1. Mose 17:10 - O Debleskro Lab 2024 (Sinte-Manouche)

¹⁰ Kava hounte krenn t'mer, tou oun tire čave, kay pal toute venna: Činenn hake morshen pash t'mende ap lengro mass.

O Debleskro Drom 2021 (Sinte)

¹⁰ Kawa hunte krenn tumer, tu un tire tchawe, kai pal tute wenna: Tchinenn hake murshen pash tumende ap lengro mass.

1. Mose 17:10 Iomraidhean Croise

1. Mose 17:11

Kova hi o sikepen, kay han mire menshe.

1. Mose 17:23

Oun o Abraham las peskro čaves Ismael oun kol morshen, kay pash leste boldo van oun kolen, kay yob i vavarendar ginas. Oun činas len ap lengro mass. Ap kava dives činas yob i tsele morshen an peskro kheer, yaake har o Devel leske penas.

1. Mose 17:27

Oun i tsele morsha an leskro kheer, kay pash leste boldo van, ninna kolla, kay i vavarendar ginlo van, van lentsa činlo.

1. Mose 21:4

Ap o orhtato dives činas yob peskro čaves Isaak, yaake har o Devel leske penas.

1. Mose 34:15

Te venn t'mer har mer, yaake te vell hako morsh pash t'mende činlo, palle krah mer, hoy t'mer kamenna.

1. Mose 34:22

Kova hi, hoy te kras mer: Yon kamenn, te činas mer hako morshes mendar, yaake har yon činlo hi. Te krah kova, kamenn yon ap mende shounell oun ačenn pash mende oun venn yek natsyona mentsa.

2. Mose 12:48

Te djivell i vi-themari pash t'mende, kay kamell o baro Debleske o Passa te rhal, palle hounte vell hako morsh an leskri familya činlo ap peskro mass. Kova te kras lo, palle vell lo, oun nay rhal lo. Oun yob vell har yek t'mendar. Kova, kay gar činlo hi ap peskro mass, kova rhal ko Passa gar.

2. Mose 4:25

Palle las i Sefora sik i čouri, oun činas peskro čaves ap o mass, oun čivas kova, hoy yoy tele činas, ap o Moseskre pire. Oun yoy penas: “Rat ratas, oun tou hounte meress gar. Tiro djipen vas touke neves dino. Yaake val i douyto kopo miro rom.”

Jeremia 4:4

Rikrenn t'men ap i laba, hoy t'mentsa vin krom! Oun krenn t'mare djia mange pre, t'mer menshe an Youda oun Yerusalem. Te krenn kova gar, vell miri rholi pral t'mende har yag, oun rhačella yaake, te nay krell kek koy yag vin.

Johanni 7:22

Te hi t'mare morsh čave orhta divessa phouro, činenn t'mer len ap o mass, ninna ap o Debleskro Dives. O Mose penas t'menge, te krenn kova. Oun o Mose his gar kokres, kay penas t'menge kova. Ninna t'mare phoure, kay djivan glan leste, penan kova oun rikran pen koy pre.

Bičepangre 7:8

Oun o Devel das o Abrahameste peskro lab, te hi lo leskro Devel oun o Devel lauterenge, kay pal leste venna. Oun yob penas o Abrahameske, te moukell yob pes ap peskro mass te činell. Ninna i tsele morsh čave, kay pal leste venna, hounte van činlo ap pengro mass. Oun o Abraham las i čaves, o Isaak. Oun o Abraham činas les ap o mass, har yob efta divessa phouro his. Oun o Isaak činas o Yakobes, oun o Yakob peskre deesh-te-douy čaven. Kolla hi mare phoure dada, kolendar mer vam.

Remarja 2:28

I čačo biboldo hi gar kova, kay hi činlo ap peskro mass.

Remarja 3:25

O Devel bičras les, te merell lo ap o troushel kolenge, kay ap leste patsenna. Leskro rateha, hoy yob ap o troushel ratas, thovas o Devel mari doosh mendar krik. Yaake dikah, o Devel hi lačo oun čačo oun lell i menshendar lengri doosh krik.

Remarja 3:28

Yaake djinah, o mensho vell čačo glan o Debleste, te patsell lo ap o Yezous Kristeste, oun gar, te djivell lo pal kol laba, hoy penenn, har te djivas mer.

Remarja 3:30

Yob hi ko yek Devel. Kova krell kolen čačo, kay ap o Yezous Kristeste patsenna: i bibolden har kolen, kay kek bibolde hi.

Galatarja 3:28

Yaake djivah lauter o Yezouseha khetne. Kanna hi yek, koon t'mer han: bibolde oun kolla, kay kek bibolde hi, boudepangre oun raya, morsha oun djouvya. An o Yezous Kristeste hi yek har o vavar.

Galatarja 6:12

Kol morsha, kay kamenn zoryah, te moukenn t'men ap o mass te činell, kolla kamenn kol vavarende te sikrell, har lačo yon hi. Kova krenn le, te venn le gar palla lino. Te penans yon, kay o Yezous Kristeskro merepen ap o troushel kokres kova hi, hoy čivell men an o čačepen glan o Debleste, vans yon palla lino.

Efesarja 2:11

Ma bistrenn, koon t'mer hans, har boldo van! T'mer hans kek bibolde. Oun i bibolde penan Bi-činle ap t'mende. I bibolde van ap pengro mass činlo, oun kova han t'mer gar.

5. Mose 10:16

Doleske shounenn kanna ap o baro Debleste, oun djan gar bouder pal t'maro shero!

5. Mose 30:6

T'maro baro Devel dell t'men djia, hoy shounenn oun krenn, hoy lo t'mendar kamell. T'men oun kolen, kay t'mendar venna, dell lo save djia, yaake te kamenn t'mer t'maro baro Debles o tselo djiyestar oun t'mari tseli zoryah. Oun t'mer ačenn djido.

Filiparja 3:3

Mer, kay ap o Yezous Kristeste patsah, ham čačepah o Debleskre menshe. Ap mende hi o Debleskro Dourho. Yaake nay krah o Debleskri boudi. Mer ham barhtelo pral kova, hoy o Yezous Kristo menge kras oun hounte rikras kek koova, hoy vella i menshendar. Mer djinah, savo koova nay anell men gar pash o Debleste.

Josua 5:2

An ko tsiro penas o baro Devel ap o Yosua: “Kre touke barrengre čourya, oun čin kol morsh Israelitarya ap pengro mass, kay gomme gar činlo hi!”

Josua 5:4

Har djan i Israelitarya dran o them Egiptia vin, his i tsele morsha činlo ap pengro mass. Kolla, kay an o moulo tato them bolde van, his gomme gar činle ap pengro mass. Doleske činas o Yosua len kanna ap lengro mass. An kol star-deesh bersha har djan le an o moulo tato them trouyel, meran i tsele morsha, kay phouro doha his, te djan le an o kourepen. Yon shounan gar ap kova, hoy o baro Devel penas. Doleske hounte meran le yaake, har o baro Devel pes sovel das, te moukell lo len ko them gar te dikell, kolestar yob lengre phourenge penas oun peskro vast pre das, te dell lo len i them, kay boud thoud oun gvin hi.