1. Mose 10:15 - O Debleskro Lab 2024 (Sinte-Manouche)

¹⁵ O Kanaan: Leskre čave hi o Sidon oun o Het. O Sidon hi o phoureder čavo.

O Debleskro Drom 2021 (Sinte)

¹⁵ O Kanaan: Leskre tchawe hi o Sidon un o Het. O Sidon hi o phureder tchawo.

1. Mose 10:15 Iomraidhean Croise

1. Mose 23:3

Pal kova stas o Abraham peskri mouli romyatar pre, oun djas pash i Hetarya, te rakrell lo lentsa.

1. Mose 24:3

oun de tout sovel ap o baro Debleste, ap o Debleste pral o bolepen oun i phoub, te less miro čaveske kek romyat, kay vell kate dran o them Kanaan.

1. Mose 49:13

O Zabulon djivell pash o baro pani, kote, kay i shiffe čiddo hi. Leskro them djal bis pash o foro Sidon.

2. Samuel 11:3

Oun o David bičras yekes koy, oun moukas pal kol djouvyate poučell. Koy vas leske penlo: “Koya hi i Batsheba, kolakro dad o Eliam hi. Lakro rom hi o Uriya. Kova hi i Hetari.”

2. Samuel 24:6

oun doureder an o them Gilead, oun an ko them, kay kol Hetarya djivan pash o foro Kadesh. Oun koy pal van le an Dan-Yaan, oun kotar doureder ap o drom, kay djal an Sidon.

1. Familjakro liil 1:13

O Kanaan: leskro phoureder čavo his o Sidon. Pal leste vas o Het,

2. Mose 3:8

Me vom tele, te lap len dran o vast kol menshendar an o them Egiptia vin, oun anau len dran kava them vin oun dau len i lačo oun baro them, kay hi boud thoud oun gvin. An ko them djivenn kanna i Kanaanitarya, i Hetarya, i Amorarya, i Perisarya, i Hivarya oun i Yebousarya.

2. Mose 34:11

Me tradau kol Amorarya, Kanaanitarya, Hetarya, Perisarya, Hivarya oun Yebousarya dran lengro them oun dau les t'mende. Rikrenn kal laba, hoy me penau t'menge kava dives!

Jesaja 23:4

Kanna ladjenn t'men, t'mer menshe an o foro Sidon! O Tirus, ko zorelo foro pash o baro pani, ap koleste tout rikral, penell: “Me hom har i djouvel, kay kek čaven las. Vau bouder gar day, oun tserdau kek terne morshen oun kek terne ča pre.”

Jeremia 47:4

Ko dives vas, kay nashrenn i tsele Filistarya pengro djipen. Kek ačell djido, kay nay vals kol foryenge Tirus oun Sidon ap i rig. O baro Devel marell kol Filistaryen, kolla kay ačan kolendar pral, kay van dran ko panyeskro them Kreta.

Ezekiel 27:8

Morsha dran i forya Sidon oun Arvad his tire boudepangre, kay anan kashtentsa o shiffo glan. Dran toute, Tirus, van kol morsha, kay hayvenn mishto o shiffo te oulerell.

Ezekiel 28:21

Tou, mensho, dik kote, kay o foro Sidon hi, oun pen glan-vi, hoy pral o foro vella!

Josua 11:8

Oun o baro Devel das len an o Israeleskro vast. Oun yon dan len, oun lan len palla bis pash ko baro foro Sidon oun bis pash Misrefot-Mayim oun bis an ko telstouno them Mispe kote kay o kham pre djala. Oun yon maran len lauteren oun moukan kekes krik te nashell.

1. Samuel 26:6

O David penas ap o Ahimelek, ko Hetari, oun ap o Abishay, koleskri day i Serouya hi, oun koleskro phraal o Yoab hi: “Koon kamell mantsa tele ap i platsa pash o Saul te djal?” Oun o Abishay penas: “Me djau touha tele!”