1. Mose 2:14 - O Debleskro Lab 2024 (Sinte-Manouche)

¹⁴ Oun ko lab o triinto panyestar hi Tigris. Kova nashell ap koy rig o themestar Assour, kay o kham pre djala. Oun o starto pani hi o Eufrat.

O Debleskro Drom 2021 (Sinte)

¹⁴ Un ko lab o triinto panjestar hi Tigris. Kowa nashell ap koi rig o themestar Assur, kai o kham pre djala. Un o starto pani hi o Eufrat.

1. Mose 2:14 Iomraidhean Croise

1. Mose 10:11

Kotar djas yob an o them Assour oun kras i forya Ninive, Rehobot-Ir, Kela

1. Mose 10:22

Kolla hi i čave o Semestar: o Elam, o Assour, o Arpaksad, o Loud, oun o Aram.

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

1. Mose 2:13

Oun ko lab o douyto panyestar hi Gihon. Kova nashell troul o tselo them Koush.

1. Mose 2:15

Oun o baro Devel, maro ray, las o romes oun čivas les an i baar Eden, te boudrell yob kote, ninna te dell yob yak ap i baar.

1. Mose 25:18

Leskre čave, kay pal leste van, djivan an o them mashkral Havila oun Shour. Shour hi čiddo glan o them Egiptia ap o drom, hoy djala an Assour. Yaake vas čačo, hoy pral o Ismael penlo vas: Yob lell peske i kotar them gar dour peskre phralendar, te rhoyrell lo len.

Ezekiel 23:23

kol morsha dran o foro Babilon oun dran kol vavar forya an o them Babilonia, ninna kol morsha dran Pekod oun Shoa oun Koa, oun khetne lentsa kolla dran o them Assour. halauter shoukar terne morsha, pralstoune oun bare lourde, oun kourepangre oun raya, kay lauter ap pengre graya klissenn.

Daniel 10:4

Oun ap o 24. (biish-te-starto) dives an o ersto čon, homs me tardo pash ko baro lengsto pani Tigris.

5. Mose 1:7

Stenn kanna pre oun djan doureder pash i berge, kay i Amorarya djivenn, oun kote, kay kol Kanaanitarya djivenn: an o telstouno them o panyestar Yordan, oun an o pralstouno them, oun an o divyo them Shefelah oun an o them Negev pash o baro pani bis pash i berge Libanon oun o baro lengsto pani Eufrat.

5. Mose 11:24

Hako kotar phoub ap koleste t'mare pire stakrenn, hi t'menge, o tselo them mank o moulo tato them oun i berge Libanon, oun mank o lengsto pani Eufrat oun o Mashkralstouno Baro Pani.

Debleskro tsiro 9:14

Oun ko rakepen penas ap ko shobto bolepaskro, kay hi les koy phourdepaskri an o vast: “Mouk kol star bolepangre te djal, kay pash o baro pani Eufrat pandlo hi! Kre lengre shelle pre!”