1. Mose 19:2 - O Debleskro Lab 2024 (Sinte-Manouche)

² Oun penas: “Mire raya, avenn an miro kheer! Me mangau t'men, ačenn i rati pash mande! Thovenn t'mare herya! Oun djan taysarlakro t'maro drom!” “Na-a”, penan le, “mer kamah i tseli rati vin te ačell.”

O Debleskro Drom 2021 (Sinte)

² Un penas: “Mire raja, awenn an miro kheer! Me mangau tumen, atchenn i rati pash mande! Thowenn tumare herja! Un djan taissarlakro tumaro drom!” “Na-a”, penan le, “mer kamah i tseli rati win te atchell.”

1. Mose 19:2 Iomraidhean Croise

1. Mose 18:4

T'menge vell pani anlo, te thovenn t'mare herya. Oun beshenn t'men tel ko rouk!

1. Mose 19:1

Har i rati vas, van i douy bolepangre an o foro Sodom. Koy his o Lot an o baro voudar ko forestar beshdo. Har o Lot len dikas, stas lo pre, djas pash lende oun moukas pes glan lende ap i phoub te perell.

1. Mose 19:3

Yob moukas gar tele, te mangell lo len, bis te djan yon leha an leskro kheer. Oun yob kras lenge i rhapen oun pekas lenge maro, kay kek shoutlo yarro dren hi. Oun yon rhan.

1. Mose 24:31

Oun o Laban penas ap leste: “Am kay dren! I zoor oun i barht o baro Deblestar hi ap toute čiddo. Hoske hal tou vin tardo? Me krom touke o kheer djoudjo. Oun i khamelenge hi ninna platsa.”

1. Mose 43:24

Oun ko rom anas len an o Yosefeskro kheer oun das len pani, te thovenn le pengre herya, oun das lengre bouriken te rhal.

2. Samuel 11:8

Oun o David penas ap o Uriya: “Dja tele an tiro kheer, oun thob tire herya!” Oun o baro ray das les čomone peha, hoy leske pal hidjedo vas, har o Uriya dran o baro rayeskro kheer djas.

Hiob 31:32

Kolla, kay ap pengro drom pash miro voudar van, kolenge krom me pre. Kek vi-themari hounte sovas vin ap o drom.

Gosewe laba 25:17

Ma dja hako kopo pash tiro maleste khere. Les nay vals o nak toutar pherdo oun vals rhoyedo ap toute.

Kamlepaskri gili 5:3

Rivom miro ripen vin, hoske te rivap les kanna pale an? Thovom mire pire, hoske te krap len kanna pale čikles?

Louka 7:44

Oun o Yezous rissras pes trouyel, dikas ap koy djouvyate, oun penas ap o Simoneste: “Dik ap koy djouvyate, oun ap kova, hoy yoy mange kras! Me vom an tiro kheer. Oun tou dal man kek pani, te nay thovom mire pire. Lakre sva kran mire pire sapenes, oun yoy khossas len peskre ballentsa.

Johanni 13:5

Pal kova čoras yob o pani an i piri, oun thovas peskre malenge i pire. Oun yob las koy damdira, hoy yob troul peste pandas, oun khossas lengre pire.

Bičepangre 16:15

Oun yoy moukas pes peskre menshentsa te taufrell, oun mangas men zoreles oun penas: “Te patsenn t'mer, kay me ap o rayeste, o Yezouseste patsau, avenn an miro kheer oun ačenn kote!” Oun yoy mangas men o tselo djiyestar, te vas mer an lakro kheer.

Hebrearja 13:2

Te vell yek pash t'mende, ma bistrenn, te lenn les an t'maro kheer! His menshe koy, kay lan bolepangre an pengro kheer, oun djinan les gar.