1. Mose 17:12 - O Debleskro Lab 2024 (Sinte-Manouche)

¹² Hako morsh čavo pash t'mende hounte vell činlo, te hi yob orhta divessa phouro. Krenn kova ninna i tsele morsh čaventsa, kay pal t'mende venna! Činenn ninna i morsh čaven t'mare boudepangrendar: kolla, kay pash t'mende boldo van, oun kolla, kay ginan vavarendar, kay gar t'mare menshendar hi.

O Debleskro Drom 2021 (Sinte)

¹² Hako mursh tchawo pash tumende hunte well tchinlo, te hi job ochta diwessa phuro. Krenn kowa ninna i tsele mursh tchawentsa, kai pal tumende wenna! Tchinenn ninna i mursh tchawen tumare budepangrendar: kolla, kai pash tumende boldo wan, un kolla, kai ginan wawarendar, kai gar tumare menshendar hi.

1. Mose 17:12 Iomraidhean Croise

1. Mose 17:23

Oun o Abraham las peskro čaves Ismael oun kol morshen, kay pash leste boldo van oun kolen, kay yob i vavarendar ginas. Oun činas len ap lengro mass. Ap kava dives činas yob i tsele morshen an peskro kheer, yaake har o Devel leske penas.

1. Mose 21:4

Ap o orhtato dives činas yob peskro čaves Isaak, yaake har o Devel leske penas.

2. Mose 12:44

Hako ginlo boudepaskro vell činlo ap peskro mass. Palle nay rhal lo ko Passa.

2. Mose 22:30

T'mer han mire vi-rodede menshe. Doleske ma rhan o mass kol firhendar, hoy van moulo dandedo divye firhendar. Denn ko moulo firhes t'mare djouklen!

3. Mose 12:3

Ap o orhtato dives vell ko ternepen ap leskro mass činlo.

Louka 1:59

Pal orhta divessa van le, te činenn le o ternepen ap o mass. Oun yon kaman les ko lab Zakari te dell, yaake har leskro dad kharella.

Louka 2:21

Har orhta divessa trouyel his, oun o ternepen ap o mass činlo vas, dan le les o lab Yezous. Kava lab penas o bolepaskro i Mariake, har yoy gomme gar an vavar koova his.

Bičepangre 7:8

Oun o Devel das o Abrahameste peskro lab, te hi lo leskro Devel oun o Devel lauterenge, kay pal leste venna. Oun yob penas o Abrahameske, te moukell yob pes ap peskro mass te činell. Ninna i tsele morsh čave, kay pal leste venna, hounte van činlo ap pengro mass. Oun o Abraham las i čaves, o Isaak. Oun o Abraham činas les ap o mass, har yob efta divessa phouro his. Oun o Isaak činas o Yakobes, oun o Yakob peskre deesh-te-douy čaven. Kolla hi mare phoure dada, kolendar mer vam.

Remarja 2:28

I čačo biboldo hi gar kova, kay hi činlo ap peskro mass.

Filiparja 3:5

Me vom ap miro mass činlo, har homs orhta divessa phouro. Me hom i Israelitari. Mire menshe hi Benyaminarya. Me hom i Hebreari. Oun miro dad oun miri day hi ninna Hebrearya. Oun me homs i Farisari, oun djivom pal o Moseskre lila.