1. Mose 13:11 - O Debleskro Lab 2024 (Sinte-Manouche)

¹¹ Oun o Lot rodas peske o tselo them pash o pani Yordan vin. Oun djas kote, kay o kham pre djala. Oun hakeno djas i vavar drom:

O Debleskro Drom 2021 (Sinte)

¹¹ Un o Lot rodas peske o tselo them pash o pani Jordan win. Un djas kote, kai o kham pre djala. Un hakeno djas i wawar drom:

1. Mose 13:11 Iomraidhean Croise

1. Mose 13:10

O Lot dikas ap o tselo them pash o pani Yordan. Kova his halauter sapeno. Bis pash o foro Soar his ko them har o baro Debleskri baar oun har o them Egiptia. Kova his glan ko tsiro, kay kol forya Sodom oun Gomorra rhačedo van.

1. Mose 13:12

O Abram djivas an o them Kanaan. Oun o Lot djivas an kol forya pash o pani Yordan, oun čivas peskre plarhtene khera pre bis pash o foro Sodom.

1. Mose 13:14

Har o Lot peske djas, penas o baro Devel ap o Abrameste: “Dik tout trouyel oun dik kote, kay tardo hal, ap haki rig: serves, čačes, glan toute oun pal toute!

1. Mose 13:9

Rode touke vin, havo them tou kameh. Oun dja touke mandar! Kameh tou serves te djal, djau me čačes. Oun te kameh tou čačes te djal, djau me serves.”

1. Mose 19:17

Har yon glan o foro his, penas ko yek bolepaskro ap o Lot: “Naash, te ačess tou djido! Ma dik pal toute! Ma ač tardo kate an kava them pash o pani Yordan! Naash ap kol berge, te vess tou gar maredo!”

Debleskri gili 119:63

Me rikrau man pash kolende, kay djivenn touha oun krenn, hoy tou peneh.

Debleskri gili 16:3

I Debleskre menshe an o them hi raylo. Yon krenn miro dji barhteles.

Gosewe laba 27:10

Ma mouk tiro males, vitar gar tiro dadeskro males! Te djal touke djoungeles, ma dja an o kheer tiro phralestar. Hi feteder, te djas pash yekeste, kay gar dour toutar djivell, har pash tiro phraleste, kay dour toutar krik djivell.

Ezekiel 47:18

Oun koy rig o themestar Israel djal foun kotar, kay o kham pre djal, mashkral o foro Hauran oun o foro Damaskus doureder langs o lengsto pani Yordan bis tele pash o Londo Baro Pani. O Yordan nashell mank o them Israel oun o them Gilead. Pash o Londo Baro Pani djal o them Israel bis pash o foro Tamar. Yaake dour djal o them Israel ap koy rig, kay o kham pre djal.

Hebrearja 10:25

Das yak, te ačas gar krik, te venn i patsle khetne. Hi save mashkral i patslende, kay venn bouder gar khetne. Kova hi gar mishto. T'mer dikenna, te hi o dives gar dour, kay vell o ray Yezous pale. Doleske djan kote, kay venn i patsle khetne, te krell yek o vavares zoreles an o dji.

1. Petro 2:17

Avenn lačes ap hako mensheste! Kamenn i patslen o djiyestar! Sharenn o Debles, oun krenn, hoy yob kamella! Shounenn ap o baro rayeste pral o them!