1. Mose 13:18 - O Debleskro Lab 2024 (Sinte-Manouche)

¹⁸ Oun o Abram djas peskre plarhtene kherentsa trouyel, oun vas pash o foro Hebron oun ačas tel i bare rouka ko morshestar Mamre. Oun kote kras yob i rhačepaskri o baro Debleske, kay venn firhe leske rhačedo.

O Debleskro Drom 2021 (Sinte)

¹⁸ Un o Abram djas peskre plachtene kherentsa trujel, un was pash o foro Hebron un atchas tel i bare ruka ko murshestar Mamre. Un kote kras job i chatchepaskri o baro Debleske, kai wenn vieche leske chatchedo.

1. Mose 13:18 Iomraidhean Croise

1. Mose 13:4

Kote his koy platsa, kay yob i Debleskri rhačepaskri kras. Oun kote kharas yob pale o baro Debles an.

1. Mose 14:13

Oun yek kolendar, kay peske nashas, vas pash o Abrameste oun penas leske halauter. O Abram his i Hebreari. An ko tsiro djivas o Abram pash i bare rouka ko morshestar Mamre. Kova his i Amorari. Leskre phrala his o Eshkol oun o Aner. Kolla triin kran o Abrameha vin, te rikrenn yon khetne, oun dan pengro dadeskro vast koy pre.

1. Mose 18:1

Oun o baro Devel moukas pes te dikell o Abrahamestar pash kol bare rouka Mamre, har o dives tato his oun o Abraham glan peskro plarhteno kheer beshdo his.

1. Mose 22:9

Yaake van le ap koy platsa, hoy o Devel leske penas. Kote kras o Abraham i rhačepaskri o Debleske, čivas ko kasht koy pre, las peskro čaves, pandas les oun čivas les ap ko kasht pral pre.

1. Mose 23:2

Oun yoy meras an o foro Kiryat-Arba. Kova hi kanna Hebron an o them Kanaan. Oun o Abraham vas pash late, rovas oun das i djiyestar gole pral lakro merepen.

1. Mose 26:25

Oun kote kras o Isaak i rhačepaskri, te venn firhe rhačedo o Debleske, oun mangas o baro Debles an. Oun kote čivas yob peskro plarhteno kheer pre. Oun peskre boudepangre hadan kote i brounna vin.

1. Mose 35:27

Oun o Yakob vas pash peskro dadeste Isaak an Mamre pash o foro Kiryat-Arba. Kova hi kanna Hebron, kay ninna o Abraham oun o Isaak djivan.

1. Mose 37:14

Koy penas o Israel: “Dja koy oun dik, har lenge oun i bakrenge djala. Oun pen les mange!” Yaake bičras yob les dran o telstouno them Hebron. Oun yob vas pash o foro Sichem.

1. Mose 8:20

Oun o Noah kras i rhačepaskri platsa oun las hake firhendar, kay gar pale-čiddo hi oun hake čirklendar, kay gar pale-čiddo hi. Oun das len moulo oun rhačras len ap koy platsa, te parkrell lo pes pash o baro Debleste.

2. Samuel 2:1

Pal kova poučas o David o baro Deblestar: “Djap me an yek kol foryendar an o them Youda, te ačap kote?” Oun o baro Devel penas ap leste: “Dja koy!” Oun o David poučas: “An havo foro?” Penas o Devel: “An Hebron.”

Debleskri gili 16:8

Miro baro Devel hi man hako tsiro glan mire yaka. Yob te hi ap miri čači rig, nay hom me zoreles tardo.

4. Mose 13:22

Oun yon djan an o them Negev, oun van bis pash o foro Hebron. Kote djivas o Ahiman oun o Sheshay oun o Talmay, kolengro dad o Anak his. O foro Hebron vas nevo kerdo efta bersha glan o foro Soan an o them Egiptia.

1. Timoteo 2:8

Yaake kamau me, te mangenn i morsha o Debles an, kote, kay i patsle khetne venna. Kal morsha hounte djivenn pengro djipen yaake, har o Devel kamella. Te hadenn le pengre vasta pre, te mangenn le o Debles an, palle hounte denn le yak, te vell kek rholi oun kek čingepen an lengre djia.

Hebrearja 11:9

Ap ko tsiro djivan vavar menshe an ko them, hoy kamas les o Devel te dell. Oun o Abraham djas kate oun kote an ko them trouyel, oun djivas an plarhtene khera. Ninna leskro čavo, o Isaak, oun koleskro čavo, o Yakob, djivan yaake. Kolenge penas o Devel ninna: T'mende dau ko them.

Josua 14:13

Kote rakras o Yosua o Debleskri barht pral o Kaleb vin, koleskro dad o Yefunne his, oun das les o foro Hebron, te vell lo leskro.

Josua 15:13

Oun o Yosua das o Kalebes peskro foro mashkral dren an o them Youda, yaake har o baro Devel ap o Yosua penas, te krell lo kova. Kava foro kharas Arba, oun kharell kanna Hebron. O Arba his o phouro dad kol menshendar, kay kharenn Anakarya.