1. Mose 19:36 - O Debleskro Lab 2024 (Sinte-Manouche)

³⁶ Koy van kol douy pengro dadestar Lot an vavar koova.

O Debleskro Drom 2021 (Sinte)

³⁶ Koi wan kol dui pengro dadestar Lot an wawar koowa.

1. Mose 19:36 Iomraidhean Croise

1. Mose 19:35

Koy dan yon rati pengro dades mool te piyell. Oun i terneder čay djas oun čivas pes pash leste. Ninna kava kopo hayvas yob gar, har yoy pes pash leste čivas, vitar gar, har yoy lestar pre stas.

1. Mose 19:37

Oun i phoureder čay anas i čaves ap i phoub. Koles das yoy ko lab Moab. Kolestar venna kol menshe, kay hi kava dives i Moabarya.

1. Mose 19:8

Dikenn, man hi douy ča. Kol van kek morshestar an-tapedo. Kolen anau t'menge vin. Krenn lentsa, hoy t'mer kamenna! Me mangau t'men, ma taprenn kal morshen an, kay pash mande an miro kheer van!”

Habakuk 2:15

Djungeles djal touke, kay moukeh i vavaren tiro khoro pherdi rholi te piyell, oun kreh len mato, te dikess len nango!

Mateo 7:2

Te hi t'men i baro dji i vavarenge, hi o Debles ninna i baro dji t'menge. Hi t'men kek baro dji lenge, hi o Debles vitar gar i baro dji t'menge.

5. Mose 2:9

Oun o baro Devel penas ap mande: “Kre i menshenge an o them Moab kek čilačepen, oun ma mouk tout an i čingepen lentsa dren! Ma bistrenn, yon hi i menshe, kay venna pal o Lot. Lenge dom o foro Ar oun ko them trouyel, te djivenn le kote. Me kamau tout či lengro themestar te dell.”

Čačepangre 1:7

Koy penas o Adoni-Besek: “Efta-deesh bare rayenge moukom i pesse goushte lengre vastendar tele te dell oun ninna i bare goushte lengre pirendar. Oun yon hounte rhan, hoy miri rhapaskri tele peras. Oun yaake har me les lentsa krom, yaake das les man o Devel pale.” Oun yon anan les an o foro Yerusalem. Oun kote meras lo.

1. Samuel 15:33

O Samuel penas: “Har tiro rharo i djouvyenge lengre čaven maras, yaake vell kova, te hi tiri dat gomme kek čavo bouder.” Oun o Samuel das o Agag an kotya, glan o baro Debleste an o foro Gilgal.