1. Mose 14:17 - O Debleskro Lab 2024 (Sinte-Manouche)

¹⁷ Yaake das o Abram o baro rayes Kedor-Laomer oun kol bare rayen, kay pash leste his. Koy pal djas o Abram khere. Ap o drom khere an i tala Shave vas o ray pral o foro Sodom pash leste. Koy tala kharella ninna Rayeskri tala.

O Debleskro Drom 2021 (Sinte)

¹⁷ Jaake das o Abram o baro rajes Kedor-Laomer un kol bare rajen, kai pash leste his. Koi pal djas o Abram khere. Ap o drom khere an i tala Shawe was o rai pral o foro Sodom pash leste. Koi tala kharella ninna Rajeskri tala.

1. Mose 14:17 Iomraidhean Croise

1. Mose 14:1

An ko tsiro his i kourepen. Star bare raya kouran pen panč foryengre rayentsa. Kolla bare raya his: o Amrafel, ko baro ray pral o them Shinar, o Aryok, ko baro ray pral o them Ellasar, o Kedor-Laomer, ko baro ray pral o them Elam, o Tidal, ko baro ray pral o them Goyim.

1. Mose 14:10

An i tala Siddim his boud rhebya an i phoub, kay pherdo teera his. I raya pral i forya Sodom oun Gomorra pengre lourdentsa hounte nashan penge. Oun boud peran an kol rhebya. Oun kol vavar, kay pral ačan, nashan an i berge.

1. Mose 14:5

An o deesh-te-starto bersh vas o baro ray Kedor-Laomer oun kol vavar bare raya, kay leha khetne his. Oun yon kouran pen: kol menshentsa an o foro Asterot-Karnayim – kolla his i Refayarya; kol menshentsa an o foro Ham, – kolla his i Zouzarya; kol menshentsa, kay djivenna an o them, kay o foro Kiryatayim tardo hi, – kolla his i Emarya;

2. Samuel 18:18

Har o Absalom djivas, penas lo: “Man hi kek čavo, kay rikrell miro lab djido, te merell miro lab gar vin.” Doleske čivas lo peske i baro bar pre oun das ko bar peskro lab. Oun yaake kharell ko bar bis kay dives O Absalomeskro bar. Kova hi ap o baro rayeskro them tardo.

Gosewe laba 14:20

Kek kamell o čorveles, vitar gar kova, kay pash leste hi. O braveles hi boud mala.

Gosewe laba 19:4

Bravele menshe hatsenn boud mala. I čorveleskre mala djan penge lestar.

Hebrearja 7:1

O Melkisedek his o baro ray pral o foro Salem, ninna o baro rashay o baro Deblestar. An ko tsiro djas o Abraham an o kourepen, oun maras i bare rayen pengre lourdentsa. Har yob pale vas, djas o Melkisedek pash leste, oun rakras o Debleskri barht pral leste vin.

Čačepangre 11:34

Oun o Yefta vas pale an Mispa pash peskro kheer. Oun kote vas leskri čay vin, oun vas bashepah oun khelepah pash leste. Yoy his lauter, hoy les his. Les his kek vavar čay, vitar kek vavar čavo.

1. Samuel 18:6

Ap ko dives, kay i lourde pale van, oun o David o Filistares moulo das, koy nashan i djouvya vin dran i tsele forya an o them Israel, te venn le pash o baro rayeste Saul. Oun yon givan oun khelan, dan gole i barhtyatar, oun dan ap pengre tikne pauke, oun bashran ap pengre bashepangre.