1. Mose 13:12 - O Debleskro Lab 2024 (Sinte-Manouche)

¹² O Abram djivas an o them Kanaan. Oun o Lot djivas an kol forya pash o pani Yordan, oun čivas peskre plarhtene khera pre bis pash o foro Sodom.

O Debleskro Drom 2021 (Sinte)

¹² O Abram djiwas an o them Kanaan. Un o Lot djiwas an kol forja pash o pani Jordan, un tchiwas peskre plachtene khera pre bis pash o foro Sodom.

1. Mose 13:12 Iomraidhean Croise

1. Mose 13:11

Oun o Lot rodas peske o tselo them pash o pani Yordan vin. Oun djas kote, kay o kham pre djala. Oun hakeno djas i vavar drom:

1. Mose 14:12

O Abrameskro phraleskro čavo Lot, kay djivas an Sodom, koles lan yon ninna peha, oun leskro tselo koova, hoy les his.

1. Mose 14:2

Kol panč foryengre raya his: o Bera, ko ray pral o foro Sodom, o Birsha, ko ray pral o foro Gomorra, o Shinab, ko ray pral o foro Adma, o Shemeber, ko ray pral o foro Seboyim, o ray pral o foro Bela. Kova hi kanna o foro Soar.

1. Mose 19:1

Har i rati vas, van i douy bolepangre an o foro Sodom. Koy his o Lot an o baro voudar ko forestar beshdo. Har o Lot len dikas, stas lo pre, djas pash lende oun moukas pes glan lende ap i phoub te perell.

1. Mose 19:24

Koy moukas o baro Devel yag oun yagakri khand pral i forya Sodom oun Gomorra te perell dran o bolepen.

1. Mose 19:25

Yaake rhačras yob kol forya oun ko tselo them pash o pani Yordan. I tsele menshe an kol forya oun o tselo zenlepen ap ko them vas rhačedo.

1. Mose 19:29

Har o Devel rhačras kol forya an ko them pash o pani Yordan, kay o Lot khere his, bistras yob o Abrahames gar oun anas o Lotes vin dran kol forya.

Debleskri gili 26:5

Me kamau gar kote te djal, kay i čilače khetne venna, oun kolendar, kay midjak koova krenna, rikrau man pale.

1. Korintarja 15:33

Ma patsenn, kay lengro čačo hi! Ma krenn kova, hoy yon krenna!