1. Mose 13:10 - O Debleskro Lab 2024 (Sinte-Manouche)

¹⁰ O Lot dikas ap o tselo them pash o pani Yordan. Kova his halauter sapeno. Bis pash o foro Soar his ko them har o baro Debleskri baar oun har o them Egiptia. Kova his glan ko tsiro, kay kol forya Sodom oun Gomorra rhačedo van.

O Debleskro Drom 2021 (Sinte)

¹⁰ O Lot dikas ap o tselo them pash o pani Jordan. Kowa his halauter sapeno. Bis pash o foro Zoar his ko them har o baro Debleskri baar un har o them Egiptia. Kowa his glan ko tsiro, kai kol forja Sodom un Gomorra chatchedo wan.

1. Mose 13:10 Iomraidhean Croise

1. Mose 11:27

Kova hi ko liil, kay činlo hi i laba kol menshendar, kay van pal o Tera. O Tera: Leskre čave his o Abram, o Nahor oun o Haran. O Haran las i čavo, o Lot.

1. Mose 13:11

Oun o Lot rodas peske o tselo them pash o pani Yordan vin. Oun djas kote, kay o kham pre djala. Oun hakeno djas i vavar drom:

1. Mose 13:9

Rode touke vin, havo them tou kameh. Oun dja touke mandar! Kameh tou serves te djal, djau me čačes. Oun te kameh tou čačes te djal, djau me serves.”

1. Mose 14:2

Kol panč foryengre raya his: o Bera, ko ray pral o foro Sodom, o Birsha, ko ray pral o foro Gomorra, o Shinab, ko ray pral o foro Adma, o Shemeber, ko ray pral o foro Seboyim, o ray pral o foro Bela. Kova hi kanna o foro Soar.

1. Mose 14:8

Kanna djan kol panč raya pral i forya Sodom, Gomorra, Adma, Seboyim oun Bela dran i forya vin. Bela kharella kanna Soar. Oun yon djan pengre lourdentsa an i tala Siddim.

1. Mose 3:6

Oun koy romni dikas ap ko rouk oun penas ap peste: “Mishto vals, te rhaus ko roukestar. Shoukar hi lo! Oun mishto vals, te vaus gosevo.” Oun yoy las o roukestar, rhas oun das ninna peskro romeste, kay pash late his. Oun yob rhas ninna.

1. Mose 47:6

O them Egiptia hi ninna touke koy. Rode tiro dadeske oun tire phralenge o feteder kotar them vin, te djivenn le kote! Mouk len te djivell an o them Gosen! Oun te dikeh, kay hi morsha mank lende, kay krenn pengri boudi mishto, kre te venn le pralstoune pral mire firhende.”

1. Mose 6:2

Koy dikan i Debleskre čave, har shoukar i menshengre ča hi. Oun yon lan penge kolen, kay yon kaman, te romedinerenn yon len.

1. Rajengro liil 7:46

O baro ray moukas ko lolo saster tato te krell, oun an phoubyengre forme te čorell an o telstouno them pash o pani Yordan mank kol forya Soukot oun Zaretan.

Hiob 40:23

Ninna te vell ko lengsto pani zorleder oun divyeder, nashell lo gar darenes krik. Ninna te dell o pani Yordan leske an o mouy, krell leske kova či.

Debleskri gili 107:34

Yaake vas i phoub, kay boud djob oun zenlepen baro vas, i moulo londo them. Kova kras lo dran o čilačepen kol menshendar, kay kote djivenn.

Jesaja 15:5

Miro dji rovell pral o them Moab; lengre menshe nashenn penge yaake dour har o foro Soar, yaake dour har Eglat-Shelishiya. Hi save, kay djan pre ap o drom an Louhit o ropah. Vavar djan ap o drom an Horonayim, oun denn bari gole i doukatar.

Jesaja 51:3

O baro Devel khossell i sva i menshendar an o foro Sion, oun čivell o tele phagedo foro pale pre. Yob krell, te vell o moulo tato them har i baar Eden, oun o divyo trouk them har o baro Debleskri baar. Kote sanenn oun stenn le, parkrenn pen pash o Debleste oun givenn leske.

Jeremia 48:34

Kolla golya i menshendar dran o foro Heshbon venn shounlo bis pash i forya Elale oun Yahaz. Oun koy gole dran o foro Soar djal bis pash o foro Horonayim oun o gab Eglat-Shelishiya; Ninna kol panya pash Nimrim hidjrenn bouder kek pani an pende.

Ezekiel 16:46

Tiri phoureder pheen hi i Samaria peskre čentsa, kolla ap i servi rig toutar djivenn. Oun tiri tikni pheen, hoy ap i čači rig toutar djivell, hi i Sodom peskre čentsa.

Ezekiel 16:49

Koy doosh tiri phenyatar Sodom his kaya: Yoy his pre-phourdo. Lat his boudeder har doha rhapen oun djivas pengre čentsa i shoukar djipen. Kol čorvelenge oun kolenge, kay tele rikede van, van le gar ap i rig.

Ezekiel 28:13

Tout his i shoukar djipen, har te djivals an o Debleskri bar Eden. Ap toute his hake kouč barra: Rubin, Topas, Diamant, Krisolit, Onyx, Yaspis, Safiro, Karfunkel oun Smaragdo. Kol barra his an shoukar kerdo sonakay dren pandlo, oun touke koy, te less len ap ko dives, kay boldo val.

Ezekiel 31:8

Oun kek vavar cedertikro rouk an o Debleskri bar his yaake shoukar har yob. I cipresstikre rouka oun i platantikre rouka, len his gar yaake shoukar zenele kashta har les his. Kek rouk an o Debleskri bar his yaake shoukar har yob.

Ezekiel 31:9

Me krom les shoukar oun dom les boud bourhle zenele kashta. Oun i tsele rouka an i bar Eden, hoy hi o Debleskri bar, zilveran ap leste.

Ezekiel 47:18

Oun koy rig o themestar Israel djal foun kotar, kay o kham pre djal, mashkral o foro Hauran oun o foro Damaskus doureder langs o lengsto pani Yordan bis tele pash o Londo Baro Pani. O Yordan nashell mank o them Israel oun o them Gilead. Pash o Londo Baro Pani djal o them Israel bis pash o foro Tamar. Yaake dour djal o them Israel ap koy rig, kay o kham pre djal.

Joel 2:3

Glan lende djal i yag oun pal lende rhačell i phoub. Glan ko tsiro, kay venn le, hi o them har o Debleskri baar Eden, oun te djan le pral vergel, ačell i divyo paash them. Kek nay nashell lendar krik.

5. Mose 34:3

ninna ko moulo them Negev oun ko telstouno them mashkral i forya Yericho oun Soar. O foro Yericho vell ninna Palmtikro foro kharedo.