1. Mose 12:15 - O Debleskro Lab 2024 (Sinte-Manouche)

¹⁵ Oun i pralstoune boudepangre o baro rayestar pral o them dikan lat oun sharan lat glan lengro rayeste. Oun yon anan lat an o baro rayeskro kheer.

O Debleskro Drom 2021 (Sinte)

¹⁵ Un i pralstune budepangre o baro rajestar pral o them dikan lat un sharan lat glan lengro rajeste. Un jon anan lat an o baro rajeskro kheer.

1. Mose 12:15 Iomraidhean Croise

1. Mose 12:14

Har yon an o them Egiptia van, dikan i Egiptarya, havi shoukar djouvel yoy hi.

1. Mose 20:2

Kote penas yob peskri romyatar Sara: “Yoy hi miri pheen.” Oun o baro ray pral o foro Gerar – leskro lab his Abimelek – bičras morshen, te anenn le i Sara pash leste.

1. Mose 26:7

Har i menshe an ko foro leskri romyat dikan, poučan le: “Koon hi koya?” Penas yob: “Yoy hi miri pheen.” Les his traash te penell: Yoy hi miri romni. Yob daras, te denn le les moulo, te lenn yon lat, yaake shoukar his li.

1. Mose 40:2

Oun o baro ray vas an i bari rholi pral kol douyende,

1. Mose 41:1

Pal douy bersha das o baro ray souni: An i souni dikas pes yob tardo pash o pani Nil.

1. Rajengro liil 3:1

Oun o Salomo romedineras i čay o baro rayestar pral o them Egiptia. Kova his o Farao. Oun o Salomo anas lat an ko kotar o forestar Yerusalem, hoy kharell Davideskro foro, te djivell li kote yaake rah har boudran i boudepangre ap o Salomeskro kheer oun ap o baro Debleskro kheer oun ap i massouri troul Yerusalem.

2. Rajengro liil 18:21

Patseh, te vell o them Egiptia touke ap i rig? Kova vals, har te lals tou i shilftikro khass an o vast, te rikress tout zoreles ap leste. Ko shilftikro khass phagals oun dals tout an o vast čourye. Yaake hi o Farao, ko ray pral o them Egiptia lauterenge, kay leske patsenna.

Debleskri gili 105:4

Poučenn pal o baro Debleste, oun pal leskri zoor! Avenn glan leste hako tsiro!

2. Mose 2:15

Har o Farao kova shounas, kamas yob o Moses te marell. O Mose nashas an ko them Midian. Kote beshas yob pes pash i brounna.

2. Mose 2:5

Koy vas o baro rayeskri čay oun kamas pes an ko pani Nil te thovell. Oun kol djouvya, kay lake boudran, nashan pash o pani. Ap yek kopo dikas yoy koy korba mank ko baro panyeskro khass, oun bičras lakri boudepaskretsa koy, te anell li koy korba.

Gosewe laba 29:12

I ray, kay ap rhorhene laba shounella, koleskre boudepangre venn lauter rhorhene.

Gosewe laba 6:29

Yaake djal koleske, kay pash i romyate i vavarestar djal. Hakeno, kay lat an-taprell, lell peskri phagi.

Jeremia 25:19

Pal lende hounte piyenn i vavar menshe dran kava khoro: o baro ray pral Egiptia; ninna kol vavar pralstunende; oun i tsele Egiptarya;

Jeremia 46:17

Kharenn ko lab o Faraestar, ko rayestar pral o them Egiptia: Baro Mouyeskro, koleskro tsiro trouyel hi.

Ezekiel 32:2

Tou, mensho, gib i ropaskri gili pral o Farao, ko baro rayeste o themestar Egiptia, oun pen leske: Tou patseh, te hal har i terno levo, o bareder ray mank i tsele rayende, oun hal har i baro čilačo firho an o baro pani. An kol lengste panya, kay djiveh, phourdal dourho dran tiro nak, te das o pani pre karye. Oun tire heryentsa stakral yaake, te vas i čik dran o pani pre oun o pani čiklo.

Hebrearja 13:4

Kolla, kay romedino hi, hounte bistrenn gar, te hi yon romedino. O rom hounte vell gar khetne i vavar djouvyah, oun i romni hounte vell gar khetne i vavar morsheha. Djinenn, o Devel dell i phagi kol morshende, kay rhorhenn pengri romyat, oun kol djouvyende, kay rhorhenn pengro romes, ninna lauterende, kay loubrenn trouyel.