1. Mose 1:28 - O Debleskro Lab 2024 (Sinte-Manouche)

²⁸ Oun o Devel rakras lače laba pral lende vin oun penas: “Anenn boud čaven ap i phoub, te vell i phoub t'mendar pherdo! Oun avenn ray pral i phoub! Avenn ray pral i mačende an o baro pani, pral i čirklende an o bolepen, oun pral hake firhende, hoy ap i phoub hi!”

O Debleskro Drom 2021 (Sinte)

²⁸ Un o Dewel rakras latche laba pral lende win un penas: “Anenn bud tchawen ap i phub, te well i phub tumendar pherdo! Un awenn rai pral i phub! Awenn rai pral i matchende an o baro pani, pral i tchirklende an o bolepen, un pral hake viechende, hoi ap i phub hi!”

1. Mose 1:28 Iomraidhean Croise

1. Mose 1:22

Oun o Devel rakras lače laba pral lende vin oun penas: “Lenn boud terne, te venn boud t'mendar an o baro pani oun boud čirkle an o bolepen.”

1. Mose 17:16

Oun me čivau miri zoor oun miri barht ap late. Oun ninna latar dau tout i čaves. Ava, me čivau miri zoor ap late. Yoy vell i day boud menshendar. Latar venna yaake boud menshe, kay lendar natsyone venna. Ninna bare raya pral boud menshende venna latar.”

1. Mose 17:20

Ninna, hoy tou mandar mangal tiro čaveske Ismael, kamau me te krell. Shoun, me čivau miri zoor oun miri barht ap leste. Oun me dau les boud čaven, te venn lestar boud boud menshe. Yob vell o dad deesh-te-douy rayendar oun lestar vell i bari natsyona.

1. Mose 24:60

Oun yon rakran i barht pral late vin oun penan: “Tou, mari pheen, toutar te venna boud zerya menshe: zerya kope deesh-zerya! Mou venn tire čave ray pral kolende, kay kourenn pen lentsa, te lenn le kolengre forya krik!”

1. Mose 26:24

An koy rati moukas pes o baro Devel lestar te dikell oun penas: “Me hom o Devel tiro dadestar Abraham. Ma traash! Me hom touha. Me čivau miri zoor oun miri barht ap toute. Tire čave, kay pal toute venna, venna boud oun boudeder. Yaake dom miro lab o Abrahameste, kay mange koy his.”

1. Mose 33:5

Oun o Esau dikas pre oun dikas i djouvyen i čaventsa oun poučas lestar: “Koon hi kolla, kay pash toute hi?” Penas o Yakob: “Miro Ray, kalla hi mire čave. O Devel his mange yaake lačo, kay das lo man kal čave.”

1. Mose 49:25

Tiro dadeskro Devel vell ap tiri rig. Yob hi o zorelo Devel. Yob dell tout brishin dran o bolepen oun pani dran i phoub, ninna boud čave oun firhe.

1. Mose 5:2

Yob kras o morshes oun i djouvyat oun čivas peskri zoor ap lende oun das len ko lab mensho.

1. Mose 6:1

I menshe van boud oun boudeder ap i phoub. Oun ča van boldo lendar.

1. Mose 8:17

Kol tsele firhe, kay pash toute hi, mouk len vin te djal: i čirkle, i bare firhe, oun i tikne firhe, kay djan pral i phoub. Kamau, te lenn le čave, yaake te vell lendar i phoub pherdo.”

1. Mose 9:1

Oun o Devel rakras lače laba pral o Noah oun pral leskre čavende vin oun penas: “Anenn boud čaven ap i phoub, te vell i phoub t'mendar pherdo!

1. Mose 9:7

Anenn čaven ap i phoub, – boud čaven, te vell i phoub t'mendar pherdo!”

1. Familjakro liil 4:10

Oun o Yabez das gole ap o Israeleskro Debleste oun penas: Čip tiri barht ap mande, oun kre miro them bareder har lo kanna hi. Ab mantsa, oun rike tiro vast pral mande, te vell nay kek douk pral mande! Oun o Devel moukas te vell, hoy yob poučas peske lestar.

Hiob 39:11

Fothe zorelo yob hi, nay deh tou leske tiri boudi an o vast, oun nay djineh, te krell lo, hoy tou lestar kameh?

Hiob 42:12

Oun o baro Devel čivas boudeder barht ap o Hiob har glan kova. Oun yob las 14.000 (deesh-te-star-zerya) bakre oun 6.000 (shob-zerya) khamele oun 2.000 (douy zerya) groumya oun 1.000 (yek zero) bourike.

Debleskri gili 107:38

Oun yob das len barht, oun yon van boud oun boudeder. Oun yob das len ninna boud firhen.

Debleskri gili 115:16

O bolepen hi o baro Debleske kokres. I phoub das yob i menshende.

Debleskri gili 69:34

O baro Devel shounell i gole kolendar, kay tele-rikede hi, oun bistrell peskre pandle menshen gar.

Debleskri gili 8:6

Tou kral les gar boud tikneder har tout kokres. Baro oun raylo kral tou les.

Debleskri gili 8:7

Tou kral les ray pral halauter, hoy tire vasta kran. Lauter čival tou tel leskre herya:

Jesaja 45:18

O baro Devel hi o Devel, kay o bolepen kras. Yob hi o Devel, kay i phoub kras oun zoreles pre čivas. Yob kras lat gar yaake, te nay djivell či koy pre. Na-a, yob kras lat yaake, te vell djipen ap late. Yob penell: Me hom o baro Devel, oun dell kek vavar Devel har man!

3. Mose 26:9

Me dikau lačes ap t'mende, oun krau, te lenn boud čave, yaake te venn boud. Oun hoy man sovel dom, te dap t'mende, rikrau dren.

1. Timoteo 4:3

Yon penenna, te romedineress gar, oun te rhas gar hako rhapen. Koon ap o Yezous Kristeste patsella, oun o čačepen hayvella, nay rhal lauter, te parkrell pes lo pash o Debleste, kay lauter kras.