1. Mose 13:1 - O Debleskro Lab 2024 (Sinte-Manouche)

¹ O Abram djas dran o them Egiptia: yob oun leskri romni oun halauter hoy les his, oun leskro phraleskro čavo Lot. Oun yon djan an o them Negev.

O Debleskro Drom 2021 (Sinte)

¹ O Abram djas dran o them Egiptia: job un leskri romni un halauter hoi les his, un leskro phraleskro tchawo Lot. Un jon djan an o them Negev.

1. Mose 13:1 Iomraidhean Croise

1. Mose 20:1

Oun o Abraham djas doureder oun vas an o them Negev. Yob ačas mank kol douy forya Kadesh oun Shour oun djivas an o foro Gerar.

1. Mose 21:33

O Abraham čivas i rouk an i phoub an Beersheba. Oun kote mangas yob o baro Debles an, ko Debles, kay hako tsiro koy hi.

2. Samuel 24:7

Palle van yon an o zorelo foro Tirus oun an kol tsele forya, kay kol Hivarya oun kol Kanaanitarya djivan, oun ninna an o them Negev an o them Youda bis pash o foro Beersheba.

4. Mose 13:17

Oun o Mose bičras len, te hatsenn le vin har ko them Kanaan hi. Oun yob penas ap lende: “Djan koy pre an o moulo tato them Negev, oun palle djan ap o pralstouno them!

Josua 10:40

Yaake las o Yosua o tselo them dren: o pralstouno them, oun o them, kay o kham pralstounes hi, ninna o telstouno them oun o them ap i berge, – ko tselo them mank Kadesh-Barnea oun Gaza, oun mank Gosen oun Gibeon. O Yosua das i tsele bare rayen moulo, ninna lengre tsele menshen. Oun yob moukas kekes ap o djipen te ačell, yaake har penas leske o baro Devel, – o Devel pral o Israel.

Josua 18:5

Oun yon krenn efta kotya dran ko them, te lell hako kheer yek kotar. Oun o kheer Youda ačell ap peskro kotar them, hoy ap koy rig hi, kay o kham pralstounes tardo hi. Oun o kheer Yosef ačell ap peskro kotar them, kote, kay norden hi.

1. Samuel 27:10

Oun te poučas o Akish: “Kay peran t'mer kava dives dren oun randan?” palle penas o David: “An o them Negev an Youda.” Oder: “An o them Negev, kay i Yerameelarya djivenn.” Oder: “An o them Negev, kay i Kenarya djivenn.”