1. Mose 16:2 - O Debleskro Lab 2024 (Sinte-Manouche)

² Oun i Saray penas ap o Abrameste: “Tou dikeh, o baro Devel das man kek čave. Le miri boudepaskretsa, oun dja lah khetne! Yaake nay vell man latar i čavo.” Oun o Abram shounas ap peskri romyate.

O Debleskro Drom 2021 (Sinte)

² Un i Sarai penas ap o Abrameste: “Tu dikeh, o baro Dewel das man kek tchawe. Le miri budepaskretsa, un dja lah khetne! Jaake nai well man latar i tchawo.” Un o Abram shunas ap peskri romjate.

1. Mose 16:2 Iomraidhean Croise

1. Mose 11:30

I Saray nashte las kek čave.

1. Mose 17:16

Oun me čivau miri zoor oun miri barht ap late. Oun ninna latar dau tout i čaves. Ava, me čivau miri zoor ap late. Yoy vell i day boud menshendar. Latar venna yaake boud menshe, kay lendar natsyone venna. Ninna bare raya pral boud menshende venna latar.”

1. Mose 18:10

Koy penas yek kol trinendar ap leste: “Čačepah, vavar bersh an kava tsiro vau me pale pash toute. Koy hi tiri romyat, i Sara, i čavo.” Oun i Sara his tardo pal leste, pal o voudar ko plarhteno kherestar, oun shounas lengro rakepen.

1. Mose 19:31

His i dives, koy penas koy phoureder čay ap koy terneder čate: “Maro dad hi phouro. Oun kek morsha hi bouder an kava them, te romedinerenn men, yaake har i tsele menshe krenna.

1. Mose 25:21

Yoy nay las kek čave. Oun o Isaak mangas o baro Deblestar peskri romyake. Oun o baro Devel shounas ap o Isaak. Oun i Rebekka, leskri romni, vas an vavar koova.

1. Mose 3:12

Penas o rom: “Koy romni, kay tou man dal, koya das man ko roukestar. Oun me rhom.”

1. Mose 3:17

Oun ap o romeste penas o Devel: “Tou shounal ap tiri romyate oun rhal ko roukestar, kay penom touke: Ma rha kolestar. Doleske vell bibarht ap i harhetikri phoub. Tou boudress phares ap i phoub, te vell tout rhapaske, yaake rah har djiveh.

1. Mose 30:22

Oun o Devel bistras i Rachel gar. Yob shounas ap late oun kras, te vell yoy day.

1. Mose 30:6

Koy penas i Rachel: “O Devel das man miro čačepen. Yob shounas ap miri gole oun das man i čavo.” Dran kova das les li o lab Dan.

Debleskri gili 127:3

T'mare čaven das o baro Devel t'mende. Hi i kouč koova, te nay lell yek čave.

2. Mose 21:4

Te das les peskro ray i romyat, oun les hi ninna čave lah, ačell i romni oun i čave pash leskro rayeste. Yob hounte djal peske kokres.

Ruth 4:11

Oun i tsele morsha oun phoureder, kay pash o foreskro voudar his, penan: “Mer dikam kova oun djinah, yaake hi kova. O baro Devel krell, te vell koy djouvel, kay an tiro kheer veh, har i Rachel oun har i Lea. Kol douy djouvyendar vas o tselo kheer Israel. Oun tou vess bravelo mank tire menshende Efrat, oun tiro lab vell sharedo an o foro Betlehem!