1. Mose 15:3 - O Debleskro Lab 2024 (Sinte-Manouche)

³ Man dal tou kek čaven. Oun miro pralstouno boudepaskro lell pal mande halauter, hoy miro hi.”

O Debleskro Drom 2021 (Sinte)

³ Man dal tu kek tchawen. Un miro pralstuno budepaskro lell pal mande halauter, hoi miro hi.”

1. Mose 15:3 Iomraidhean Croise

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 13:16

Oun me dau tout boud čaven, kay pal toute venna, – yaake boud har i čik ap i phoub. Kek mensho nay djinell, har boud čik ap i phoub hi. Yaake djinell nay kek, kitse menshe toutar venna.

1. Mose 14:14

Har o Abram shounas, kay leskro phraleskro čavo pandlo oun krik anlo vas, kharas yob peskre morshen. Les his 318 (triin-sheel-deesh-te-orhta) čače morsha, kay pash leste boldo van. Kolentsa tradas yob i star bare rayen oun lengre lourden bis pash ko foro Dan.

1. Mose 15:2

Koy penas o Abram: “Miro ray, baro Devel, hoy kameh man te dell? Man hi kek čave. Me te merau, lell halauter, hoy man hi, o Eliyeser, ko vell dran o foro Damaskus.

Gosewe laba 13:12

Te dikell yek i rah tsiro ap čomone, oun kova vell gar, vell leskro dji pharo. Te vell kova, ap hoy yek yaake rah dikas, palle djivell leskro dji pale pre.

Gosewe laba 29:21

Te deh tou tiro boudepaskres lauter, hoy kamell lo, foun tiknes pre, palle vell ko dives, kay shounell lo bouder gar ap toute.

Gosewe laba 30:23

tel i čilači djouvel, kay vell romedino. Oun tel i boudepaskretsa, kay las koy platsa peskri rayetsa dren.

Sikepaskro 2:7

Me ginom mange boudepangren, morshen oun djouvyen. Oun man his ninna boudepangre, kay van boldo an miro kheer. Man his boudeder groumya oun bakre har halauter, kay glan mande i bare raya an o foro Yerusalem his.

Jeremia 12:1

Baro Devel, kamoms gar te penap, kay tou doosh ap toute anal. Djinau, tou hal an tiro čačepen. Ninna te hi yaake, kamau te poučap toutar, har nay hayvap tiro čačepen. Hoske djal kolenge mishto, kay djivenn i čilačo djipen? Hoske hi kolen, kay toutar krik djan, halauter, hoy len hounte vell?