1. Mose 18:6 - O Debleskro Lab 2024 (Sinte-Manouche)

⁶ Koy nashas o Abraham sik an o plarhteno kheer pash i Sara oun penas: “Le sik triin khore parno yarro oun kre merklia!”

O Debleskro Drom 2021 (Sinte)

⁶ Koi nashas o Abraham sik an o plachteno kheer pash i Sara un penas: “Le sik triin khore parno jarro un kre merklia!”

1. Mose 18:6 Iomraidhean Croise

1. Mose 18:5

Me lau t'menge maro, te venn pale zoreles. Pal kova nashte djan doureder, har t'mer kamenna. Yaake van gar čičeske pash mande.” Oun yon penan: “Kre yaake, har tou penal!”

1. Mose 18:7

Oun yob nashas pash i groumyende, oun rodas peske i lači terni groumni vin. Oun das lat o boudepaskreste, te krell yob sik i lačo rhapen.

1. Mose 19:3

Yob moukas gar tele, te mangell lo len, bis te djan yon leha an leskro kheer. Oun yob kras lenge i rhapen oun pekas lenge maro, kay kek shoutlo yarro dren hi. Oun yon rhan.

2. Samuel 13:6

Yaake čivas pes o Amnon tele, oun kras pes nasselo. Oun o baro ray vas pash leste, te dikell lo pal leste. Oun o Amnon penas ap o baro rayeste: “Mouk miri phenyat Tamar pash mande te vell, te krell li glan mire yaka yek, douy merklia, te lap kova dran lakro vast oun rhap.”

Debleskri gili 119:60

Me tradom man, oun krau sik, hoy tou mandar kameh.

Jesaja 32:8

Ko pralstouno, kay hi an o čačepen tardo, lell peske čačo koova glan. oun moukell gar tele, te krell lo kova ninna.

Mateo 13:33

Oun pale penas o Yezous lenge laba, kay i khatedo čačepen dren hi: Oun yob penas: Kote, kay o Devel i menshen pash peste gole della, te djan le ap leskro drom, hi kova yaake har pash i kotar shoutlo yarro, hoy las i djouvel oun čivas les mashkral an i baro čaro parno yarro. Oun ko tikno kotar shoutlo yarro kras ko tselo yarro shoutlo.

Bičepangre 16:15

Oun yoy moukas pes peskre menshentsa te taufrell, oun mangas men zoreles oun penas: “Te patsenn t'mer, kay me ap o rayeste, o Yezouseste patsau, avenn an miro kheer oun ačenn kote!” Oun yoy mangas men o tselo djiyestar, te vas mer an lakro kheer.

Remarja 12:13

Denn kol čorvele patslende, hoy len hounte vell djipaske! Kolla, kay pash t'mende venna, kolen lenn an t'mare khera dren, oun denn len te rhal oun te piyell!

Galatarja 5:13

Mire phrala, o Devel das t'men gole, te djivenn i djipen, kay han bouder gar pandlo ap čomone. Kal labentsa penau gar, te krenn t'mer nay, hoy kamenna, oun djivenn nay t'maro phouro djipen. Na-a, avenn yek o vavareske koy! Krenn kova dran o kamlepen!

Hebrearja 13:2

Te vell yek pash t'mende, ma bistrenn, te lenn les an t'maro kheer! His menshe koy, kay lan bolepangre an pengro kheer, oun djinan les gar.

1. Petro 4:9

Lenn yek o vavares kamles an peskro kheer! Oun rhoyrenn t'men gar pral koy boudi, hoy t'men hi!

Čačepangre 6:19

Kote djas o Gideon koy, oun las i terni bouzni, oun maras lat, oun kras o rhapaske. Palle las lo i baro gono yarro oun kras lestar mare, an kolende kek shoutlo yarro his. Oun o mass čivas lo an i kashteno čaro. Oun i soummi, an kolate o mass keras, čivas lo an i piri. Oun yaake anas lo les vin pash leste tel ko baro rouk, oun čivas les leske glan.

1. Samuel 28:24

Oun koy djouvyat his i terni thoulli groumni; kolat maras li sik, te krell li lenge i rhapen. Palle las li yarro oun kras lestar maro, kay kek shoutlo yarro dren his, oun pekas les.