1. Mose 12:8 - O Debleskro Lab 2024 (Sinte-Manouche)

⁸ Kotar djas o Abram doureder an i berge pash o foro Betel. Mank kol forya Betel oun Ai čivas yob peskro plarhteno kheer pre. Ko foro Betel hi čiddo ap koy rig, kay o kham tele djala. Oun o foro Ai hi čiddo ap koy rig, kay o kham pre djala. Kote kras yob pale i rhačepaskri o baro Debleske, kay venn firhe leske rhačedo, oun kharas o baro Debles an.

O Debleskro Drom 2021 (Sinte)

⁸ Kotar djas o Abram dureder an i berge pash o foro Betel. Mank kol forja Betel un Ai tchiwas job peskro plachteno kheer pre. Ko foro Betel hi tchiddo ap koi rig, kai o kham tele djala. Un o foro Ai hi tchiddo ap koi rig, kai o kham pre djala. Kote kras job pale i chatchepaskri o baro Debleske, kai wenn vieche leske chatchedo, un kharas o baro Debles an.

1. Mose 12:8 Iomraidhean Croise

1. Mose 13:18

Oun o Abram djas peskre plarhtene kherentsa trouyel, oun vas pash o foro Hebron oun ačas tel i bare rouka ko morshestar Mamre. Oun kote kras yob i rhačepaskri o baro Debleske, kay venn firhe leske rhačedo.

1. Mose 13:3

Oun ko themestar Negev djas yob doureder foun yek platsa ap i vavar. Oun vas pash o foro Betel ap koy platsa mank Betel oun Ai, kay leskro plarhteno kheer o ersto kopo tardo his.

1. Mose 13:4

Kote his koy platsa, kay yob i Debleskri rhačepaskri kras. Oun kote kharas yob pale o baro Debles an.

1. Mose 21:33

O Abraham čivas i rouk an i phoub an Beersheba. Oun kote mangas yob o baro Debles an, ko Debles, kay hako tsiro koy hi.

1. Mose 22:9

Yaake van le ap koy platsa, hoy o Devel leske penas. Kote kras o Abraham i rhačepaskri o Debleske, čivas ko kasht koy pre, las peskro čaves, pandas les oun čivas les ap ko kasht pral pre.

1. Mose 26:25

Oun kote kras o Isaak i rhačepaskri, te venn firhe rhačedo o Debleske, oun mangas o baro Debles an. Oun kote čivas yob peskro plarhteno kheer pre. Oun peskre boudepangre hadan kote i brounna vin.

1. Mose 28:19

Oun yob das kol platsa ko lab Betel. Glan ko tsiro his o lab ko forestar Louz.

1. Mose 31:25

Oun o Laban vas pash o Yakobeste ap kol berge, kay yob peskro plarhteno kheer pre čivas. Oun ninna o Laban peskre phralentsa čivas peskro plarhteno kheer pre ap kol berge Gilead.

1. Mose 33:20

Kote kras o Yakob i rhačepaskri o Debleske, te venn firhe leske rhačedo, oun das koy rhačepaskri ko lab O Devel hi o Israeleskro Devel.

1. Mose 35:3

Avenn, djas an o foro Betel. Kote krau i rhačepaskri o Debleske, kay shounas man ap ko dives, kay an i bibarht homs. Ko Devel his pash mande ap miro drom bis kanna.”

1. Mose 35:7

Har o Yakob peskro phralestar krik nashas, moukas pes o Devel kote lestar te dikell. Doleske kras yob kote i rhačepaskri o Debleske, kay venn firhe leske rhačedo. Oun das koy platsa ko lab El-Betel.

1. Mose 4:26

Oun o Set las ninna i čavo. Koles das yob ko lab Enosh. An ko tsiro mangan i menshe o ersto kopo o baro Debles an.

1. Mose 8:20

Oun o Noah kras i rhačepaskri platsa oun las hake firhendar, kay gar pale-čiddo hi oun hake čirklendar, kay gar pale-čiddo hi. Oun das len moulo oun rhačras len ap koy platsa, te parkrell lo pes pash o baro Debleste.

Nehemia 11:31

I menshe Benyamin djivan an i forya: Geba, Mikmas, Aya, Betel oun leskre gaba,

Debleskri gili 116:4

Kote dom gole ap o baro Debleste: “Me mangau tout, baro Devel, le miro djipen vin dran o merepen!”

2. Mose 17:15

Oun o Mose kras i rhačepaskri o Debleske, te venn kote firhe rhačedo o Debleske, oun das koy rhačepaskri o lab O baro Devel krell man zoreles an o kourepen.

Jesaja 10:28

oun venn pash o foro Aya, oun djan vergel o foro Migron; an o foro Mikmas moukenn le pengro koova pale,

Bičepangre 2:21

Oun koon ap leste gole della, koles lell lo dran o čilačepen oun o merepen vin.

1. Korintarja 1:2

ap i patslende, kay venn khetne an o Debleskro lab an o foro Korint. Kolen rodas o Devel vin, te venn le leskre čave, oun te djivenn o Yezous Kristeha khetne. Kava liil hi ninna kol tsele vavarenge, kay o Yezous Kristes an hake gaba oun forya an-mangenna. Yob hi lengro oun maro ray.

Hebrearja 11:9

Ap ko tsiro djivan vavar menshe an ko them, hoy kamas les o Devel te dell. Oun o Abraham djas kate oun kote an ko them trouyel, oun djivas an plarhtene khera. Ninna leskro čavo, o Isaak, oun koleskro čavo, o Yakob, djivan yaake. Kolenge penas o Devel ninna: T'mende dau ko them.

Josua 18:22

Bet-Araba, Zemarayim, Betel,

Josua 22:10

Oun har van le pash i khetne čidde barra pash o pani Yordan, gomme an o them Kanaan, čivan le barra pre oun kran i baro altaro.

Josua 7:2

Oun o Yosua bičras morshen dran o foro Yericho, te djan le pash ko foro Ai. Kava foro hi čiddo pash Bet-Aven oun gar dour o forestar Betel, ap leskri rig, kay o kham pre djal. Oun yob penas ap lende: “Djan pre oun dikenn t'men an o them čorrhanes trouyel!” Oun kol morsha kran kova,

Josua 8:12

Yaake panč zerya morshen bičras o Yosua ap koy rig o forestar Ai, kay o kham tele djal, mank kol forya Ai oun Betel, te khatrenn le pen kote, te perenn le palle i morshenge dran o foro Ai an o doumo.

Josua 8:17

Oun kote ačas bouder kek morsh an i forya Ai oun Betel pale, kay gar i Israelitarya palla las. Oun yon moukan o foreskre bare voudya pre tardo, har lan le i Israelitarya palla.

Josua 8:3

Kote kras pes o Yosua oun i tsele lourde ap o drom, te djan le pre pash o foro Ai. Oun o Yosua rodas 30.000 (triyanda-zerya) čače kourepangre vin, oun bičras len an i rat koy.

Josua 8:30

An ko tsiro kras o Yosua i rhačepaskri ap i berga Ebal o baro Debleske, ko Devel pral o Israel, te venn leske kote firhe rhačedo.

Josua 8:9

Oun yaake har o Yosua lenge penas, djan le koy oun khatran pen ap koy rig o forestar Ai, kay o kham tele djal, mank Ai oun o foro Betel. Oun o Yosua ačas an koy rat pash i vavar lourdende.

Čačepangre 6:24

Oun o Gideon čivas kote barra pre, te krell lo i rhačepaskri, kay venn firhe rhačedo o baro Debleske, oun das lat o lab Yahve-Shalom. Gomme kava dives hi koy rhačepaskri kote tardo an o foro Ofra, kay kol menshe djivenn, kay kharenna Abiyesarya.

1. Samuel 30:27

Leskre mala, kolenge yob čomone bičras, his an Betel, an Ramot-Negev, an Yattir,