1. Mose 17:19 - O Debleskro Lab 2024 (Sinte-Manouche)

¹⁹ “Na-a”, penas o Devel, “tiri romni, i Sara, anell touke i čaves ap i phoub. Koles dess tou o lab Isaak. Koleske oun leskre čavenge ačell kova, hoy me touha vin krom hako tsireske.

O Debleskro Drom 2021 (Sinte)

¹⁹ “Na-a”, penas o Dewel, “tiri romni, i Sara, anell tuke i tchawes ap i phub. Koles dess tu o lab Isaak. Koleske un leskre tchawenge atchell kowa, hoi me tuha win krom hako tsireske.

1. Mose 17:19 Iomraidhean Croise

1. Mose 16:11

Tou hal an vavar koova. Tou leh i morsh čavo. Koles dess tou o lab Ismael. O baro Devel shounas, har dal gole i bibarhtyatar.

1. Mose 17:16

Oun me čivau miri zoor oun miri barht ap late. Oun ninna latar dau tout i čaves. Ava, me čivau miri zoor ap late. Yoy vell i day boud menshendar. Latar venna yaake boud menshe, kay lendar natsyone venna. Ninna bare raya pral boud menshende venna latar.”

1. Mose 17:18

Oun o Abraham penas ap o Debleste: “Ah, mouk kova, hoy tou mange penal, ap o Ismael te vell!”

1. Mose 17:21

Kokres ko koova, hoy me touha vin krom, te vap t'maro Devel oun te venn t'mer mire menshe, kova djal doureder ap o Isaak. Koles leh tou tiri romyatar Sara ko vavar bersh an kava tsiro.”

1. Mose 17:7

Kova, hoy me touha vin krau, ačell hako tsiro mange oun touke, tire čavenge, kolengre čavenge oun lauterenge, kay pal toute venna. Me hom tiro Devel oun ko Devel tire čavendar, kay pal toute venna.

1. Mose 21:6

Oun i Sara penas: “O Devel das man i sapen. Hakeno, kay shounella, hoy mange djas, sal mantsa.

1. Mose 26:2

Koy moukas pes o baro Devel o Isaakestar te dikell oun penas ap leste: “Ma dja tele an o them Egiptia! Djib an ko them, kay me touke penau.

1. Mose 26:3

Ač i tsiro an kava them. Me hom pash toute, te čivap miri zoor oun miri barht ap toute. Kalla tsele themma dau me tout oun tire čaven, kay pal toute venna. Me rikrau miro lab, hoy dom tiro dadeste Abraham, oun kay dom miro vast koy pre.

1. Mose 9:16

Te hi miro brishineskro bogo an o bolepen tardo, dikau les, oun ko lab, hoy dom, vell an miro shero. Ko lab ačell tardo hako tsiro mange oun hakeneske, kay djivella ap i phoub.”

Louka 1:55

yaake har penas lo mare phourenge, o Abrahameske oun leskre čavenge, te vell lo lenge lačo hako tsireske.”

Hebrearja 11:11

Ninna o Abrahameskri romni, i Sara, patsas, te nay kras o Devel kova, hoy yob lenge penas. An lakro tselo djipen nay las li kek ternepen. Oun kanna, kay his li phouri, penas o Devel, te lell li i čaves. Yoy patsas les, oun las i zoor, te lell li i čaves.