1. Mose 12:7 - O Debleskro Lab 2024 (Sinte-Manouche)

⁷ Oun o baro Devel moukas pes o Abramestar te dikell, oun penas ap leste: “Tire čaven oun kolengre čaven oun lauteren, kay pal toute venna, kolen kamau kava them te dell.” Koy kras o Abram i rhačepaskri o baro Debleske, kay venn firhe leske rhačedo – kote, kay o Devel moukas pes lestar te dikell.

O Debleskro Drom 2021 (Sinte)

⁷ Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

1. Mose 12:7 Iomraidhean Croise

1. Mose 12:8

Kotar djas o Abram doureder an i berge pash o foro Betel. Mank kol forya Betel oun Ai čivas yob peskro plarhteno kheer pre. Ko foro Betel hi čiddo ap koy rig, kay o kham tele djala. Oun o foro Ai hi čiddo ap koy rig, kay o kham pre djala. Kote kras yob pale i rhačepaskri o baro Debleske, kay venn firhe leske rhačedo, oun kharas o baro Debles an.

1. Mose 13:15

Ko tselo them, hoy dikeh, kova dau tout oun tire čaven, kay pal toute venna. Ko them hi t'maro hako tsiro.

1. Mose 13:17

Dja trouyel an o tselo them! Tout dau ko tselo them.”

1. Mose 13:18

Oun o Abram djas peskre plarhtene kherentsa trouyel, oun vas pash o foro Hebron oun ačas tel i bare rouka ko morshestar Mamre. Oun kote kras yob i rhačepaskri o baro Debleske, kay venn firhe leske rhačedo.

1. Mose 13:4

Kote his koy platsa, kay yob i Debleskri rhačepaskri kras. Oun kote kharas yob pale o baro Debles an.

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

1. Mose 17:1

O Abram his 99 (enya-deesh-te-enya) bersh phouro. Koy moukas pes o baro Devel glan leste te dikell, oun penas ap leste: “Me hom o zorelo Devel. Dja ap miro drom, te hatsap kek čilačepen ap toute!

1. Mose 17:3

Koy moukas pes o Abram ap i phoub te perell. Oun o Devel rakras leha oun penas:

1. Mose 17:8

Oun me dau tout oun tire čaven kava them, kay tou kanna i vi-themari hal. Kava tselo them Kanaan vell lengro hako tsiro. Oun me hom lengro Devel.”

1. Mose 18:1

Oun o baro Devel moukas pes te dikell o Abrahamestar pash kol bare rouka Mamre, har o dives tato his oun o Abraham glan peskro plarhteno kheer beshdo his.

1. Mose 22:9

Yaake van le ap koy platsa, hoy o Devel leske penas. Kote kras o Abraham i rhačepaskri o Debleske, čivas ko kasht koy pre, las peskro čaves, pandas les oun čivas les ap ko kasht pral pre.

1. Mose 24:7

O baro Devel, o Devel pral o bolepen, anas man vin dran miro dadeskro kheer oun miro dadeskro them, oun rakras mantsa. Oun das pes sovel, te dell lo mire čaven kava them, kay kanna hom. Kova bičrell peskro bolepaskres glan toute, te less miro čaveske i romyat mire menshendar.

1. Mose 26:25

Oun kote kras o Isaak i rhačepaskri, te venn firhe rhačedo o Debleske, oun mangas o baro Debles an. Oun kote čivas yob peskro plarhteno kheer pre. Oun peskre boudepangre hadan kote i brounna vin.

1. Mose 26:3

Ač i tsiro an kava them. Me hom pash toute, te čivap miri zoor oun miri barht ap toute. Kalla tsele themma dau me tout oun tire čaven, kay pal toute venna. Me rikrau miro lab, hoy dom tiro dadeste Abraham, oun kay dom miro vast koy pre.

1. Mose 28:13

Oun o baro Devel his tardo pral pre oun penas: “Me hom o baro Devel, ko Devel tiro papestar Abraham oun ninna o Isaakeskro Devel. Kava them, kay tou čiddo hal, dau tout oun tire čaven, kay pal toute venna.

1. Mose 28:4

Koy barht oun koy zoor, hoy o Devel čivas ap o Abrahameste, mou vell ap toute oun ap tire menshende! Tou leh kava them, kay tou kanna i vi-themari hal – ko them, hoy o Devel o Abrahameste das.”

1. Mose 32:30

Penas o Yakob ap leste: “Kanna pen mange tiro lab!” Penas yob: “Hoske poučeh pal miro lab?” Oun yob penas Ač o Debleha! ap o Yakobeste.

1. Mose 33:20

Kote kras o Yakob i rhačepaskri o Debleske, te venn firhe leske rhačedo, oun das koy rhačepaskri ko lab O Devel hi o Israeleskro Devel.

1. Mose 35:12

Oun ko them, hoy dom o Abrahameste oun o Isaakeste, dau toute ninna oun tire menshende.”

1. Mose 35:7

Har o Yakob peskro phralestar krik nashas, moukas pes o Devel kote lestar te dikell. Doleske kras yob kote i rhačepaskri o Debleske, kay venn firhe leske rhačedo. Oun das koy platsa ko lab El-Betel.

1. Mose 50:24

Oun o Yosef penas ap peskre phralende: “Me merau kanna. O Devel dikella lačes ap t'mende, oun anell t'men dran kava them vin, an ko them, kay yob peskro vast pre das, te dell lo les o Abrahameste, o Isaakeste oun o Yakobeste.”

1. Mose 8:20

Oun o Noah kras i rhačepaskri platsa oun las hake firhendar, kay gar pale-čiddo hi oun hake čirklendar, kay gar pale-čiddo hi. Oun das len moulo oun rhačras len ap koy platsa, te parkrell lo pes pash o baro Debleste.

2. Samuel 24:25

Oun o David kras koy o baro Debleske i rhačepaskri oun anas firhen leske, saven kay van tseles rhačedo oun saven, kay rhan le khetne glan o baro Debleste. Oun o baro Devel dikas pale lačes ap ko them Israel. Oun ko nasslepen djas kol menshendar pale krik.

1. Rajengro liil 18:32

Oun yob čivas kol barra pre, te krell lo i rhačepaskri o baro Debleske, oun hadas troul koy tseli rhačepaskri i phoub vin, yaake bourhlo, te vitsrans nay douy gone djob dren.

1. Familjakro liil 16:16

Kova hi ko lab, hoy das lo o Abrahameste, koy sovel, hoy das lo o Isaakeste,

1. Familjakro liil 16:18

Yob penas: “Touke dau kava them Kanaan, kova hi ko them hoy t'menge vell.”

2. Familjakro liil 20:11

Oun kanna dik, har yon parkrenn pen pash mende! Yon venn, te tradenn le men vin dran tiro them, hoy mende dal.

2. Familjakro liil 20:7

Maro Devel hal tou, oun tradal kol tsele vavar menshen an kava them vin glan mende, tire menshende Israel. Oun dal kava them hako tsireske kol menshenge, kay van o Abrahamestar, kay tiro maal his.

Esra 3:2

Oun o Yeshoua, koleskro dad o Yozadak his, kras pes ap i boudi khetne peskre phralentsa, kol rashayentsa, oun o morsheha Zorobabel, koleskro dad o Shealtiel his, oun leskre phralentsa. Oun yon kran i nevi sasterni rhačepaskri, te nay rhačrenn le firhen koy pre o Israeleskro Debleske, yaake har činlo hi an o liil o Debleskro morshestar, o Mosestar.

2. Mose 17:15

Oun o Mose kras i rhačepaskri o Debleske, te venn kote firhe rhačedo o Debleske, oun das koy rhačepaskri o lab O baro Devel krell man zoreles an o kourepen.

2. Mose 24:4

Koy činas o Mose hako lab, hoy o baro Devel penas, an i liil. Oun sik taysarlakro stas yob pre oun kras i rhačepaskri tele glan i berga, kote pre firhe rhačedo venna o baro Debleske. Ninna čivas lo deesh-te-douy barra pre kol deesh-te-douy bare familyenge, kay van o Israeleskre čavendar: yek bar haki familyake.

2. Mose 32:13

Ma biste tire boudepangren, o Abraham, o Isaak oun o Yakob! Kolenge dal tout sovel oun penal: Me moukau t'mare čaven boudeder te vell har i momlia an o bolepen. Kava tselo them, kay me penom, te vell lo t'maro, dau t'mare čavende, te djivenn le kote hako tsireske.”

2. Mose 33:1

O baro Devel penas ap o Moseste: “Djan doureder, tou oun kol menshe, kolen tou dran o them Egiptia vin anal. Djan an ko them, kay me man sovel dom glan o Abraham, o Isaak oun o Yakob oun lenge penom: T'mare čaven dau me kava them.

2. Mose 6:3

oun sikrom man o Abrahameste oun o Isaakeste oun o Yakobeste. Har vom pash lende, sikrom lende, kay hom o zorelo Devel. Miro lab baro Devel, moukom len gar te djinell.

2. Mose 6:4

Ninna dom lende miro vast koy pre, te dap len o them Kanaan, ko them, kay yon vi-themarya his.

Jeremia 3:18

Ap ko dives djan kol menshe dran o kheer Youda pash kol menshende dran o kheer Israel: Oun yon djan khetne khere dran o norden an ko them, hoy dom me t'mare phourende, te ačell kova lengro.

4. Mose 26:53

“Tou dess hako khereske, kay vell o Yakobeskre deesh-te-douy čavendar, lengro kotar them pal kova har boud yon hi, te vell ko them lengro.

4. Mose 32:11

Kova hi čačo, hoy penau: Kalla menshe, kay dran o them Egiptia vin djan, oun hi biish bersha oun phoureder, dikenn ko them gar, kay dom man sovel, te dap les o Abrahameste, o Isaakeste, oun o Yakobeste. Yon djan mantsa gar o djiyeha.

Bičepangre 7:5

O Devel das les kek kotar phoub an kava them, vitar gar i tikno kotar. Oun o Devel das les peskro lab, te dell lo leskre čavende i them. An ko tsiro his o Abrahames kek čavo.

Remarja 9:8

Yaake dikah, o Abrahameskre čave hi gar lauter leskre čače čave, oun doleske vitar gar o Debleskre čave. Na-a, kolla hi leskre čave, kolendar o Devel glan-vi penas, te lell len o Abraham,

Galatarja 3:16

Yaake hi kova o labeha, hoy o Devel o Abrahameste das. O Devel penas ap o Abrahameste, te dell lo peskri barht oun zoor ap leste oun ap leskro čaveste, kay vella pal leste. Kate rakrell o Devel yek čavestar. Yob rakrell gar kol boud čavendar, kay venna pal o Abraham. Ko yek čavo hi o Yezous Kristo.

Galatarja 4:28

Mire phrala, t'mer han o Debleskre čave. T'mer van boldo, har o Devel kova kamas, yaake har o Isaak boldo vas, har o Devel kova penas.

5. Mose 1:8

Kava tselo them čivom me glan t'mende, djan t'mer koy, oun lenn les t'menge dren! Kova hi ko them, kolestar o baro Devel t'mare phourende, o Abrahameste oun o Isaakeste oun o Yakobeste pes sovel das, te dell lo les lende oun lengre čavende oun kolende, kay pal lende venna.

5. Mose 30:20

Kamenn t'maro baro Debles! Shounenn ap leste, oun rikrenn t'men ap leste! Kova hi t'maro djipen. Oun yaake nay djivenn boud bersha an ko them, kolestar o baro Devel pes sovel das glan t'mare phourende, glan o Abraham, o Isaak oun o Yakob, te dell lo les lende.

5. Mose 34:4

Oun o baro Devel penas ap leste: “Kava hi o them, kolestar penom oun me man sovel dom glan o Abraham, o Isaak oun o Yakob, te dap kava them lengre čavende, kay pal lende venna. Me moukom les tout tire yakentsa te dikell. Pral vergel djas tou gar.”

5. Mose 6:10

O baro Devel, kay tiro Devel hi, anell tout an ko them, kay yob pes pash o Abraham, o Isaak oun o Yakob sovel das, te dell lo les toute. Kote hi bare oun shoukar forya, hoy tou gar kral,

5. Mose 9:5

Hi gar doleske, te vans lače menshe oun t'men vals i djoudjo dji, te venn t'mer an ko them, te lenn les t'menge dren. Na-a, t'maro baro Devel tradell kol menshen vin ko čilačepaske, hoy le kran, te rikrell yob koy sovel dren, hoy lo t'mare phourende, o Abrahames oun o Isaakes oun o Yakobes, das.

Hebrearja 11:13

Kol phoure patsle meran lauter. Ninna te lan le kova gar, hoy kamas o Devel len te dell, patsan le, te lenn le les. Yon dikan kova dour glan pende, oun his barhtelo pral kova. Yon penan pendar, te hi len kek them ap i phoub, oun te hi le kate gar khere.

Hebrearja 11:8

Ninna o Abraham patsas, hoy o Devel penas. Har yob leske penas: Dja an ko them, hoy me dau toute oun tire čavende, koy shounas o Abraham ap leste, oun djas dran peskro them vin, oun djinas gar, kay yob djala.

Josua 1:6

Ab zoreles oun ma traash! Tou dess kal menshen pengro them, kay me man sovel dom glan lengre phourende, te dap len kova!

Josua 22:10

Oun har van le pash i khetne čidde barra pash o pani Yordan, gomme an o them Kanaan, čivan le barra pre oun kran i baro altaro.

Josua 8:30

An ko tsiro kras o Yosua i rhačepaskri ap i berga Ebal o baro Debleske, ko Devel pral o Israel, te venn leske kote firhe rhačedo.

Čačepangre 6:24

Oun o Gideon čivas kote barra pre, te krell lo i rhačepaskri, kay venn firhe rhačedo o baro Debleske, oun das lat o lab Yahve-Shalom. Gomme kava dives hi koy rhačepaskri kote tardo an o foro Ofra, kay kol menshe djivenn, kay kharenna Abiyesarya.

1. Samuel 7:17

Palle djas lo pale an Rama, kay lo khere hi, oun rakras kote o čačepen vin pral i Israelitarya. Ninna kote kras lo i rhačepaskri, kay čomone rhačedo vell o baro Debleske.