1. Mose 18:23 - O Debleskro Lab 2024 (Sinte-Manouche)

²³ Oun o Abraham djas pash leste oun penas: “Kameh tou čačepah lauteren temerl dell, kolen, kay kek čilačepen kran – khetne kolentsa, kay čilačo hi?

O Debleskro Drom 2021 (Sinte)

²³ Un o Abraham djas pash leste un penas: “Kameh tu tchatchepah lauteren temerl dell, kolen, kai kek tchilatchepen kran – khetne kolentsa, kai tchilatcho hi?

1. Mose 18:23 Iomraidhean Croise

1. Mose 18:24

Te hi an ko foro 50 (paash-sheel) menshe, kay krenn, hoy mishto oun čačo hi, kameh tou kolen ninna te marell? Te hatseh kote 50 (paash-sheel) menshen, kay kek čilačepen kran, de o fores kek phagi!

1. Mose 18:25

Ko nashte kreh tou gar, te dess kolen temerl, kay kek čilačepen kran – khetne kolentsa, kay čilačo hi. Yaake te djal koleske, kay an o čačepen tardo hi, har koleske, kay čilačo hi. Tou hal o čačepaskro ray pral i tseli phoub. Kameh tou čomone te krell, hoy gar mishto oun čačo hi?”

1. Mose 20:4

O Abimelek tapras lat gar an oun penas: “Miro ray, kameh tou čačepah kolen te marell, kay kek čilačepen kran?

2. Samuel 24:17

Har o David kol bolepaskres dikas, kay marell kol menshen, penas yob ap o baro Debleste: “Shoun, kova hom me, kay anom doosh ap mande. Me krom i čilačo koova. Kol menshe kate kran kek čilačo koova. Yon hi har bakre, ap kolende kek doosh hi. Mangau tout, mouk koy phagi ap mande oun miro dadeskro kheer te vell!”

Hiob 34:17

Nay vals o Devel o ray pral i phoub, te stakrals lo peskre pirentsa ap o čačepen? Kameh doosh ap o zorelo Debleste te anell, kay hako tsiro an o čačepen tardo hi?

Hiob 8:3

Patseh čačepah, te krell o zorelo Devel gar, hoy mishto oun čačo hi? Patseh, te rissrell lo peskre čačepaskre laba trouyel?

Debleskri gili 73:28

Mange hi mishto, te rikrap man ap miro Debleste. Te vap pash toute, miro ray, baro Devel, kova hi miri barht, te rakrap halauterestar, hoy tou kral.

2. Mose 23:7

Ma shoun ap kolende, hoy anenn rhorhepen pre ap i vavareste! Ma pen, te vell kova temerl dino, kay kek čilačo koova kras oun kay an o čačepen tardo hi. Miri phagi vell ap koleste, kay savo čilačo koova krella.

Jeremia 30:21

Oun lengro ray vell dran lende. Ava, lengro pralstouno hi yek lendar. Me moukau les glan mande te vell. Kek nay vell glan mande oun ačell djido, te moukau les gar. Kova penell o baro Devel.

4. Mose 16:22

Kol douy moukan pen ap pengro mouy te perell, oun penan: “Ah Devel, tou hal o Devel, kay das hakenes o djipen! Te kras yek morsh i čilačo koova, kameh tou doleske tiri rholi pral i tsele menshende te čivell?”

Hebrearja 10:22

Leskro rat thovas mari doosh mendar, oun kras mare djia djoudjo. Oun mer vam an o djoudjo pani tele thodo. Doleske djas kanna o lačo oun čačo djiyeha glan o Debleste an i zorelo patsepen!

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.

Jakobo 5:17

O Eliya his i mensho har mer. Yob mangas o Deblestar, te dell kek brishin. Oun koy das kek brishin ap i phoub triin bersha oun shob čon.