1. Mose 15:1 - O Debleskro Lab 2024 (Sinte-Manouche)

¹ Koy pal moukas o baro Devel o Abrames leskri gole te shounell oun penas ap leste: “Ma traash, Abram! Me rikrau mire vasta pral toute. Oun me hom touke i baro bravlepen.”

O Debleskro Drom 2021 (Sinte)

¹ Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

1. Mose 15:1 Iomraidhean Croise

1. Mose 15:2

Koy penas o Abram: “Miro ray, baro Devel, hoy kameh man te dell? Man hi kek čave. Me te merau, lell halauter, hoy man hi, o Eliyeser, ko vell dran o foro Damaskus.

1. Mose 15:4

Koy penas o baro Devel ap o Abrameste: “Na-a, kova lell gar, hoy tiro hi. Tou veh dad i čavestar. Oun tiro čavo lell halauter, hoy tiro hi.”

1. Mose 21:17

Oun o Devel shounas ko čaveskri gole. Oun o Debleskro bolepaskro das i Hagar gole dran o bolepen oun penas ap late: “Hoy hi tout, Hagar? Ma traash! O Devel shounas ko čaveskri gole, kote kay yob čiddo hi.

1. Mose 22:1

Pal kava koova kamas o Devel te dikell, te shounell o Abraham ap leste o tselo djiyeha, oun penas ap leste: “Abraham!” Oun yob penas: “Kate hom.”

1. Mose 22:20

Pal kova vas o Abrahameske penlo: “I Milka, koy romni tiro phralestar Nahor, anas leske ninna morsh čaven ap i phoub:

1. Mose 26:24

An koy rati moukas pes o baro Devel lestar te dikell oun penas: “Me hom o Devel tiro dadestar Abraham. Ma traash! Me hom touha. Me čivau miri zoor oun miri barht ap toute. Tire čave, kay pal toute venna, venna boud oun boudeder. Yaake dom miro lab o Abrahameste, kay mange koy his.”

1. Mose 31:7

T'maro dad rhorhras man: Deesh kope kras lo miro playsepen vavarčandes. O Devel moukas les gar te krell lo mange čilačepen.

2. Samuel 22:3

Miro Devel, tou hal kova, pash koleste nay vau oun man khatrau. Tire vasta rikreh tou pral mande. Tou hal ko zorelo ap miri rig, oun hal mange har i zorelo kheer pral ap i berga. Tou kreh miro djipen sasto, oun kreh, te doukrell man kek.

2. Rajengro liil 1:15

Koy penas o baro Debleskro bolepaskro ap o Eliya: “Dja leha tele, oun ma traash!” Oun yob djas leha tele pash o baro rayeste,

1. Familjakro liil 28:20

Oun o David penas ap peskro čaveste, o Salomo: “Ab zorelo, ma traash oun kre tout ap i boudi! Ma dare či oun ma traash kekestar! O baro Devel, maro ray, kay miro Devel hi, hi pash toute oun vell touke ap i rig. Oun yob moukell tout gar, bis te tou kay tseli boudi ap o baro Debleskro kheer kral.

Debleskri gili 115:10

T'mer rashaya dran o kheer Aron, rikrenn t'men ap o baro Debleste! Yob vell ap t'mari rig, oun rikrell peskre vasta pral t'mende.

Debleskri gili 119:114

Tou hal kova, pash koleste man khatrau, oun koon peskre vasta pral mande rikrella. Doleske dikau ap tiro lab, hoy tou man dal.

Debleskri gili 142:5

Dik tout trouyel: Kek kamell mandar čomone te djinell. Me nashte nashau gar mange. Kek poučell pal mande.

Debleskri gili 18:2

Oun yob penas: Baro Devel, miro tselo djiyestar kamau tout. Tou kreh man zoreles.

Debleskri gili 27:1

I gili o Davidestar. O baro Devel hi mange i momeli, oun yob hi kova, hoy man vin lella dran i vasta čilače menshendar. Kekestar hounte darap man. O baro Devel rikrell man an o djipen. Kekestar hounte trashap me.

Debleskri gili 3:3

Boud penenn mandar: “O Devel hi gar ap leskri rig.”

Debleskri gili 3:4

Tou, baro Devel, rike tiro vast pral mande! Tou hal kova, kay miro shero pale hadell, te hounte ladjap man gar.

Debleskri gili 5:12

Barhtele venn kolla, kay khatrenn pen pash toute! Kolla denn gole i barhtyatar o tselo tsiro. Tou rikreh tiro vast pral lende. Doleske sanenn oun givenn le – kolla, kay tiro lab kamenna.

Debleskri gili 58:11

O dji kolendar vell barhtelo, kay hi an o čačepen tardo, te dikenn le, kay lenn i čilače pengri phagi. An kolengro rat thovenn le pengre pire.

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

Debleskri gili 84:9

Tou baro Devel oun ray pral o bolepen oun i phoub, shoun miro mangepen! Mouk les glan toute te vell, tou o Yakobeskro Devel!

Debleskri gili 91:4

Har i karhni peskre ternen tel leskre moussya khatrell, yaake khatrell o Devel tout tel leskre zorele moussya. Kote nay djal touke či. Yob rikrell tout yaake har lo penas. Doleske nay vell kek čilačepen ap toute.

2. Mose 14:13

O Mose penas ap i tsele menshende: “Ma darenn! Ačenn zoreles! Dikenn har o baro Devel t'men kava dives vin lell dran i vasta kol Egiptarendar! Kal Egiptaryen, kay t'mer kava dives dikenna, kolen dikenn t'mer bouder gar, vitar gar an ko tsiro, hoy vella.

Gosewe laba 11:18

I čilačo mensho lell peske sau koova khetne, hoy leske gar ačell. Koon an o čačepen peskri boudi krell, lell i playsepen, hoy ačell.

Gosewe laba 30:5

O Devel rikrell hako lab, hoy das lo. Yob rikrell peskre vasta pral kolende, kay venn pash leste, te dell lo yak ap lende.

Jesaja 35:4

Penenn ap kolende, kolen i dareno dji hi: Avenn zorelo! Oun ma darenn! Dikenn, kote hi t'maro Devel! Yob vell, te dell lo t'men t'maro čačepen oun i phagi kolende, kay kran t'menge čilačepen. Yob vell oun lell t'men dran lengre vasta vin.

Jesaja 40:10

Dikenn, o baro Devel, maro ray, vell bari zoryah. Oun yob hi o ray pral halauter. Kolen, kay yob vin las dran o pandepen, hi pash leste. Ava, kolen, kay yob peske ginas, djan leske glan vin.

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Jesaja 41:14

Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 43:5

Ma dare! Me hom touha! Me anau kolen, kay toutar hi, khere dran i themma, kay kote hi, kay o kham pre djal, oun kay o kham tele djal.

Jesaja 44:2

Kova hi, hoy me, o baro Devel, touke penau: Me krom tout oun dom tout o djipen har gomme gar boldo hals; me hom ap tiri rig. Ma dare, miro boudepaskro Yakob, tou Israel, koles me mange vin rodom!

Jesaja 44:8

Ma darenn, mire menshe! Ma trashenn! Moukom me kova t'men gar te shounell oun penom les t'menge gar glan i rah tsiro? Oun t'mer shounan oun dikan les. Dell i vavar debles har man kokres? Dell i vavar zorelo debles, koles gar prindjrau?

Jesaja 51:12

Me hom kova, kay lačes t'mentsa rakrella. Oun koon hal tou, te dareh i menshendar, kay merenna, ava, kay tele merenn har o khass?

Jeremia 39:17

Tout kamau an ko tsiro vin te lell dran i bibarht, penell o baro Devel. Oun tou veh kol menshenge gar an o vast dino, glan kolende tout traash hi.

Ropaskre gilja 3:24

Me penau mange: O baro Devel hi halauter, hoy man hounte vell; doleske dikau ap leste.

Ezekiel 1:1

An o 30. (triin-deshto) bersh djivom khetne vavar menshentsa, kay pandles krik anlo van, pash ko lengsto pani, hoy kharell Kebar. An o starto čon ap o pančto dives an ko bersh djas o bolepen pre, oun o baro Devel sikras pes mande.

Ezekiel 11:24

Oun an ko dikepen, hoy dikom, oun hoy vas o Deblestar, hadas man o dourho pre, oun anas man pale pash kolende, kay pandlo krik anlo van an o them Babilonia. Oun ko dikepen, hoy dikom, djas krik.

Ezekiel 3:4

Oun yob penas ap mande: Tou, mensho, ste pre oun dja pash o kheer Israel! Oun pen lenge kol laba, hoy touke penau!

4. Mose 12:6

Oun yob penas: “Shounenn mire laba! Te bičrau me yekes pash t'mende, kay penell t'menge mire laba, sikrau leste čomone an i dikepen oun rakrau leha an sounya.

4. Mose 18:20

Oun o baro Devel penas ap o Aroneste: Ap ko tsiro, kay venn i Israelitarya an lengro them, leh tou kek kotar phoub, hoy djal o dadestar ap o čaveste doureder, yaake har kova i vavar Israelitarya lenna. Me hom tiro, oun hom tiro bravlepen.

4. Mose 24:4

Kova penella, kay shounell o Debleskro rakepen. Me dikau, hoy o zorelo Devel mande sikrella. Mire yaka venn pre kerdo, te djau ap i čanga.

Mateo 28:5

Oun o bolepaskro penas ap kol djouvyende: “Ma darenn! Me djinau, te rodenn t'mer o Yezouses, kay ap o troushel dino vas.

Mateo 8:26

Koy penas lo: “Hoske trashenn t'mer? Kay hi t'maro patsepen?” Oun yob stas pre, oun penas ap ko zorelo dourho, hoy phourdas pral o pani: “Ač kanna!” Oun ap o baro pani penas lo: “Mouk tele!” Oun o zorelo dourho phourdas bouder gar, oun o pani his bouder gar divyo.

Louka 1:13

Koy penas o bolepaskro ap leste: “Ma traash, Zakari! O Devel shounas tout, har tou mangal lestar, te vell t'men i ternepen. Tiri romni Elisabet lella i morsh čaves. Oun koles dess tou ko lab Yohanni.

Louka 1:30

Oun o bolepaskro penas ap late: “Ma traash, Maria! O Devel hi touke lačo.

Louka 12:32

Ma darenn! Kate han t'mer gar boud oun gar an-diklo. O Devel, kay hi t'maro dad an o bolepen, kova kamella, te lenn t'mer leskro bravlepen oun raylepen.

Bičepangre 10:22

Penan le: “O Kornelio, ko pralstouno i lourdendar, bičras men. Kova hi i lačo morsh, oun patsell ap o Debleste. I tsele bibolde rakrenn lačes pral leste. I Debleskro bolepaskro penas ap leste, te lell yob tout an peskro kheer, oun te shounell yob, hoy tou leske kameh te penell.”

1. Korintarja 3:22

o Paulo, o Apollo, o Kefas. Oun t'maro hi ninna: kay phoub, o djipen, o merepen, kova, hoy kanna hi, oun kova, hoy vella. Lauter hi t'maro.

5. Mose 18:2

Kek them lenn i Levitarya an Israel har lengre phrala lenna. Kova hoy yon lenna, hi lengri boudi o baro Debleske. Yob kokres dikell ap lende, te hi len lauter, hoy len hounte vell. Yaake penas lo lenge.

5. Mose 31:6

Avenn zoreles oun ma trashenn! Ma darenn či oun trashenn kekestar! T'maro baro Devel hi kova, kay djal t'mentsa. Yob ačell pash t'mende oun moukell t'men gar kokres.

Hebrearja 1:1

An o phouro tsiro rakras o Devel boud kope yaake te yaake ap peskre rakepangre, oun bičras len pash mare phourende, te penenn le lenge leskre laba.

Debleskro tsiro 1:17

Oun har dikom les, perom glan leskre herya khetne, har voms moulo. Oun yob čivas peskro čačo vast ap mande, oun penas: “Ma dare! Mandar vas halauter. Oun lauter vella pale glan mande.

Ruth 2:12

O baro Devel mou dell tout ko lačepen pale, hoy tou lake kral! Yob, o baro Devel, ko Devel pral o Israel, pash koleste tou val, oun tel koleskro vast tout khatral, yob te dell tout i shoukar bravlepen halautereske, hoy kral.”

1. Samuel 15:10

Kote penas o baro Devel ap o Samuel:

1. Samuel 9:9

(An o phouro tsiro penas yek an Israel, te kamas lo čomone o Deblestar te poučell: “Ab, te djas mer pash o dikepaskro!” O dikepaskro kharella kava dives Debleskro rakepaskro.)