1. Mose 2:1 - O Debleskro Lab 2024 (Sinte-Manouche)

¹ Yaake vas o bolepen oun i phoub kerdo, oun halauter, hoy koy hi.

O Debleskro Drom 2021 (Sinte)

¹ Jaake was o bolepen un i phub kerdo, un halauter, hoi koi hi.

1. Mose 2:1 Iomraidhean Croise

1. Mose 1:1

Glan i rah rah tsiro kras o Devel o bolepen oun i phoub.

1. Mose 1:10

Oun o Devel penas: “Ko trouk them kharella phoub.” Oun kova, kay o pani khetne hi, kharas lo baro pani. Oun o Devel dikas, kay kova mishto hi.

1. Mose 2:4

Kova hi ko liil, kay činlo hi, har o bolepen oun i phoub kerdo van.

2. Rajengro liil 19:15

oun mangas o baro Debles oun penas: “Baro Devel, kay hal o Israeleskro Devel, tou hal pral i bolepangre beshdo. Tou kokres hal o Devel pral i tsele themma ap kay phoub. Tou hal, kay kral o bolepen oun i phoub.

2. Familjakro liil 2:12

Kanna bičrau touke i morshes, koles i lačo vast hi, oun peskri boudi mishto hayvell. Leskro lab hi Houram-Abi.

Nehemia 9:6

Tou, baro Devel hal kokres o Devel! Tou kral o bolepen oun leskre tsele bolepangre momlia, oun i phoub oun lauter, hoy ap late hi, ninna o baro pani oun lauter, hoy an leste hi. Oun tou kral, te djivell kova lauter. Oun i tsele bolepangre an o bolepen vitsrenn pen tele glan toute.

Hiob 12:9

Koon hi kova, kay djinell gar, te kras o baro Debleskro vast kova lauter?

Debleskri gili 104:2

Har i baya čival i bari momeli troul toute. Tou tserdal o bolepen bourhlo har i bari plarhta,

Debleskri gili 146:6

Yob hi o Devel, kay o bolepen oun i phoub kras, oun o baro pani, oun kova, hoy dren hi. Yob hi kova, kay hako tsiro peskro lab rikrell,

Debleskri gili 33:6

Dran o lab o baro Deblestar vas o bolepen kerdo. Dran o dourho, hoy dran leskro mouy djas, van i tsele bolepangre momlia kerdo.

Debleskri gili 33:9

Yob te rakrell, palle vell, hoy yob penas, yaake har lo kova penas, yaake hi kova koy tardo.

2. Mose 20:11

An shob divessa kras o baro Devel o bolepen oun i phoub, o pani oun halauter, hoy koy dren hi. Oun o eftato dives kras lo či. Doleske penas lo: Kava dives hi i baro dives mange. Kava dives hi miro.

2. Mose 31:17

O Debleskro dives hi i sikepen mange oun mire menshenge, i Israelitarya, hoy hako tsiro ačella. An shob divessa kras o baro Devel o bolepen oun i phoub. Oun o eftato dives kras yob či oun las nevi zoor.

Jesaja 34:4

Oun i tsele bolepangre momlia perenn khetne. Oun o bolepen tserdell pes khetne har i liil, hoy vell khetne lino. Oun kol bolepangre momlia perenn tele har moule patria ap o drakengro rouk oun har fayge, hoy gar bares van ap i faygetikro rouk.

Jesaja 42:5

O baro Devel hi maro ray, kova, kay o bolepen kras, oun har i plarhta bourhles kras. Ninna i phoub kras lo, oun lauter hoy li vin anell. Oun i menshen ap late dell lo o dourho, oun djipen kolende, kay ap late djivenn. Yob penell:

Jesaja 45:12

Me hom kova, kay kras i phoub, oun ko menshes, kay ap late hi, ninna. Mire vastentsa krom o bolepen bourhles, oun kol tsele momlia ap leste penom me, kay le venn.

Jesaja 45:18

O baro Devel hi o Devel, kay o bolepen kras. Yob hi o Devel, kay i phoub kras oun zoreles pre čivas. Yob kras lat gar yaake, te nay djivell či koy pre. Na-a, yob kras lat yaake, te vell djipen ap late. Yob penell: Me hom o baro Devel, oun dell kek vavar Devel har man!

Jesaja 48:13

Mire vastentsa krom i phoub, oun čivom o bolepen bourhles pral i phoub. Me dom len gole, oun yon his koy tardo.

Jesaja 55:9

Yaake dour o bolepen pral i phoub hi, yaake dour hi ninna mire dromma pral t'mare dromma, oun kova hoy mange an miro shero djal, hi feteder har kova, hoy t'menge an t'mare sherya djal.

Jesaja 65:17

Čačepah, me krau i nevo bolepen, oun i nevi phoub. Oun ko phouro bolepen oun koy phouri phoub hi palle bistedo, oun venn bouder gar i menshenge an o shero.

Jeremia 10:12

Yob, o baro Devel, kras i phoub peskri zoryah. Dran peskro gosvepen čivas lo i phoub zoreles tardo, oun kras o bolepen koy pral.

Jeremia 10:16

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

Jeremia 8:2

Oun kol kokale venn koy trouyel vitsedo glan o kham oun o čon oun i tsele bolepangre momlia, kolen kaman kol menshe, oun mangan len an, oun nashan lenge pal. Kolendar poučan yon oun sharan len. Kol kokale venn gar pre hadedo oun venn gar paskedo. Yon venn foul i phoubyake.

Zakarie 12:1

Kava hi o lab, hoy penas o baro Devel pral o Israel: Kova penell o baro Devel, kay kras o bolepen bourhlo oun čivas i phoub zoreles tardo, oun das o menshes o dourho.

Louka 2:13

Ap yek kopo his pash ko bolepaskro boud vavar bolepangre. Oun yon sharan o Debles, oun penan:

Bičepangre 4:24

Har i patsle kova shounan, mangan yon khetne o Debles an, oun penan: “Ray, tou kral o bolepen oun i phoub, oun o baro pani, oun lauter, hoy djivella.

Bičepangre 7:42

O Devel djas peske lendar oun moukas len. Koy mangan yon i momlia an o bolepen an. Yaake vas kova, hoy činlo hi an o liil, kay o Debleskre rakepangre činan. Kote penell o Devel: Morshale an Israel, mange rhačran t'mer kek firhen, oun anan kek rhapen glan mande an kol star-deesh bersha, har hans an o moulo them.

5. Mose 17:3

oun djal koy oun mangell vavar deblen an, oun vitsrell pes tele glan o kham, o čon oun i bolepangre momlia, oun krell yaake savo koova, kolestar me penom, te krenn kova gar,

5. Mose 4:19

Te hadenn t'mare yaka pre pash o bolepen oun dikenn o kham oun o moonto oun i tsele bolepangre momlia, ma moukenn t'men kolendar krik te tserdenn, te čivenn t'men tele glan lende oun mangenn len an. T'maro baro Devel das len i menshenge an i vavar themma ap i phoub.

Hebrearja 4:3

Mer, kay patsah, hoy o Devel penas, mer vah an o Debleskro them. I vavarendar penell lo: An miri rholi dom man sovel, oun penom: Yon venn gar dren an miro them, kay vans le hako tsiro pash mande khere. Kava them hi koy yaake rah, har o Devel o bolepen oun i phoub kras. Lauter his kerdo, har yob o bolepen oun i phoub an shob divessa kras.