1. Mose 14:14 - O Debleskro Lab 2024 (Sinte-Manouche)

¹⁴ Har o Abram shounas, kay leskro phraleskro čavo pandlo oun krik anlo vas, kharas yob peskre morshen. Les his 318 (triin-sheel-deesh-te-orhta) čače morsha, kay pash leste boldo van. Kolentsa tradas yob i star bare rayen oun lengre lourden bis pash ko foro Dan.

O Debleskro Drom 2021 (Sinte)

¹⁴ Har o Abram shunas, kai leskro phraleskro tchawo pandlo un krik anlo was, kharas job peskre murshen. Les his 318 (triin-sheel-deesh-te-ochta) tchatche mursha, kai pash leste boldo wan. Kolentsa tradas job i star bare rajen un lengre lurden bis pash ko foro Dan.

1. Mose 14:14 Iomraidhean Croise

1. Mose 12:16

Oun doleske kras o baro ray o Abrameske lačepen. Oun o Abram las bakre, groumya, bourike, khamele oun boudepangre: morsha oun djouvya.

1. Mose 12:5

Yob las peskri romyat Saray peha oun peskro phraleskro čaves Lot. Yob las ninna pengro tselo koova peha, pengre firhen oun pengre boudepangren, kay lengre an o foro Haran van. Oun yon tserdan vin oun van an ko them Kanaan.

1. Mose 13:8

Koy penas o Abram ap o Lot: “Me kamau kek čingepen mank mende, vitar gar mank tire boudepangre oun mire boudepangre. Mer ham phrala.

1. Mose 14:12

O Abrameskro phraleskro čavo Lot, kay djivas an Sodom, koles lan yon ninna peha, oun leskro tselo koova, hoy les his.

1. Mose 14:16

Oun o Abram anas kova pale, hoy čoredo vas, ninna peskro phraleskro čaves, o Lot. Oun leskro koova anas yob pale, ninna i tsele djouvyen oun i tsele menshen.

1. Mose 15:3

Man dal tou kek čaven. Oun miro pralstouno boudepaskro lell pal mande halauter, hoy miro hi.”

1. Mose 17:12

Hako morsh čavo pash t'mende hounte vell činlo, te hi yob orhta divessa phouro. Krenn kova ninna i tsele morsh čaventsa, kay pal t'mende venna! Činenn ninna i morsh čaven t'mare boudepangrendar: kolla, kay pash t'mende boldo van, oun kolla, kay ginan vavarendar, kay gar t'mare menshendar hi.

1. Mose 17:23

Oun o Abraham las peskro čaves Ismael oun kol morshen, kay pash leste boldo van oun kolen, kay yob i vavarendar ginas. Oun činas len ap lengro mass. Ap kava dives činas yob i tsele morshen an peskro kheer, yaake har o Devel leske penas.

1. Mose 17:27

Oun i tsele morsha an leskro kheer, kay pash leste boldo van, ninna kolla, kay i vavarendar ginlo van, van lentsa činlo.

1. Mose 18:19

Me rodom les mange vin, te penell lo peskre čavenge oun kolenge, kay pal leste venna, te rikrenn pen le ap miro drom oun krenn, hoy mishto oun čačo hi, te nay moukap me halauter ap o Abrahameste te vell, hoy me leske penom.”

1. Mose 23:6

“Shoun ap mende, maro ray: Tou hal i Debleskro morsh mashkral mende. Paske tiri mouli romyat an o feteder moulengro kheer, hoy men hi. Hakeno mendar dals tout i kotar them, te paskress tiri romyat koy.”

1. Rajengro liil 15:20

Kote shounas o Ben-Hadad ap o baro rayeste Asa, bičras peskre lourden pengre pralstunentsa, te kourenn le pen i foryentsa an o them Israel. Oun yon lan kol forya Iyon, Dan oun Abel-Bet-Maaka dren, koy pashel o tselo them Génésareth oun o tselo them Naftali.

Debleskri gili 68:12

O baro Devel penas i lab; oun boud djouvya nashan oun penan ko shoukar koova, hoy djas:

Gosewe laba 17:17

I maal sikrell hako tsiro pengro kamlepen. Oun i phraal vell boldo, te vell lo touke ap i rig an phare tsirya.

Sikepaskro 2:7

Me ginom mange boudepangren, morshen oun djouvyen. Oun man his ninna boudepangre, kay van boldo an miro kheer. Man his boudeder groumya oun bakre har halauter, kay glan mande i bare raya an o foro Yerusalem his.

Jeremia 41:12

lan le i tsele morshen pash pende khetne, oun djan koy, te kourenn le pen o Ismaeleha. Yon tapran les pash ko baro pani pash o foro Gibeon.

5. Mose 34:1

Oun o Mose djas dran o telstouno them, kay i Moabarya djivenn, oun djas pre ap i berga Nebo, bis pral pre ap ko pralstouno kotar, hoy kharell Pisga oun hi čiddo ap i vavar rig o forestar Yericho. Oun o baro Devel moukas les kote o tselo them te dikell: o them Gilead oun doureder pre bis pash o them Dan,

1. Johanni 2:18

Čovale, mer djivah an ko tsiro, kay i phoub bouder gar rah ačella. Oun t'mer shounan, kay ko rhorheno vella, kay hadell pes pral o Yezous Kristeste. Shounenn, boud rhorhene hi kanna kay, kay hadenn pen pral o Yezous Kristeste. Ap kova dikah mer, kay i phoub bouder gar rah ačella.

Čačepangre 18:29

Oun yon dan ko fores o lab Dan, yaake har lengro phouro dad kharas, koleskro dad o Israel his. Glan kova kharas ko foro Layish.

Čačepangre 20:1

Oun i tsele morshenge dran Israel his mishto, te venn le khetne glan o baro Debleste an o foro Mispa. Yon van dran o tselo them, hake rigyendar kotar pral, kay i menshe Dan djivenna bis tele pash o foro Beersheba, oun koy pashel dran o tselo them Gilead.

1. Samuel 30:19

Oun či vas krik, kek ternepen oun kek phouro, kek čavo, oun kek čay. Oun kova, hoy yon randan his lauter gomme koy. Oun o David anas lauter pale pale.