1. Mose 19:3 - O Debleskro Lab 2024 (Sinte-Manouche)

³ Yob moukas gar tele, te mangell lo len, bis te djan yon leha an leskro kheer. Oun yob kras lenge i rhapen oun pekas lenge maro, kay kek shoutlo yarro dren hi. Oun yon rhan.

O Debleskro Drom 2021 (Sinte)

³ Job mukas gar tele, te mangell lo len, bis te djan jon leha an leskro kheer. Un job kras lenge i chapen un pekas lenge maro, kai kek shutlo jarro dren hi. Un jon chan.

1. Mose 19:3 Iomraidhean Croise

1. Mose 19:2

Oun penas: “Mire raya, avenn an miro kheer! Me mangau t'men, ačenn i rati pash mande! Thovenn t'mare herya! Oun djan taysarlakro t'maro drom!” “Na-a”, penan le, “mer kamah i tseli rati vin te ačell.”

1. Mose 21:8

Oun ko čavo vas bareder oun piyas bouder gar ap i beč. Ap ko dives, har yob bouder gar ap i beč piyas, kras o Abraham i baro rhapen.

1. Mose 24:31

Oun o Laban penas ap leste: “Am kay dren! I zoor oun i barht o baro Deblestar hi ap toute čiddo. Hoske hal tou vin tardo? Me krom touke o kheer djoudjo. Oun i khamelenge hi ninna platsa.”

1. Mose 26:30

Koy kras o Isaak lenge i rhapen, te rhan oun piyan le.

2. Rajengro liil 4:8

His i dives, kay djas o Elisa an o gab Shounem. Koy his i braveli djouvel. Koya mangas lestar, te rhal yob pash late. Oun hako kopo, har vas yob an ko gab, djas yob pash late oun rhas koy.

2. Mose 12:15

Efta divessa rhan t'mer maro, kay kek shoutlo yarro dren hi. Ap o ersto dives čivenn t'mer o shoutlo yarro krik. Kova, kay an kol efta divessa maro rhal, kay shoutlo yarro dren hi, kova vell pale-čiddo, oun hounte djivell bouder gar mank i Israelitarya.

2. Mose 12:39

I Israelitarya moukan o them Egiptia yaake sik, te nay čivan le kek rhapen penge khetne, te lan le les lentsa ap o drom. Kokres kol mare, hoy gar peklo his, lan le peha. Kolla mare, kay kek shoutlo yarro dren hi, pekan le kanna.

Louka 11:8

Me penau t'menge: Yob stell pre oun dell les yaake boud, har ko vavares hounte vell. Kova krell lo gar doleske, kay hi o vavar leskro maal. Kova krell lo doleske, kay mangas les o vavar yaake boud oun moukas gar tele.

Louka 14:23

Oun ko ray penas ap koleste: Dja vin ap i dromma glan o foro oun pash i bourra ap o them, kay menshe beshdo hi, oun pen lenge, te venn le pash mande. Rake lenge an o dji, te venn yaake boud menshe har djala an miro kheer!

Louka 5:29

Oun o Levi kras o Yezouseske an peskro kheer i baro rhapen. Oun boud kolendar, kay lan i biboldendar love i Remaryengre rayenge dren, rhan lentsa khetne. Oun ninna vavar menshe his koy.

Johanni 12:2

Koy kran le leske i rhapen. I Marta anas lenge ko rhapen. O Lazaro his yek lendar, kay rhas leha.

1. Korintarja 5:8

Oun yaake har čivan yon ko shoutlo yarro krik oun rhan sau maro, kay kek shoutlo yarro dren his, yaake hounte djivas mer maro nevo djipen an o djoudjepen oun an o čačepen. Mer hounte moukas maro phouro djipen, oun djivas bouder gar an o čilačepen.

2. Korintarja 5:14

O baro kamlepen, hoy o Yezous Kristo men das, bičrell men pash i menshende. Oun mer djinah, te meras yek menge, hi kova yaake, har te merans le lauter.

Hebrearja 13:2

Te vell yek pash t'mende, ma bistrenn, te lenn les an t'maro kheer! His menshe koy, kay lan bolepangre an pengro kheer, oun djinan les gar.

Čačepangre 6:19

Kote djas o Gideon koy, oun las i terni bouzni, oun maras lat, oun kras o rhapaske. Palle las lo i baro gono yarro oun kras lestar mare, an kolende kek shoutlo yarro his. Oun o mass čivas lo an i kashteno čaro. Oun i soummi, an kolate o mass keras, čivas lo an i piri. Oun yaake anas lo les vin pash leste tel ko baro rouk, oun čivas les leske glan.

1. Samuel 28:24

Oun koy djouvyat his i terni thoulli groumni; kolat maras li sik, te krell li lenge i rhapen. Palle las li yarro oun kras lestar maro, kay kek shoutlo yarro dren his, oun pekas les.