1. Mose 2:4 - O Debleskro Lab 2024 (Sinte-Manouche)

⁴ Kova hi ko liil, kay činlo hi, har o bolepen oun i phoub kerdo van.

O Debleskro Drom 2021 (Sinte)

⁴ Kowa hi ko liil, kai tchinlo hi, har o bolepen un i phub kerdo wan.

1. Mose 2:4 Iomraidhean Croise

1. Mose 1:1

Glan i rah rah tsiro kras o Devel o bolepen oun i phoub.

1. Mose 1:28

Oun o Devel rakras lače laba pral lende vin oun penas: “Anenn boud čaven ap i phoub, te vell i phoub t'mendar pherdo! Oun avenn ray pral i phoub! Avenn ray pral i mačende an o baro pani, pral i čirklende an o bolepen, oun pral hake firhende, hoy ap i phoub hi!”

1. Mose 1:3

Oun o Devel penas: “Mou vell dives!” Koy vas dives.

1. Mose 1:31

Oun o Devel dikas halauter, hoy yob kras, oun čačepah halauter his mishto. Oun vas rati oun pale taysarlakro. Kova his o shobto dives.

1. Mose 1:4

O Devel dikas, kay ko dives mishto hi. Oun o Devel das yek tsiro o diveske oun yek tsiro i ratsyake.

1. Mose 10:1

Kova hi ko liil, kay i laba činlo hi kol menshendar, kay van o Noaheskre čavendar: o Sem, o Ham oun o Yafet. Kolenge van čave boldo pal o baro pani.

1. Mose 11:10

Kova hi ko liil, kay činlo hi i laba kol menshendar, kay van pal o Sem. Har o Sem 100 (sheel) bersha phouro his, vas lestar o Arpaksad boldo. Kova his douy bersha pal o baro pani.

1. Mose 2:3

Oun o Devel penas: “Ko eftato dives hi i baro dives mange. Ko dives hi miro.” Ap o eftato dives his leskri boudi halauter kerdo, oun yob boudras bouder gar.

1. Mose 25:12

Kova hi ko liil, kay činlo hi i laba kol menshendar, kay venna o Abrahameskro čavestar Ismael. Koleskri day his i Hagar dran o them Egiptia, koy boudepaskretsa, kay boudras i Sarake.

1. Mose 25:19

Kova hi ko liil, kay činlo hi pral o Abrahameskro čaveste Isaak.

1. Mose 36:1

Kova hi ko liil, kay činlo hi pral o Esau peskre čaventsa. Yob kharell ninna Edom.

1. Mose 36:9

Kolla hi i laba kol menshendar, kay venna pal o Esau. Yon hi i Edomarya, kay djivan ap o pralstouno them Seir:

1. Mose 5:1

Kova hi ko liil, kay i laba činlo hi kol menshendar, kay van pal o Adam. Ap ko dives, har o Devel o menshes kras, kras les lo yaake har yob hi.

1. Rajengro liil 18:39

Har i tsele menshe kova dikan, peran le ap pengre mouya oun dan gole: “O baro Devel, yob hi o Devel! O baro Devel, yob hi o Devel!”

2. Familjakro liil 20:6

Oun yob penas: “Baro Devel, tou Devel mare phourendar, tou hal o Devel an o bolepen oun o ray pral i tsele raya oun lengre themma ap kay phoub. Oun an tiro vast hi i zoor oun o penepaske pral halauter, oun kote hi kek, kay nay vell zorleder har tou.

Hiob 38:28

Hi o brishin har i mensho, koles i dad hi? Oun ko pani, hoy haki tsalla ap o zenlepen čiddo hi, hi koles i dad?

Hiob 38:4

Kay hals tou, har me i phoub krom? Pen les mange, te djineh les tou?

Debleskri gili 18:31

I tsele dromma, kay o Devel man anella, hi lačo. Leskre laba hi lačo oun čačo. Yob rikrell peskro vast pral hakeneste, kay vell pash leste.

Debleskri gili 86:10

Tou hal baro oun kreh baro koova, hoy kek vavar nay krella. Tou kokres hal o Devel.

2. Mose 15:3

I kourepaskro hi lo. Leskro lab hi čačo: Baro Devel kharell lo.

2. Mose 6:16

O Levi his i vavar Israeleskro čavo. Leskre čave hi: o Gershon, o Kohat oun o Merari. Kolendar van i Levitarya. Oun o Levi vas 137 (sheel-te-triyanda-te-efta) bersha phouro.

Jesaja 44:6

O baro Devel, ko ray pral o Israel, kay ginas les vin dran i čilače vasta, – yob, kay hi o ray pral o bolepen oun i phoub, penell: Me hom o glanstouno oun me hom o palstouno, oun dell kek vavar debles har man kokres.

Debleskro tsiro 1:4

Me, o Yohanni, činau kava liil ap i tsele patslende, kay an i efta forya an o them Asia khetne venna. Lačepen oun barht t'menge! Kova dell t'men o Devel! Yob djivella hako tsiro: kanna oun an ko tsiro, hoy his oun hoy vella! Lačepen oun barht t'menge! Kova dell t'men o Debleskro Dourho! Kova hi har efta yaga glan o Debleskro beshepaskro tardo.

Debleskro tsiro 1:8

O baro Devel penella: “Mandar vas lauter. Oun lauter vella pale glan mande. Man hi i tseli zoor, oun djivau hako tsireske: kanna oun an ko tsiro, hoy his oun hoy vella.”

Debleskro tsiro 11:17

oun penan: Mer parkrah men pash toute, maro ray. Tou hal o zorelo Devel. Tou djiveh kanna har djival an o phouro tsiro. Tou sikral tiri bari zoor, oun val o ray pral halauter.

Debleskro tsiro 16:5

Oun me shounom, har penas ko bolepaskro, koles i zoor pral i panya hi: “Tou, o baro Devel, djiveh kanna, har djival an o phouro tsiro. O čačepaskro Devel hal tou. Kova, hoy tou rakreh, hi mishto oun čačo.