1. Mose 19:24 - O Debleskro Lab 2024 (Sinte-Manouche)

²⁴ Koy moukas o baro Devel yag oun yagakri khand pral i forya Sodom oun Gomorra te perell dran o bolepen.

O Debleskro Drom 2021 (Sinte)

²⁴ Koi mukas o baro Dewel jag un jagakri khand pral i forja Sodom un Gomorra te perell dran o bolepen.

1. Mose 19:24 Iomraidhean Croise

1. Mose 13:10

O Lot dikas ap o tselo them pash o pani Yordan. Kova his halauter sapeno. Bis pash o foro Soar his ko them har o baro Debleskri baar oun har o them Egiptia. Kova his glan ko tsiro, kay kol forya Sodom oun Gomorra rhačedo van.

1. Mose 13:12

O Abram djivas an o them Kanaan. Oun o Lot djivas an kol forya pash o pani Yordan, oun čivas peskre plarhtene khera pre bis pash o foro Sodom.

1. Mose 18:17

Koy penas o baro Devel peske: “Penap me o Abrahameske gar, hoy me kamau te krell? Na-a!

1. Mose 19:23

Har o Lot an o foro Soar vas, djas o kham pral i phoub pre.

Hiob 1:16

Ko boudepaskro rakras gomme, koy vas i vavar oun penas ap o Hiob: “Yag dran o bolepen peras tele, oun rhačras i bakre oun i bouzya oun tire boudepangre, kay ap lende yak dan. Oun me nay nashom, me kokres, te penap kova touke.”

Hiob 18:15

An leskro kheer djivenn palle kolla, kay gar lestar venn. Oun ap leskro kheer venn yagakre barra vitsedo.

Debleskri gili 11:6

Mou dell lo i čilačen i phagi: Yag oun yagakri khand moukell lo pral lende te perell, oun i tato dourho phourdell ap lende.

2. Mose 9:23

Kote hadas o Mose peskro kasht pre ap o bolepen. Oun o baro Devel moukas barrengro brishin ap i phoub te perell. Oun o bolepen das bari gole, oun das yag karye pral oun tele ap i phoub. Ko brishin, kay yag pral oun tele karye das, oun brishineskre barra ap i phoub peran, kova his yaake pharo, har gomme gar das, yaake rah har i menshe an o them Egiptia djivenna.

Jesaja 1:9

Te moukals o baro Devel, ko ray pral o bolepen oun i phoub, gar mendar pral, djals menge har i foryenge Sodom oun Gomorra.

Jesaja 13:19

O Babilon his i shoukester foro mank i rayengre themma. Koleha sharenn pen i Kaldearya. O Devel krell kava foro paash, yaake har lo i forya Sodom oun Gomorra paash kras.

Jesaja 30:33

I rah tsiro hi i rhačepaskri platsa kerdo, dour tele djal li oun bourhles hi li. Ninna o baro rayeske hi li kerdo. Yag hi koy oun boud kashta rhačepaske. Oun o dourho o baro Deblestar phourdell zoreles koy pre, oun krell i yag, hoy lauter pre rhačrella.

Jeremia 20:16

Ko dives te vell har kol forya, kay o baro Devel paash kras, oun kolla les gar khaytan. Taysarlake mou shounell lo ropen oun mashkral o diveske o kourepaskri gole.

Jeremia 23:14

Ko djoungelo koova, hoy dikau pash mire rakepangre an Yerusalem, hi gomme bareder: I morsha rhorhenn pengre romyen, oun i djouvya pengre romen; yon rakrenn rhorhepen, oun krenn i čilačen zorelo. Yaake rikrenn le i menshen pale, te moukenn le pengro čilačo drom. Kal rakepangre hi yaake čilačo har i menshe an Sodom oun Gomorra his.

Jeremia 49:18

Yaake har djas i foryenge Sodom oun Gomorra oun kol foryenge troul lende, yaake djal ninna o themeske Edom: Ko them vell yaake paash dino, kay nay djivell bouder kek mensho koy. Oun kek mensho krell pes kote i kheer. Kova penell o baro Devel.

Jeremia 50:40

Yaake har das o Devel i forya Sodom oun Gomorra khetne, ninna kol forya troul lende, yaake djal ninna o themeske Babilonia: Ko them vell yaake paash dino, kay nay djivell bouder kek mensho koy. Kova penell o baro Devel.

Ropaskre gilja 4:6

Koy doosh, hoy mire menshe ap pende anan, hi bareder har koy doosh, hoy anan i menshe an o foro Sodom pral pende. Kolengro foro djas sik tele, oun kek vast vas lenge ap i rig.

Hosea 11:8

Har nay moukaus me toutar, Efrayim, har nay daus tout an o vast kolendar, kay marenn tout, Israel? Kraus me touha, har krom kol foryentsa Adma oun Seboyim? Na-a, kova phagals miro dji! Tou khayteh man yaake!

Amos 4:11

His save forya pash t'mende, kay krom yaake paash, har krom i forya Sodom oun Gomorra paash. Oun t'mer hans har i kotar kasht, hoy vas vin tserdedo dran i yag. Ninna palle van t'mer gar pale pash mande, penell o baro Devel.

Zefanja 2:9

Me, o baro Devel, kay hom o ray pral o bolepen oun i phoub oun o Israeleskro Devel, me dau man sovel pash miro djipen: Ko dives vella, kay djal kol themenge Moab oun Ammon har i foryenge Sodom oun Gomorra. Hako tsireske venn kal themma i moulo them, kay loneskre groube hi, oun divyo zenlepen bares vella. Kolla, kay mire menshendar djido ačan, yon randenn len vin, oun lenn penge ninna lengro them.

Louka 10:12

Me penau t'menge: Ap ko dives, kay o Devel o čačepen pral i tsele menshende ap i phoub vi-rakrella, lenna kol menshe, kay lan t'men gar pre, i bareder phagi har kol menshe an o foro Sodom.”

5. Mose 28:24

Ava, brishin dell gar bouder ap t'mende tele. Na-a, čik oun santa phourdell o baro Devel pral t'maro them, bis te han moulo.

5. Mose 29:22

Yon dikenn: O them hi rhačedo, i phoub pherdo loon oun shvefla. Lauter dikell vin har i forya Sodom oun Gomorra, Adma oun Seboyim, har o baro Debleskri bari rholi ap lende vas oun yon rhačedo van. Kek nay vitsrell djob an i phoub. Či vell bares. Kek zenlepen djal pre.

5. Mose 29:23

Palle penenn i menshe dran i tsele vavar themma: “Hoske kras o baro Devel kava kau themeha? Hoske vas lo yaake rhoyedo?”

2. Petro 2:6

Oun o Debleskri rholi vas pral kol forya Sodom oun Gomorra. Oun yob rhačras kol forya yaake te ačas či har barra oun yagakri čik. Yaake sikras yob kolende, kay pal lende venna, hoy djal kolentsa, kay gar ap leste shounenna.

Judas 1:7

Yaake lan ninna kol menshe i phagi, kay djivan an i forya Sodom oun Gomorra oun an kol forya troul lende. Yon kran vi-ladjedo koova har kol bolepangre oun djan vavar mass palla. I phagi, hoy pral kol menshende vas, sikrell mende, hoy kolenge djal, kay savo koova krenna. Yon djan an i yag, hoy hako tsiro rhačella.

Debleskro tsiro 14:10

Yon hounte piyenn o Debleskri mool. Kay mool hi o Debleskri rholi. Kaya hi yaake zoreli har i mool, kay kek pani dren hi. Kolla, kay mangenn o firhes an, hounte djan an i bari yag. Oun koy yag oun i yagakri khand krenn lenge bare douka. Oun yon dikenn o Debleskre bolepangren oun o terno bakres.