1. Mose 12:3 - O Debleskro Lab 2024 (Sinte-Manouche)

³ Kolla kay penenna, te vell tout boud barht, ap kolende čivau miri barht. Oun kolla, kay penenna, te vell tout bibarht, ap kolende anau ninna bibarht. Koy barht, hoy me tout dau, djal doureder ap i tsele menshende, kay ap i phoub hi.”

O Debleskro Drom 2021 (Sinte)

³ Kolla kai penenna, te well tut bud bacht, ap kolende tchiwau miri bacht. Un kolla, kai penenna, te well tut bibacht, ap kolende anau ninna bibacht. Koi bacht, hoi me tut dau, djal dureder ap i tsele menshende, kai ap i phub hi.”

1. Mose 12:3 Iomraidhean Croise

1. Mose 18:18

Me dom les miro lab: Yob vell o dad yaake boud menshendar, te vell lendar i bari oun zoreli natsyona. Oun koy barht, hoy dau leste, djal doureder ap i tsele natsyone, kay ap i phoub hi.

1. Mose 18:19

Me rodom les mange vin, te penell lo peskre čavenge oun kolenge, kay pal leste venna, te rikrenn pen le ap miro drom oun krenn, hoy mishto oun čačo hi, te nay moukap me halauter ap o Abrahameste te vell, hoy me leske penom.”

1. Mose 22:18

Tou kral, hoy me touke penom. Doleske djal koy barht, hoy dau tire menshende, doureder ap i tsele natsyone, kay ap i phoub hi.”

1. Mose 24:35

O baro Devel čivas bari zoor oun boud barht ap miro ray. Yaake vas yob bravelo. O Devel das les bakre oun groumya, roup oun sonakay, boudepangre: morsha oun djouvya, ninna khamele oun bourike.

1. Mose 25:11

Pal o Abrahameskro merepen čivas o Devel peskri zoor oun peskri barht ap leskro čaveste Isaak. An ko tsiro djivas o Isaak pash ko pani, hoy kharella Lahay-Roy.

1. Mose 26:29

De tiro dadeskro vast koy pre, te kress menge kek čilačepen, yaake har mer hams touke lačo oun moukam tout te djal, har tou kamal. Ap toute hi i barht o baro Deblestar čiddo.”

1. Mose 26:4

O Abraham shounas ap mande oun kras kova, hoy me leske penom. Yob rikras pes ap mire laba oun djivas pal miro čačepen. Doleske krau me, te venn tire čave yaake boud har i bolepangre momlia. Oun me dau len kalla tsele themma. Oun koy barht, hoy dau tire čavende, djal doureder ap i tsele natsyone, kay ap i phoub hi.”

1. Mose 27:29

Menshe dran vavar themma hounte boudrenn touke oun vitsrenn pen tele glan toute. Vess ray pral tire phralende. Oun tiri dakre čave hounte vitsrenn pen tele glan toute. Kolla kay penenna, te vell tout bibarht, ap kolende vell bibarht. Oun kolla, kay penenna, te vell tout barht, ap kolende vell barht.

1. Mose 28:14

Yon venna yaake boud har i čik, hoy ap i phoub hi. Oun krau lengro them baro oun bourhlo ap hake rigya. Oun koy barht, hoy dau toute oun tire čavende, djal doureder ap i tsele menshende, kay ap i phoub hi.

1. Mose 30:27

Koy penas o Laban ap leste: “Ab mange lačo oun ač kay! Hayvau, kay o baro Devel peskri zoor oun peskri barht ap mande čivella yaake rah, har tou pash mande hal.

1. Mose 30:30

Har vom pash toute, his tout gar boud firhe. Kanna hi tout boud. O baro Devel čivas peskri zoor oun peskri barht ap tiro koova – ap halauter, hoy lom an miro vast. Kanna hounte boudrap ninna mange oun miri familyake.”

1. Mose 39:5

Ap ko tsiro, har o Egiptari Potifar das peskro kheer oun halauter, hoy leskro his, an o Yosefeskre vasta, čivas o baro Devel peskri zoor oun peskri barht ap i menshende an o Potifareskro kheer. Yaake rah har o Yosef koy his, his o baro Debleskri zoor oun peskri barht ap halauter, hoy les his an o kheer oun ap o them.

Debleskri gili 72:17

Leskro lab mou ačell hako tsireske. Yaake rah har o kham ap o bolepen hi, mou vell leskro lab sharedo! Lestar mou vell lačepen ap i menshende an i tsele themma. Oun yon te rakrenn i barht pral leste vin.

2. Mose 23:22

Te shounenn t'mer ap leste oun krenn halauter, hoy me t'menge penau, palle djau me ap kolende, hoy ap t'mende djan. Oun kolla, hoy t'menge o djipen phares krenn, kolenge krau me les ninna phares.

4. Mose 24:9

O Israel čivas pes tele har i bari margodja, ava, har i terni bari margodja. Kek kamell lat pre djangrell. Barht oun zoor vell koles, kay rakrell i barht pral toute vin, Israel! Oun bibarht vell ap koleste, kay rakrell i bibarht vin pral toute.

Mateo 25:40

Oun o baro ray penell lenge: Čačepah, me penau t'menge: Ko lačepen, hoy t'mer yekeske mire čorvele phralendar kran, ko lačepen kran t'mer mange.

Mateo 25:45

Palle penell lo ap lende: Čačepah, me penau t'menge: Ko lačepen, hoy t'mer gar yekeske mire čorvele phralendar kran, ko lačepen kran t'mer mange ninna gar.

Louka 24:27

Palle penas o Yezous lenge, hoy o Mose oun i tsele Debleskre rakepangre pral leste činan.

Remarja 4:11

Činlo vas o Abraham, te vell diklo: Yob hi čačo dran o patsepen, hoy glan kava tsiro an leste his. Doleske vas lo kharedo: O dad lauterendar, kay patsenn ap o Debleste, ninna te hi le gar ap o mass činlo. Lengro patsepen čivell len an o čačepen.

1. Korintarja 1:30

O Devel kras, te van t'mer ap o Yezous Kristeskro drom. Kanna djinah, hoy čačepah gosvepen hi. O Yezous Kristo kras men čačo glan o Debleste. Yob rodas men vin, te vas leske koy, oun las mari doosh mendar krik.

Galatarja 3:16

Yaake hi kova o labeha, hoy o Devel o Abrahameste das. O Devel penas ap o Abrahameste, te dell lo peskri barht oun zoor ap leste oun ap leskro čaveste, kay vella pal leste. Kate rakrell o Devel yek čavestar. Yob rakrell gar kol boud čavendar, kay venna pal o Abraham. Ko yek čavo hi o Yezous Kristo.

Galatarja 3:28

Yaake djivah lauter o Yezouseha khetne. Kanna hi yek, koon t'mer han: bibolde oun kolla, kay kek bibolde hi, boudepangre oun raya, morsha oun djouvya. An o Yezous Kristeste hi yek har o vavar.

Galatarja 3:8

O Debleskro lab penas glan i rah tsiro, kay o Devel ninna kolen čačo krella, kay kek bibolde hi, te patsenn le ap leste. Doleske penas lo ap o Abrahameste: Kay barht, hoy me dau tout, djal doureder ap i tsele menshende ap i phoub.

Efesarja 1:3

Sharas maro Debles! Yob hi o Devel oun o dad maro rayestar, o Yezous Kristestar, oun das peskro tselo bolepaskro bravlepen mende, kay ham patslo ap o Yezous Kristeste.

Kolossarja 3:11

Kote, kay o Devel i menshen neves kras, kote hi yek yaake boud moldo har o vavar: I bibolde oun kolla, kay kek bibolde hi; kolla, kay ap o mass činlo hi oun kolla, kay gar ap o mass činlo hi; vi-themarya oun divye; raya oun boudepangre. O Yezous Kristo djivell an hakeneste mendar.

Debleskro tsiro 7:9

Pal kova dikom me boud menshen, yaake boud, te nay penell kek, kitse yon hi. Kolla venna dran hako them, haki natsyona, haki harmenatsyona oun hako rakepen. Oun yon his khetne tardo glan o rayeskro beshepaskro oun glan ko terno bakro. Len his parne ripya ap lende oun bare patria an lengre vasta.