrell yob ap i harhetikri phoub. Dran i čik i phoubyatar vas o mensho kerdo. Oun kanna hounte boudrell yob koy pre.

1. Mose 4:12

Te kreh tiri boudi ap i harhetikri phoub, vell kote či touke baro. Tou hounte djas trouyel ap i phoub. Tout vella kek them, kay khere hal.”

1. Mose 4:2

Oun pal kova anas yoy i douyto čaves ap i phoub. Koles das li o lab Abel. O Abel vas i bakrengro. O Kayn vas i harho oun boudras ap i harhetikri phoub.

Hiob 5:10

Yob dell brishin ap i phoub, oun moukell pani ap o them te perell.

Debleskri gili 104:14

Tou moukeh i firhenge o khass bares te vell, oun djob oun zenlepen i menshenge. Yaake anell lenge i phoub lengro rhapen vin:

Debleskri gili 135:7

Yob moukell volke pral i phoub pre te djal, dell brishin ap i phoub, ninna koy yag, hoy ap o bolepen pre oun tele karye dell. Yob anell o baro dourho vin, hoy pral i phoub phourdell.

Jeremia 10:12

Yob, o baro Devel, kras i phoub peskri zoryah. Dran peskro gosvepen čivas lo i phoub zoreles tardo, oun kras o bolepen koy pral.

Jeremia 10:13

Te dell yob gole, vell boud pani khetne an o bolepen; i volke moukell yob te vell foun doural, oun moukell yag pral oun tele karye te dell an o brishin. Ninna o phourdepen vell vin dran peskro kheer.

Jeremia 14:22

Kek devel, koles i menshe an vavar themma an-mangenna, nay bičrell brishin! Vitar gar dell o bolepen dran peste brishin! Na-a, maro baro Devel, tou hal kova, kay krell savo koova. Doleske dikah ap toute.

Mateo 5:45

Yaake han t'mer čačepah čave o baro Deblestar, kay hi t'maro dad an o bolepen. Yob moukella o kham pre te djal kol čilačenge oun kol lačenge. Oun yob dell brishin ap kolende, kay pal o čačepen djivenna, ninna ap kolende, kay čilačo koova krenna.

Hebrearja 6:7

Mer menshe ham har i phoub, ap late boud kope o brishin das. O Devel dikell lačes ap koleste, kay hi har koy phoub, hoy lell o brishin an peste dren, oun anell lačo koova vin kolenge, kay boudrenn koy.