1. Mose 15:17 - O Debleskro Lab 2024 (Sinte-Manouche)

¹⁷ Oun har o kham tele djas oun rati vas, dikas o Abram i bob, dran koleste i yagakro dourho pre djas. Oun yag djas mank kol kotya mass.

O Debleskro Drom 2021 (Sinte)

¹⁷ Un har o kham tele djas un rati was, dikas o Abram i bob, dran koleste i jagakro ducho pre djas. Un jag djas mank kol kotja mass.

1. Mose 15:17 Iomraidhean Croise

1. Mose 15:10

Oun yob anas leske kol tsele firhen oun činas len mashkral khetne. Oun čivas yek kotar ap kay rig, ko vavar kotar ap koy rig. Kokres i čirkle činas yob gar an kotya.

2. Samuel 22:9

Yagakro dourho djas dran leskro nak pre, baro tatepen vas dran leskro mouy vin, ninna yag das karye lestar vin.

1. Rajengro liil 18:38

Kote peras yag o baro Deblestar tele, oun rhas ko mass oun ko kasht oun kol barra oun koy phoub, oun ninna o tselo pani, hoy troul i rhačepaskri his.

1. Familjakro liil 21:26

Oun o David kras koy o baro Debleske i rhačepaskri, oun anas firhen leske, saven kay van tseles rhačedo oun saven, kay rhan le khetne glan o baro Debleste. Oun har yob o baro Debles an-kharas, moukas yob yag dran o bolepen te perell ap i rhačepaskri, kay kol moule firhe čiddo hi.

2. Mose 19:18

Oun troul koy tseli berga Sinay his yagakro dourho, har vas o baro Devel an i yag tele ap i berga. Oun i yagakro dourho djas pre dran i berga yaake har dran i baro bob. Oun koy tseli berga trissas zoreles.

2. Mose 20:18

Oun i tsele Israelitarya shounan, har o bolepen gole das, oun dikan, har yag dran o bolepen tele karye das. Ninna shounan le, har yek ap i phourdepaskri phourdas, oun dikan i yagakro dourho. Oun har yon kava shounan oun dikan, nashan le penge oun ačan i kotar doureder tardo oun trissan i daryatar.

Jesaja 62:1

Te dikau tout, Yerusalem, nay rikrau gar miro mouy, dran o kamlepen ap toute dau gar pre, bis te lell o foro peskro čačepen, oun leskri barht pre djal har o kham oun diklo vell har i yag an i rati.

Jeremia 11:4

Har me t'mare phouren dran o them Egiptia lom, har dran i sasterno yagakro bob, krom me lentsa vin, te shounenn le ap mande, oun krenn har lenge penom, palle hi yon mire menshe, oun me hom lengro Devel.

5. Mose 4:20

T'men las o baro Devel dran o them Egiptia vin, har dran i sasterno yagakro bob, yaake boud douka hounte lan kote ap t'mende. T'men las lo koy vin, te venn t'mer leskre menshe, kay kokres leske koy hi, yaake har kova ap kava dives kate ninna hi.

Čačepangre 13:20

Oun har i yag ap o bar pre djas an o bolepen, koy djas o baro Debleskro bolepaskro ninna pre an koy yag. Oun o Manoa oun leskri romni dikan kova, oun vitsran pen ap i phoub ap pengro mouy.

Čačepangre 6:21

Palle hadas ko bolepaskro peskro kasht, hoy an leskro vast his, oun tapras ko mass oun kol mare an. Kote vas yag dran ko baro bar vin, oun rhačras ko mass oun ko maro pre. Oun ap yek kopo his o baro Debleskro bolepaskro bouder gar koy.