1. Mose 13:16 - O Debleskro Lab 2024 (Sinte-Manouche)

¹⁶ Oun me dau tout boud čaven, kay pal toute venna, – yaake boud har i čik ap i phoub. Kek mensho nay djinell, har boud čik ap i phoub hi. Yaake djinell nay kek, kitse menshe toutar venna.

O Debleskro Drom 2021 (Sinte)

¹⁶ Un me dau tut bud tchawen, kai pal tute wenna, – jaake bud har i tchik ap i phub. Kek mensho nai djinell, har bud tchik ap i phub hi. Jaake djinell nai kek, kitse menshe tutar wenna.

1. Mose 13:16 Iomraidhean Croise

1. Mose 15:5

Oun o Devel anas les vin oun penas: “Dik an o bolepen! Oun dik i bolepangre momlia! Nay peneh tou, har boud kolla hi? Yaake boud menshe venna toutar.”

1. Mose 16:10

Palle penas o baro Debleskro bolepaskro ap late: “Me kamau tire čaven, kay pal toute venna, yaake boud te krell, kay nay djinell kek mensho, har boud yon hi.

1. Mose 17:16

Oun me čivau miri zoor oun miri barht ap late. Oun ninna latar dau tout i čaves. Ava, me čivau miri zoor ap late. Yoy vell i day boud menshendar. Latar venna yaake boud menshe, kay lendar natsyone venna. Ninna bare raya pral boud menshende venna latar.”

1. Mose 17:2

Me kamau touha vin te krell, te vap tiro Devel, oun tou oun tire menshe venn mire menshe. Oun me dau tout boud boud čave, kay pal toute venna.”

1. Mose 17:20

Ninna, hoy tou mandar mangal tiro čaveske Ismael, kamau me te krell. Shoun, me čivau miri zoor oun miri barht ap leste. Oun me dau les boud čaven, te venn lestar boud boud menshe. Yob vell o dad deesh-te-douy rayendar oun lestar vell i bari natsyona.

1. Mose 17:6

Me dau tout yaake boud čaven, kay pal toute venna, te venn lendar natsyone. Ninna bare raya venna toutar.

1. Mose 18:18

Me dom les miro lab: Yob vell o dad yaake boud menshendar, te vell lendar i bari oun zoreli natsyona. Oun koy barht, hoy dau leste, djal doureder ap i tsele natsyone, kay ap i phoub hi.

1. Mose 21:13

Ko čavo, koleskri day i boudepaskretsa hi, kova vell ninna o dad yaake boud menshendar, te venn lendar i natsyona. Kova krau doleske, kay yob tiro čavo hi.”

1. Mose 26:4

O Abraham shounas ap mande oun kras kova, hoy me leske penom. Yob rikras pes ap mire laba oun djivas pal miro čačepen. Doleske krau me, te venn tire čave yaake boud har i bolepangre momlia. Oun me dau len kalla tsele themma. Oun koy barht, hoy dau tire čavende, djal doureder ap i tsele natsyone, kay ap i phoub hi.”

1. Mose 28:14

Yon venna yaake boud har i čik, hoy ap i phoub hi. Oun krau lengro them baro oun bourhlo ap hake rigya. Oun koy barht, hoy dau toute oun tire čavende, djal doureder ap i tsele menshende, kay ap i phoub hi.

1. Mose 28:3

O zorelo Devel čivell peskri zoor oun peskri barht ap toute oun dell tout boud čave, te venn toutar boud natsyone!

1. Mose 32:12

De yak ap mande, te krell miro phraal o Esau mange či! Man hi daar lestar, te vell lo oun marell man, ninna i daya pengre čaventsa.

1. Mose 32:13

Tou penal: Čačepah, kamau te vap touke lačo. Kamau te krap tire čaven, kay pal toute venna, yaake boud har i tikne barra pash o baro pani, kolendar kek djinell kitse yon hi.”

1. Mose 35:11

Oun o Devel penas ap leste: “Me hom o zorelo Devel. Me dau tout boud čave. Yaake boud menshe venna toutar, kay lendar yek bari natsyona oun boud vavar natsyone venna. Ninna bare raya hi mank tire menshende.

1. Mose 46:3

Oun o Devel penas: “Me hom o Devel, ko Devel tiro dadestar. Ma traash te djas an o them Egiptia! Koy krau me, te vess o dad i bari natsyona.

1. Rajengro liil 3:8

Oun mange dal tou kol tsele menshen an o vast, kol menshen, kay tou touke vin rodal. Yon hi yaake boud te nay djinell kek, kitse yon hi.

1. Rajengro liil 4:20

An o them Youda oun Israel djivan yaake boud menshe har santa hi pash o baro pani. Oun yon rhan oun piyan oun moukan les penge mishto te djal.

2. Rajengro liil 13:23

Oun o baro Devel his lačo ap i Israelende oun kras peskro dji lenge pre oun dikas kamles ap lende, yaake har yob peskro lab das o Abrahameste, o Isaakeste oun o Yakobeste. Oun yob das len gar an o merepen oun vitsras len gar pestar krik bis ap kava dives.

1. Familjakro liil 21:5

Oun yob penas o Davideske, har boud morsha koy hi. Oun an o tselo Israel his 1.100.000 (deesh-te-yek-sheel-zerya) morsha, kay hidjran i rharo oun an Youda 470.000 (star-sheel-efta-deesh-zerya) morsha.

1. Familjakro liil 27:23

O David moukas gar i laba kolendar pre te činell, kay his terneder har biish bersha. O baro Devel penas boud bersha glan kova, te krell lo i Israelitaryen yaake boud har i momlia an o bolepen.

2. Familjakro liil 1:9

Baro Devel, miro ray, mouk tiro lab čačes te vell, hoy tou penal miro dadeske, o Davideske; tou čival man dren, te vom ray pral kal menshende, kay yaake boud hi, har i stauba ap kay phoub hi.

Hiob 5:25

Oun tou dikeh, har tire čave boud venna, ava, kolla, kay pal toute venna, venn yaake boud har o zenlepen ap i phoub.

2. Mose 1:7

Lengre čave lan yaake boud čave, kay vas o them pherdo lendar.

2. Mose 32:13

Ma biste tire boudepangren, o Abraham, o Isaak oun o Yakob! Kolenge dal tout sovel oun penal: Me moukau t'mare čaven boudeder te vell har i momlia an o bolepen. Kava tselo them, kay me penom, te vell lo t'maro, dau t'mare čavende, te djivenn le kote hako tsireske.”

Jeremia 33:22

Kek nay penell, kitse bolepangre momlia an o bolepen hi. Oun kek nay penell har boud santa pash o baro pani hi. Yaake dau miro boudepaskro o Davideste yaake boud čave, kay pal leste venna, te djinell kek, har boud yon hi. Oun ninna krau, te venn i Levitarya boud boud, kay mire rashaya hi.

4. Mose 23:10

Kek djinell, har boud menshe o Yakobeskre menshe hi. Ava, kek nay hatsell vin, har boud zerya i Israelitarya hi? Me kamau, te merap yaake har yek lendar, kol čače menshendar. Miro merepen mou vell har lengro merepen!

5. Mose 1:10

T'maro baro Devel kras t'men yaake boud. T'mer han kava dives yaake boud har kol momlia an o bolepen hi.

Hebrearja 11:12

Har o čavo boldo vas, his o Abraham ninna yaake phouro, te nay vals lo bouder gar o dad i čavestar. Oun yob vas o dad boud boud menshendar. Leskre čave, čavengre čave oun lauter, kay pal leste van, van yaake boud har i bolepangre momlia, oun har i tikne barra pash o baro pani, kay kek djinell, har boud kolla hi.

Debleskro tsiro 7:9

Pal kova dikom me boud menshen, yaake boud, te nay penell kek, kitse yon hi. Kolla venna dran hako them, haki natsyona, haki harmenatsyona oun hako rakepen. Oun yon his khetne tardo glan o rayeskro beshepaskro oun glan ko terno bakro. Len his parne ripya ap lende oun bare patria an lengre vasta.

Čačepangre 6:3

Oun hako kopo, kay vitsran i Israelitarya o djob an i phoub, palle van i Midianarya oun i Amalekarya oun vavar menshe kotar, kay o kham pre djala, oun peran an o them dren.